متمردتي المطلقة

🩸متمردتي المطلقة🩸

بقلمي: اريا ستارك

🍁الحلقة العاشرة: عقد قران وعقد إنكسار🍁

متمردتي:13

كيتعتابر اللون الأبيض لون كل بدايات صفحة جديدة بيضاء من كتاب الحياة، كيما كيعني هاد اللون النور فالعروس كتكون هي الإضاءة ديال السهرة منورة بطلتها انحاء المكان، ونورات حياة نصفها الآخر....
كيف ما كيعني الأبيض الصفاء والعذرية فبطبيعة لحال وسط مجتمعنا لحالي هادو من أهم صفات العروس، النقاء كبياض التلج قبل لمس سطحية الأرض لثلويتها هكدا كيكون لعريس كيلطخها بلون أخر في ليلة الدخلة...
داخلة بخطوات بطيئة بلونها الأبيض لمرصع بأحجار كتزيدو لمعان فعلا بحال نجوم وهي كتلمع فعتمة السماء...
هاد لمرة عوض نكافات لأب لي شاد يدها عينيه مغرغرين كمل جزء من سنة ديالو رعى بنتو وجا لوقت لي يعطيها للشخص لي غاتولي من رعيته غاتولي دينيا ديالو وحياتو، بعينين دامعة اب علياء طلق منها عنق ولدو لي دخل للعائلة من بكري ولكن دابا بصفة رسمية(سيمو) عنقو وبابتسامة حزينة: تهلا فيها أولدي
سيمو بتاسم وعينيه على علياء: وصيها هي عليا اعمي
علياء تزنكات زادت بخطوة عند باباها باست ليه راسو وبعينيها كتقلب على ماماها لي شادة فدراع حنان وكارزة عليها جراتها لعند علياء وتعانقت لأم وبنتها كيتوادعو حيت جا لوقت لي غايتفرقو فيه بعد حياتهم مع بعضهم دابا جا وقتها هي دير عائلتها صغيرة لي بدورها غاتكبر وتكبر...
من بعد شوية تصاور كل جا رائد عند صاحبو يسلم عليه ويبارك ليه لآخر مرة ويقول بسلامة فنفس لوقت حيت غايسافر..
رائد: مبروك أصحبي
سيمو: الله يحفضك!! وشكرا على كلشي...إمتى عندك طيارة؟؟
رائد: غدا فليل ان شاء الله (سيمو: وجميلة؟؟ غاتخليها هنا)
رائد: عندها ست شهر فريهاب (مركز إعادة تأهيل) تلت شهر لولة ممنوعة عليها زيارة غاتكون بدات ديطوكس (ملي كيبدا للجسم يحرق أخر مكونات ديال آدمان ديالو كيدخل فحالة خايبة كيكون صعيب لإعتناء بيه دكشي علاش أغلبية كيسيفطوهم لمصحة)...
سيمو:مهم نشوفك من لي يبدا دوري هادشي إلا بدا سمعتي بداك لمرض لي كلشي خايف منو!! قالها ليا مدرب ديالنا داك نهار قاليا مابغاش يمشي للإكوادور حيت خايف يحصل تما
رائد: دكشي غير تخربيق غايكون بحال ايبولا ولا شي لعيبة هاكة مهم ماعلينا تهلا فراسك ونشوفك قريب
رائد عنقو: باقين على لخطة؟؟
رائد درب على كتافو ورجع عينيه شاف فحنان لي مقوساهم ومركزة معاهم: تهلى فراسك اصحبي (شاف فعلياء وغمزها) ليلة طبقي دكشي لي علماتك حنان
مليكة من وراهم واقفة: كيفاش؟ اشنو علمتها؟؟
علياء بزربة ودعقة خرجات اول حاجة جات فبالها: علمتني نقزو فوق سدادر
عم واحد سكون قبل ماكلشي يتكرشخ بالضحك وحنان تزنكات وغير كتفرنس وكتحلف على علياء اما رائد مقدراتش تشوف فيه...