متمردتي المطلقة

🩸متمردتي المطلقة🩸

بقلمي: اريا ستارك

🍁الحلقة الثالثة: أتاني هواها قبل ان أعرف الهوى🍁

متمردتي:1

قبل ساعات:
اشعة شمس ساطعة كضرب فعينيه شي لي خلاه يقوسهم محاولة منو يحمي عينو من غزوة شمس لهدوئهم و مقاطعة نومه لعميق باش تبشرو ببداية نهار جديد...
حل عينيه كيتكسل وعضلات جسمو كتثنى مع كل حركة منو، وقف قدام مراية باقي عينيه مامحلولينش مزيان تاجه للباب حلو ودخل لغرفة صغيرة وسط بيتو لكبير على شكل خزانة لملابسو الباهضة الثمن، قبل مايهز بينوار جديد للحمام معاه ضرب فبلاكار صغير طاح منو صندوق تشتت فلارض...
رائد حل عينيه مزيان ضبابة ديال نعاس لي كانت طارت اول ما جات عينو على اول صورة وهي إيكوغرافي ديالو من لي كان مضغة فكرش أمو تعقدو حجبانو وهو نازل يهز صورة بنضرات حادة شاف فلارض وبرك حدا الصندوق كيتمعن فصورة وقال باستهزاء: مونغوليان
رائد تزاد قبل وقتو فشهر سابع للحمل ديال امو خرج للدنيا وهو كتلة شبه منعدمة كمل وقتو فسبيطار حتى فات تسعة أشهر وبحكم صحة ديالو المتدهورة كان عبئ على واليديه..
الأب لي هو لآمان كان كيحس منو غير بالخوف كان حاقد بدون سبب كل نهار كيسمعو بلي هو من ذوي لإحتياجات لخاصة، وبلا حياتو كاملة غايبقا يعدب ناس لي معاه، الأب ما قدرش يبقا ويعتني بعائلتو فضل لهروب لبناء مستقبل أخر مع ناس أخرين...
في حين الام مصدر لعطف ولحنان كانت ولاتزال مصدر أعصاب وخيبة أمل، عمرها بينات حبها ليه مشكلتها لكبيرة هو انه راجلها خلاها بسباب إبنها معرفاتش واش تحبو ولا تكرهو، لذلك قررات انها تكون باردة من جيهتو ماكانت كتبين تاشي مشاعر ولا أحاسيس لي كيهمها أنها خسرات مركزها فلمجتمع ورجعات فقيرة...
لوقت لي ولا رائد فيه لاعب كرة مشهور تقلبات تصرفاتها تقمسات دور جديد لي مجاش معاها، دور ام حنونة لي باغا تزوج ولدها لبنت وزير ولا أي بنت غير تكون عندها نفوذ بداو مخططاتها ومتطلباتها كيكترو، ومعاها بدا صبر رائد كيتقادا مبقاش قادر ينافق ولا يضحك فوججها وهو عارفها إنسانة غريبة عليه.
أم سيمو و حنان كانت بالنسبة ليه نعم لأم فنهار واحد كانت كتعطف عليه وتحبو اكثر من اي واحد من دمو ولحمو وهادشي علاش كانت هي أم تانية بالنسبة ليه...
الأم بعض لمرات ماشي هي لي كتولد لام هي لي كتربي وكتكبر لأم هي نبع لحنان ولعطف ونبع لقوة فنفس لوقت، لأب كيكون سند عون وأمان ولكن لأم كتشمل كلشي لي بقا....