متمردتي المطلقة

🩸متمردتي المطلقة🩸

بقلمي: أريا ستارك

🍁الحلقة الخامسة: بين ثنايا الحاضر وألغاز
الماضي🍁

متمردتي: 3

حنان حلات عينيها على آخرهم وشافت فرائد: ماما؟!!!
رائد جر كرسي لحداها: وي شفت طوموبيلتها وتأكدت ملي شفتها باقة كيما هيا واخا سنين ماشتها
حنان: لالا غير تخالطات لك مايمكنش؟!! تقدر تكون عندي خالتي ولا شي حاجة... ماما راه باقا ف فرنسا مع فريد
رائد: اه فريد تلاقيت بيه كيبغي ماماك بزاااف...
ام حنان تزوجات ولكن غير مؤخرا حتى طمنات على ولادها تزوجات برجل أعمال تعرف عليها فحفل من لحفلات لي حضرات ليهم على شرف ولدها، ملي تزوجو وهوما كيدورو حول لعالم فشهر لعسل وفعلا كان خاصها ترجع زوج سيمانات هادي ولكن عيطات ليها من فرنسا قالت ليها غاتبقا حتى تجيب معاها غوب دماغياج ديال علياء...
حنان عينيها غرغرو ولكن حبساتها: اش قالك فريد؟!
رائد شد يدها لي كترعد بين يديه: قاليا بلي هو لي لقاهم وهي سيمانة وهي باركة مع جداك وخالك صغير...
حنان كتقلب بعينيها على شي حاجة حادة وقفات وقالت بصوت باح وعينين مغرغرين: انمشي طواليط ونجي
بلاما تسنى جوابو تحركات وما عارفاش راسها فين غادا بانت ليها طابلة صغيرة فطريقها محطوط فوق منها فراشط ومعالق توجهات ليها هزات موس بلخف وهي مراقبة باش تاحد مايشوفها سولات واحد بزربة فين طواليط، دخلات وسدات عليها حطات لموس فوق لافابو وشافت فلمرايا طلقات لعنان لدموعها...
حنان من لي تزوجات ماماها لحالة النفسية ديالها تدوهرات كان عاجبها لحال أنها عندها شي حد كتقابلو وتهتم فيه ومونساها ملي تزوجات ومشات مع راجلها حسات بالوحدة نيت يالاه عرفات هاد لإحساس، ودابا عرفات ان أمها كتكدب عليها ومن شحال وهي قريبة ليها ولكن مافكراتش تشوفها تسع شهر هادي ماشافتها.
فعلا مشات ماماها وراجلها فشهر عسل حول العالم وكل مرة كتعيط ليها من بلاصة.. حنان تحولات شهرين هادي لدارها جديدة باش تخلي لأمها خصوصيتها هي وراجلها واخا دارهم كبيرة وتم فين غادي يعيش معاها راجلها بطلب منها..
اي مشكل بسيط كيجرحها كتر علاش ماماها خبات عليها علاش باركا مع عائلتهم سيمانة هادي ومافكراتش فيهم جبدات تيليفونها وعيطات لرائد لي جاوبها مخلوع..
رائد: حنان مالك؟؟ فينك؟
حنان: باقا فطواليط قوليا سيمو عارف؟؟
رائد: ماقلت ليه والو
حنان قطعات عليه وبزربة جربات تيليفون ماماها ديال مغرب وشدات ليها نمرة بتاسمات بغضب: مافكروش بلا نقدر نعيط فيه هههه
ام حنان مليكة: بنتي سلام عليكم
حنان بصوت باح: ن نتي فلمغرب
مليكة: احم اه يالاه وصلت
حنان تصدمات من كدوب ماماها ولكن عرفات بلا رائد ما قال والو لفريد وقدر ماعرفوش كاع، رائد لاعب كرة معروف أي واحد يقدر يهضر معاه ولكن باش يعاود ليه على حياتو فشكل...
نفضات دوك افكار ورجعات للحضة لي هي فيها: مافكرتيش تعيطي لبنتك؟ فينك
مليكة بتوتر: اه ام ...(تسمع صوت بعيد "ماما اجي معرت مال جدة" حنان خرجات عينيها من صوت سيمو فتيليفون معرفاتش اش تقول ولا دير كيفاش كاين مع ماماهم وهي لا...)
قطعات تيليفون ولتاني مرة كتهرس تيليفون هاد لمرة ضرباتو مع لحيط وتشتت بقات غادة جاية كتحاول ماتخليش تفكيرها يديها لأسوء حاجة ممكن تفكر فيها، وهي انها اخر واحد كيجي فبالهم بحال غير حيت آجباري عليهم ديك ثقة ف النفس لي كتبين لبنادم ماشي هي حقيقتها ....
شدات لموس كرزات يدها عليه وياله بدا كيختارق لحمها وبدات كتحس بألم جديد ينسيها فألم قلبها، تدفع لباب بجهد ودخل رائد عينيه حمرين وشاد تيليفون فودنو...
رائد: صافي قطع هاهيا قدامي...
رائد قطع تيلي مع سيمو دخل بخطوات تابثة ووجهو كلو أعصاب وحزن فعينيه عليها ملي شاف اشنو ف يديها فهم كلام سيمو لي يالاه عيط ليه ومخلوع عليها لاتكون فهمات غلط...
مشا عندها وقف قدامها شد ليها يدها حيد منها لموس لاحو فلأرض وداها لروبيني حلو غسل ليها جرحة بكل بطئ لوا عليها مشوار كان فجيبو وسد قبضتها على الجرحة بشوية، ولكن حنان كرزات على قبضتها بجهد باش تحس بلألام جر ليها يدها وكرز على دراعها وبصوت كلو عصبية غوت عليها: متوركيش عليها رخي يدك
صوت بحال خرجها من ضبابة ديال افكار كانت كضور فيها...قرب ليها كتر شدها من دقنها علا ليها راسها باش تشوف فيه ومسح ليها دموعها بإبهام ديالو: حنان نتي بعقلك وإنسانة واعية علاش كتخلي مشاعرك يتحكمو فك؟؟ عطي لماماك فرصة تشرح لك تقدر تكون خايفة من شي حاجة متشكيش فكلشي؟؟ ماشي على قبل إنسان واحد تفقدي تقتك فالناس لي قراب لك وكيبغيوك...