متمردتي المطلقة

بقلمي: أريا ستارك

🍁الحلقة الثانية: الملكة دائما تصنع من الألم قوة🍁

متمردتي: 1

طلعات شمس نهار جديد فاقت من نعاسها على صوت زخات شتاء فعز الصيف تنهدات من هاد لجو لمتقلب، تكسلات بشوية عليها نزلات من سريرها خشات رجليها فبانتوف ديالها على شكل نينجا تيرتل دخلات ديريكت للدوش.
لبارح جات مهلوكة نعست ديريكت مولفة تعوم هو لول عاد كتنعس ساعة مع الأعصاب من رائد ولعيا طاحت كومة ديريكت نعسات.
خرجات من دوش لابسة بينوار دلحمام لاحتو فوق سرير وحلات مجر ديالها ولبسات منو ملابس داخلية معرفاتش اش غاتلبس ليوم وراسها بدا كيضرها، هزات بينوار حرير لاحتو عليها وسداتو وبنفس بانطوفة توجهات للكوزينة صيبات قهوتها لي متقدرش تعيش بلا بيها هي لولة وعاد راجعة تلبس حوايجها.
وقفات فقعر دارها كتمعن فلبلاصة لخاوية ولحيوط لي مكيناش فيهم تاشي لوحة فنية ولا اي ديكور، باقي ماوصلاتهاش صال أمونجي لي كومنضات عليها وعاد لفوطايات ديال صالون وبيوت أخرين ظيال ضيافة من غير واحد فيهم باغة ديرو ستوديو صغير فين تسجل فيديواتها.
فهاظ اللحضة كاين غير فراش بيت نعاس ديالها وماعن قلال وهادشي لي تحتاجو دابة، مقتنعة بدوقها وعاجبها إستقلالها أخيرا شرات دارها واخا بتي فيلا على قدها ولكن بعرق كتافها وبسنين وهي خدامة على أحلامها، عينيها غرغرو كتحاول تنسى لماضي ...
#فلاش_باك

كانت باركة فبيتها ساهية مع فيديو فليوتوب حتى جات خبار بدلات مجرى حياتها؛ موت باها كان أكفس حاجة تسمعها من غريب معيط ليهم فتيليفون وباش تكون هي لي تقولها لماماها وخوها قتلها من الداخل، داك نهار تحولو من عائلة ميسورة لحال لعائلة فقيرة ..
كيقول الأب كسقف كيحميك ورعاك تصور حجم ضياع ملي ترفع راسق ومتلقاش شي حد يحميك، موت باباها خلاها تائهة وسط حزن الأم مكاينش ماصعب من فقدان الأب أو لأم، لأول مرة غاتحس فعلا بكسرة القلب من بعد رحيله لحزن ماكيساليش ولفرحة عمرها كتكمل....
دازو أيام بينما خداو لجثة وبداو مراسم دفن، وصل نهار لعشاء لي هي صدقة على روح ميت غيرها الزمن والناس والتقاليد وأعطاوها أسماء كتمحي سبب رئيسي متلا (عشا لميت) في حين كينساو المغزى الحقيقي وهو انك دعي للميت بموجب ديك صدقة لي بالإسم ديالو...
دخلات حنان لعند مها لبيتها لقاتها بحال كل نهار مقابلة صورتو فلحيط ويدها على قلبها ومكاينش حس دمعة سدات موراها لباب وسورتاتو ولكن تسمع دقان فلباب فنفس لوقت، حنان زربات وسورتات لباب حيت عارفة عائلة باباها مغايخليوهمش فحالهم...قصة باباها وماماها عاشو فيلم غير مع عائلتو لدرجة قطعو لكلام وتبراو من ولدهم حيت غايتزوج بنت لخيرية هاد لكلام بقا تابعها حياتها كاملة وهي كتسمع بنت لخيرية ولا بنت زنقة للأسف ماشي الناس فزنقة ولا دربهم لي كيسمعهم هاد لكلام...لا لا هادي عائلتها عمامها جدها....