متمردتي المطلقة

بقلمي: أريا ستارك

🍁الحلقة: أنثى بدون قيود🍁

متمردتي:2

سمحمد:(والكاتبة نعلي شيطان راه سميتي محمد....*مشغليش سمحمد زوينة* وساطة راه سي محمد كيقولوها لناس كبار...*دابا واش نتا لي كتكتب ولا انا؟ مغاتسكتش غانرجع سميتك لعربي)
حنان دارت مبتاسمة ومشات تجري عنقاتو: سيمووووو توحشتك بجهد امتى جيتي
صاحبت حنان علياء بتاسمات: واخليه يتنفس باش يدوي
حنان رخات منو ودارت عند صحبتها: فراسك تنفس هي حزق عند شي ناس
سيمو: فراسك لحازوقة هي لفاكَـة
علياء شافت فسيمو ورجعت شافت فصحبتها هزات يديها بحال غادعي عليهم: ياربي راك عالي وعالم
حنان دارت عند خوها مبتاسمة: امتى جيتي
سيمو: جيت ديريكت من مطار نشوفكم هو لول...فينو راجلك نتي؟؟
علياء خرجات عينيها باستفهام عاد ضحكات: ترجلك رجلة وتعاودك دحشة سميتو مون ماغي
سيمو شاف فحنان وهضر بشوية ولكن مسموع غير شاد فعلياء: مال هادي فمها مراجل
حنان: زيادة وخلوق هاكة...غير سكت ماخلينا سبيطارات جرينا بيها فيهم...
علياء: ديمكم عمركم ديرو عقلكم تف بنادم عندو بيست فرند وانا عندي بطانة كلب...قولي ليا نتي اش بان لك فهاد قاعة لأفراح؟؟
حنان شافت فيها وخرجات لسانها كتلهت بحال شي كلب وكتشير ليها بيديها: هاو هاوهاو هااوهاو هاااااو
سيمو تكرشخ بضحك وعلياء مقدراتش تحبس ضحكة صوت حنان صرع نباح ديال كلاب...
علياء: تصب
سيمو:تصب كتقال لمشاش ولكلاب كتقوليهم خوسييير
علياء خرجات عينيها: لعار لما قولو ليا منين كتجيبو هاد لكلمات
سيمو بتاسم مشا عندها وعنقها وباسها فجبهتها: توحشتك
علياء تزنكات: ياك شفتك غير قبيلة قبل ماتجي تفاجئ حنان
حنان نقزات: بنت لاديناااا كنتي عارفاه كاين ومقلتي والو؟؟
علياء: من نيتك راه هو لي غانتزوجو بغيتيه مايجيش يحضر ولا شنو؟؟
حنان: عادي انا نوقف بلاصتو ولكن فليل متعرفيني منعرفك معنديش مع لبنات
علياء: تامن دراري معندكش معاهم عاااارفة...
حنان: لعااالية راك كتجبديني
علياء: بنت لحرام سميتي علياء عليااااء متقوليش ليا ديك سمية عوتاني ولانخرج فديمك
حنان: ههههههههههه كتبغي ديري فيها واعرة وتهضري زوين ساعة لعالية خرجاتك من روندتك... ديمك كلنا جينا من نفس لحي شعبي لي كبرنا فيه تادرنا لباس مال مك نتي لي باغة تباني هاي كلاص
سيمو: على دكر فلوس علاش نتي مكتاخديش فلوس لي كنسيفط لك؟؟
حنان خرجات لسانها: حيت بغيت...
علياء تفكرات شي حاجة ووقفات دارت عند سمحمد: سيمو فينو رائد؟
حنان خنزرات وشافت فخوها لي بتاسم ليها بزز وحك راسو: خليتو مع واحد ختنا فريسيبسيو
حنان باستهزاء حطات يدها على فمها: ناري على صدمة متوقعتهااااااش...رائد مع بنت؟! صيبافري
علياء خنزرات وشدات فدراع سيمو: شوف عنداك تعلم منو داك صاحبك كيصحابليه راسو دون خوان
حنان: ههههه لواه دون إسكوبار هههه معرفتش اصلا لبنات اش كيعجبهم فيه
تسمع صوت غليض من موراها وفيه واحد لبحة: حنان حنان حنان جا معاك لون لغيرة لي لابسة
حنان سدات نيفها: معرفت كيفاش تقدر تشم شي ريحة خرا من غير ريحتك...راك عايم بيها ماشي غير رشيتي كح كح كح خنقتينا...
حنان مبغاتش تشوف فيه مكاينش شي مخلوق كيعصبها ومكتحملوش قد رائد واخة عارفة بلا بلان ديال ريحة غير باش تستفزو، أما فلحقيقة ريحتو كتستنشقها وكدوخ كتحس بيها مخلطة شوية بريحة ديال قهوة، شي حاجة خاصة بيه وكتعجبها بزاف واخة تعيا ماتكدب على راسها هو فعلا بوكوص ولكن ماشي من نوع ديالها وماشي شي شخص لي تبغي تربط حياتها بيه ...
فنفس لوقت دايزين بنات كانو تاهوما كيشوفو قاعة صغيرة فجنب كيديروها لعيد ميلادات.... وقفو حداهم حالين فمهم ماشي فلقاعة ولكن فلي واقف قدامهم، رائد شاف فيهم وبتاسم كيبانو لك لبنات شوية ويدوبو ملي قررو يهضرو كتسمع غير غواتهم بزوجهم كيهضرو دقة وحدة وبزوجهم كيسمعو لبعضياتهم فنفس لوقت وجاوبو بعضياتهم فنفس لوقت حنان رجعات لور بالضجيج لي دارو...
بنت١: ناري هو واللهتا هو
بنت٢: متقولوهاااااش راااااااائد
بنت١: هو هو داك بوكوص لي كيلعب كورة
بنت ٢: هو هو رائد ناري شاف فينا وضحك
بنت٣: ناري بنات غاندوخ واللهتا هو وبوكوص تافلحقيقة... تي ورقي سيمو تاهو
سيمو بتاسم بزز كيخاف من علياء بلأحرى كيحتارمها ولكن هي متيقة بلا خوف وحنا غاناخدوها على قد عقلها...