متمردتي المطلقة

🩸متمردتي المطلقة🩸

بقلمي: اريا ستارك

😷الحلقة الثانية عشر:الحجر تحت سقف واحد  😷

متمردتي:11

كيشوف فلقرعة وكيرجع عينيه على حنان لي معنقة مخدة وكتهضر: شووووو متهضريش بجهد غايسمعك صاحب خويا .....لا ماكيعجبنيش رائد لالا عادييييي.... مممم عينيه واااااااااعرين اه حتى شعرو ولحيتو وصوتو .... (ضربات لمخدة ولاحتها فلأرض) تانتي بحالهم دوك بنات لي كيمشيو معاه بحاااااالهم ق**ة لوخرا 
رائد قرب ليها وشدها من دراعها: هاد لقرعة عمرتها بهاد لفودكا حيت تهرس فم لقرعة ديال زاج نضتي نتي شربتيها كاملة...
حنان هزات صبعها: أنا مانضتش شربتها جااااات حتى لعندي وقلت ليها لااااااا نتي خايبة وحرام وهي قالت ليا لا غير شربيني نعجبك... مامربياش نتا ماربيتيهاش
رائد جرها وبركها فوق سرير: خاصك تنعسي باش يطير منك هادشي
حنان دفعاتو وناضت وشدات شورطها: كاين صهد
رائد بزربة شد ليها يديها لي شادين شورطها: طلقي من شورط مكاينش صهد غير شربتي بزاف ومامولفاش وجاك صهد
حنان حيدات يديها من شورطها وشدات ليه جناب سروالو: حيد نتا راك لابس بزاااف
ماعرف راسو باش تبلا اش يدير مع هاد لموصيبة، حط يدو فوق من يديها وكيحيدهم من فوق سروال سيرفيط ديالو: حنان طلقي مافياش صهد
حنان كتجر فسروالو: أنا فيا صهد
رائد حيد ليها يديها جمعهم فقبضة ديال يد وحدة حيد شعر على وجهها باش يقدر يهضر معاها، سها فشكل وجهها لمزنگ ونيفها حمر عينيها ذابلين ولأول مرة كتشوف فيه بحنان ابتاسمات وقالت: علاش عزيز علك لبنات بزاف؟؟ علاش؟؟
رائد شاف فلأرض من لي بان ليه سروالها مليوح هزو: لبسي حوايجك احنان غاتمرضي
حنان لاحت يديها دوراتها على عنقو: عزيز عليا لعرا أجي نتعراو بزوجنا
رائد: فاااااك واش باغا تخرجيني على طوعي هاد ليلة
جرها بركها فسرير حيد تقاشرو من رجليه ولبسهم ليها، هزات مخدة ضرباتو بيها كان بارك قدامها قفازي من لي ضرباتو طاح لرض ..ناضت هزات مخدة اخرى وبدات كضرب فيه كتر وكل مرة طيح ليها مخدة تهز اي حاجة حداها وضربو بيها...
بعد نص ساعة وهو كيحاول يهدنها مالقا تاحل إلا أنه يبرك حداها ويشدها...
                        ***************
بعد مدة بسيطة حنان كتبكي: غانموتو كلنا غانموتو
رائد محاوطها بدراعو كيحاول يحكمها باش ماتنوضش تاني تحيح عليه متكي فنفس سرير وحنان حداه راسها حدا كتفو...
حنان مزال كتبكي:غانموتو كلنا نهاية لعالم... روكونا غاتقتلنا
رائد كيضحك: كورونا كوروونا
حنان: روووكووووناااااا
حنان ضارت شافت فيه من لي قال كورونا عوتاني قربات ليه لوجهو: فمك زوين ولحيتك زوينة
رائد  هز حاجبو وبتاسم جنب: اشنو خر
حنان: عينيييك عينييك عينيييك طيحو زرزور من فوق صور (رائد كيضحك وباقي معنقها حاكمها ماتحركش) عينييك عينيييك جابو دبان من زبالة
رائد: حتى ونتي سكرانة مكتعرفيش دوي زوين وتعنبي مقاد
حنان دفعاتو وربعات يديها: انا مكنتعنبش ماعزيزش عليا لعنب كيعجبني توت لبري بحالك.
غمزاتو وحاولات تسيفط بوسة فلهواء ساعة ولكن يدها مقدراتش تهزها تال عند فمها بحال تقالت عليها..
رائد شد ليها يديها بين يديه: رتاحي شوية وباراكة من ترطية
حنان غوبشات: ولكن أنا بغيت نموت مرأة
رائد قرن حجبانو بعدم فهم: كيفاش؟؟
حنان لاقات صبعانها بحال دراري صغار وبدات كتهضرة رغما ان لكلمات عندها تقال ولسانها كيخربق لهضرة: ظابة انا كنت مزوجة ياااااك!!! ولكن باقة بنت ياااااااك!!؟؟ ظابة واش انا نموت عزبة مانجربش ؟؟ ماشي معقول هادشي حراااام
رائد ماعرف مايقول طلق من يديها وبعد منها شوية هز مخدة حطها بيناتهم: جنان راك غير سكرانة مكاين لا موت لا والو
حنان هزات لمخدة شيرات بيها لاحتها ووقفات فوق سرير واحد رائد خرج عينيه ياله غاينطق بركات فوق منو: نلعبو عروسة وعريس؟؟عفااااااااك!!!