متمردتي المطلقة

متمردتي المطلقة🩸

بقلمي: اريا ستارك

😷الحلقة الثالثة عشر: عدوى الحب 😷

متمردتي:1

هبطات لتحت شعلات شمع وحطات واحد ديكور كبير فوق طابلة كيتحط فيه شمع شعلاتو ورجعات لفوق هزات طاجين هبطاتو وعاودات طلعات: غانضعاف غير بدروج... غير لي بغا يدير شي جيست زوين اووووف
خرجات شلاضة من تلاجة حطاتها فزوج طباسل وزوقاتها حطاتهم فبلاطو زادت حداهم كيسان وهزات قرعة ديال عصير تحت من دراعها ونزلات قادات كلشي فطابلة ورجعات طلعات تعيط ليه يتعشاو، وصلات قدام لباب ودقات عارفاه كان كيسخن لما قبيلة باش يدوش من لي ماجاوبهاش وقفات كتسنى شوية وعاودات دقات فكرات فطاجين غايبرد حلات لباب وطلات مبانش ليها دخلات وسط لبيت كتحاول تسنط واش راه فلحمام: فين مشى هادا؟؟
رائد من وراها: هاوا موجود
حنان خلعها شدات فقلبها ضارت سادة عينيها: تف تف تف خلعتيني منين خرجتي
هز فيها عينيه مبتاسم وباقي سارد شعرو كيقطر سرطات ريقها بزز هابطة بعينيها لصدرو لمطراسي ونازلة بعينيها تحت انضاره لفضولية مقابل وجهها وتغير ملامحها بكل نضرة، عينيها وصلو لفوطة لي ملوية على خصرو..غمضات عينيها: ويلي ويلي.. احم أنا كنتسناك لتحت نتعشاو
رائد شدها من دراعها مبتاسم: ماتنشفيش ليا شعري؟!
حنان بتوتر: احم شعرك ينشف دغيا قصير وطاجين غايبرد دغيا
كيضحك عليها وكيفاش تزنگات دغيا: كلشي دغيا دغيا؟!!
حنان هزات يدها غادفعو لصدرو ويدها زلقات دغيا صدقات قامشاه: نارييي سمح ليا نااااري ضفاري طوالو مرديتش لبال سمحلي
حادر راسو كيشوف فيها وحاط يدو على فوطتو شادها، اما حنان حطات صبعها حدا لقمشة وكتنفخ عليها: فوووو واللهما قصدت كنت باغة غير ندفعك
خرجات تجري مشات لبيتها وجابت فاصما صغيرة ديال جرح رجعات لعندو لقاتو باقي مقابل لباب فنفس بلاصة: لاتجيب سبتك عليا هاني درت لك بوماضة وفاصما
وركات بصباعها على فاصمة ودازت حداه حطات صباعها ببطء وركات بشوية، رائد كيشوف فيها وحوايج أخرين كيتحركو كل ماوركات بصبعها...
حنان: شحال قاصحة كرشك تانا بغيت نتريني حتى تولي ليا بحال هاكة
رائد تنهد: حنان غاتزيدي تحطي صباعك غانلوح هاد لفوطة ونوريك اش كديري فيا فهاد اللحضة..
حنان خرجات عينيها وعنقات يديها عندها باش مايمشيوش يقيسو شي بلاصة أخرى، هاد صباع عندها ماكيتشاوروش غير تحركو وقاصو كيما بغاو فصدر رائد: احم طاجين أنا ههه لتحت غايبرد ...
هربات كترجي وسدات لباب خلاتو كيضحك حيد فوطة غايلبس حوايجو مديرونجي مع هاد لحالة لي دارت ليه ...

هابط بشوية حتى كتبان ليه لعافية شاعلة فشوميني عرفها حاولات ونجحات أنها تشعلها بتاسم ملي هبط مزال كيشوف شمع شاعل وطابلة مقادة وحنان باركة فوق كرسي كتسرفق راسها وكدوي مع راسها..
حنان: مكتمرگيش صدرو قاصح ويلي ويلي ويلي دا مايعاود لالا وبقات فيك نبيشة لي درتي بضفارك غادة تجيبي فاصمة ههههههه والله يعطيك دل...
رائد حابس ضحكة: احم طاجين باقي سخون
حنان خلعها: اه اه اه سخونة سخووون طاجين سخون
برك فطابلة مقابل معاها بتاسم هز لعصير شرب منو حطو وبدا بصلاد هي لولة هز عينو فيها: قاديتي هادشي على قبلي