متمردتي المطلقة

🩸متمردتي المطلقة🩸

بقلمي: اريا ستارك

😷الحلقة الثالثة عشر: عدوى الحب 😷

متمردتي:2

حنان حركات راسها اه ولكن مهزاتش راسها فيه هز لحم من قدامو وحطو ليها قدامها رجع كياكل ونضراتها هاد لمرة عليه حتى هز راسو فيها: اشنو سبب هاد لعشا احنان
بغات ترجع تحدر عينيها ولكن شافت داخل عينيه انه بحال كيرغبها تقول اشنو فقلبها تنهدات ورجعات شريط حياتهم قدامها فثواني: احم دكشي لي قلتي ليا داك نهار احم نجربو لاصدقات هي هاديك ..
رائد حط فورشيط وتقاد فلبركة عينيه على حركاتها لمتوترة: حنان ستعملي جمل مفييدة باش نفهمك
تنهدات وخدات نفس عميق وقالت بزربة: نجرباناوياكعلتقة لاصدقاتهيهاديكلامصدقاتش أوكي؟!
رائد بتاسم ليها: عاودي كلامك وهاد لمرة دوي وتنفسي فنفس لوقت حاولي توقفي بين كلمات...
حنان خنزرات فيه: واش انا درية صغيرة؟!! تهضر معايا هاكة
رائد بعد كرسيه على طابلة ونعت ليها بيديه: اجي عندي
حنان هزات حاجبها ومعاه هزات كتافها:اوا صافي قولي ليا نتي أجي لعندي اوا صافي برك نتا بحال سي سيد وحنا نديرو لك كولشي بففف..... أجي نتا نيت
دفع كرسيه ووقف خلعها تاهي وقفات بزربة وبتاسمات بتردد: هههه غير كنضحك غير كنضحك
رائد تحرك لعندها شد يديها بزوج شبكهم بين يديه وحادر راسو كيشوف فيها: سنفورة ديالي طلقيني خلاص وقولي
حنان خنزرات فيه: زعمة كتقوليا قصيرة؟؟! إوا بزعطة هانتا طويل باش نفعك طول؟
رائد ضحك على طريقتها فتفادي لجواب على سؤال: غانحسب على خمسة لامجاوبتيش غانبوسك
حنان بغات تملص يدها ودفعو ولكن متحركش ليها:أويلي نتا وليتي لالة عايشة لبواسة غير ضور وباغي تبوس
رائد: 3.   4.    
حنان زادت توترات: اويلي فين زيرو واحد وجوج
رائد:5
حنان: اوكي اوكي درت لعشا باش نقولك بلي بغيت نبدا علاقة معاك اوكي صافي رتاحيتي هانتا سمعتيها أشنو بغيتي مزال يخزيت مكنحملش نقول هادشي كيتحس ماكيتقالش ونتا كضغط عليا....
قبل ماتكمل كلامها يديه غيرو مكانهم لخصرها ضمها ليه وحط شفايفو على شفايفها أخيرا محبوبته قلبها حن أخيرا غادي تكون ليه، عندو يقين أن علاقتهم ان شاء الله غادي دوم وتكبر خاصها غير تيق تاهي وتحاول تبدا من جديد معاه صفحة جديدة...
طلقها وعينيه كيحكيو ليها على حب سنين لي كان معشش فكيانو بتاسمات من قلبها مع تزنيگة حدرات راسها للحضات ومن لي هزاتو عينيها مدمعين خلعوه ولكن قبل مايدير ردة فعل كلامها وقفو...
حنان: بشرط نهار ماتبقاش باغيني ولا تشوف فبنات أخرين وعجبوك جي لعندي وقولها ليا واخا نتجرح غانسا واحد نهار ونبدا من جديد، ولكن إلا كدبتي وجرحتيني عمرني نسا...
رائد حط يدو على حنكها: واش بعقلك؟؟ سنين وانا كنتسنى فلآخر نق**ها هاكا؟ مايمكنش (رائد مشا للبار هز قرعة ورجع عندها) نحتافلو؟؟
حنان عينيها ولاو كيبريو: اه اه نحتافلو
رائد: كتشربي ياك غير عتارفي
حدرات عينيها: والله غير شي مرات كنت جربت شي انواع صافي
حنان: متقولهاش لسيمو ولا ماما عفااااك
رجع راسو لور وشبع ضحك: باقة معاوداتش لك صاحبتك بلي هو عارف؟!!
حنان خرجات عينيها: أويلي؟؟ لا متقولهاش
رائد: تيليفوني سالة ليه شارج لبارح اما نوريك هههههه عطاها تشرب معاه وسكرت لي كان قالتو ليه ديك ليلة
باقة مخرجة عينيها حطات يدها على فمها: متقوووولش ليا؟!!
رائد حرك ليها راسو بمعنى اه: قالت ليه على ليلة لي سكرتي وكلشي لي وقع بيناتنا
حنان: غانقتل مها ملي نشوفها