متمردتي المطلقة

🩸متمردتي المطلقة🩸

بقلمي: أريا ستارك

🍁الحلقة السادسة: متمردتي سيدة التناقضات🍁

متمردتي: 2

من بعد مامشى رائد حنان دخلات تعرفات على خالها وجداها ودخلو لقلبها من اول لقاء ناس عفويين وكتحس بالمحبة من طريقة سلامهم عليك... رجعات مع سيمو لي داها لعند علياء هزها ووصلهم تال دار ...
سيمو: مانوصيكمش البنات ماتمشيو فين طاح ضلام دابا مابقا خروج
علياء كرزات على حنان: ماتخافش غاتبقا معايا علياء غير فدار اصلا فيا لوجع ليغيكل غانعطيوها غير لمسلسلات ولحتيت ونيت ندويو فشي لعيبات للعرس باقي ماتقادوش....
مشا سيمو ولبنات دخلو فرحانات دوشو وبداو يوجدو لليلتهم...

علياء: بربي وماتلبسي هاد لكسوة لاخرجتي
حنان: ماتحلفيش بالله راه ماغانلبسهاش قصيرة بزاف
علياء: واللهما معيقة أصحبتي ولهيلا مناسبة لنايت كلوب
حنان سهات كتشوف فلمراية: لالا مانظنش
علياء: ايييهو انا عارفاك مامعاياش رائد دا لك لعقل ههههههه
حنان: قودي اش كتخربقي
علياء: ويلي كتخصري لهضرة ديريكت إدن كاعية عليه ياك؟..
حنان خنزرات فيها راه عارفة من نهار لقات دوك زوج فديك لوضعية وهي تسيف ولات وحدة خرا خرجات من لقوقعة لي كانت دايرة لراسها من لي مات باباها...
علياء غير من شوفتها ليها فهمتها: اوكي اوكي هاني غانسكت صافي..... ولكن اش دار لك؟
حنان: ههههههه ماتقدريش تسكتي عرفاك... (حنان عودات ليها كلشي)
علياء: ونتي دابا اشنو مكعيك؟؟
حنان: لي مكعيني هو كدوب ديال بنادم كيتيقو وكيعيش فيه هو ماكيبغينيش ماكنعجبوش كاع غير عزيز عليه نگير ديالنا وضحكنا وصافي هاديك هي لإثارة عندو...
علياء: اوكي ونتي اش ضرك؟؟ هو عايش وهم ونتي مالك ياك كتسدي عليه جميع لأبواب؟؟ مزال ماعرفتش أشنو مشكلتك معاه
حنان بنفاذ صبر: ماكينش مشكلة غير كيدير ليا طيارة مرة بارد مرة غايتفرگع بسخونية هو براسو دايخ
علياء: حنان دابا خوديني على قد عقلي نتي ماكتبغيهش ماكيعجبكش ياك؟؟
حنان بتردد: اه
علياء: اه كيعجبك ولا اه ماكيعجبكش
حنان: درتي ليا طيارة بحالة ماكتعرفينيش انا دراري درت عليهم كروة حمرة وسيرتو شي حد بحال رائد بوگوص مشهور لباس عليه هادشي كيجبد غير مشاكل وصداع
علياء بقات كتشوف فصحبتها وبتاسمات: خلي هاد لهضرة تانرجعو دابا أشنو نلبس انا؟؟
علياء سكتات شوية عاد بدات كضحك: ههههههه كنتخايلك واقفة نهار باسك فديك لحفل بحال لاعبة أجمد أمولاي حمد هههه ماتحركتي مادويتي ماحزقتي ههههههههه ولكن مهم انك تانتي بستي هههههههههه علاااام
حنان هزات مخدة وشيرات عليها: غاتزيدي كلمة غاندير بناقص ونبرك
علياء هربات منها كضحك وحلات كتقلب ليها فلماريو ديالها وجبدات وحدة من كساوي فرحانة: هايا لقيتها!!
حنان تنهدات كتشوف فشعرها لي مصاوب هو ومكياج خفيف زادها جمالية وملي هزات راسها فلكسوة لي هازة علياء خرجات عينيها: هههههه لكانت شي وحدة غاتطلق قبل ماتزوج فاهي نتي
علياء: ناري فمك لحسو كلب كحل
حنان: يعض مك ان شاء الله
علياء هزات نفس مخدة من لرض وشيرات على صحبتها بيها: ديمك راه غير متال زعمة ماحنا بفال
دوزو وقتهم غير ضحك وتوجاد حتى سالاو على خاطرهم حنان كتشوف فعلياء مبتاسمة: مالكي نتي غاكتفرنسي
علياء: بسم الله رحمان رحيم عليا علاش مانفرحش ونتي اول مرة غاتمشي معايا لنايت كلوب لمعلوم غانكون ناشطة وايالاه يالاه هزي تيليفونك اه حقا باقة ماشريتيهش بففف يوتوبوز مشهورة ومسكينة ماعندهاش تيليفون.
حنان: راني قلت ماساليتش ويالاه تهرس مالك غير بشوية عليا
علياء: خاصك شي ساط لي يخليك ماتقدريش تستغناي على تيليفونك...ياااااالاه واه اخيرا غانخرجو لنايت كلوب ياااااس...