د🩸متمردتي المطلقة🩸
بقلمي: اريا ستارك
😷الحلقة الثالثة عشر: عدوى الحب 😷
متمردتي:5
رائد هز حاجبو مبتاسم جنب يالاه غايجاوب تسمع صوت علياء: انا ختو ونتا درتي فيا كتر مادار هو وقبل من زواج بلاما ضور فصاحبك دابا تانتا بحالو مكتصبروش
كدوي وكتنهج بزز كتلتاقط أنفاسها حنان طلقات ضحكة مقدراتش تحبسها وهي مبعدة راسها على تيليفون وكتحاول تهرب لرائد من بين يدو غير وحدة وغلبها بيها: بزوجكم كنتو كترينيو ولا شنو ؟؟
علياء جات تجري طلات فكاميرا لابسة قبية كبيرة باينة ديال سيمو: صحيييبتيييي فينك؟؟ ضهر وبان عليك لامان
سيمو همس ليها فودنها: بغيتيه يضهر؟؟؟!!!
علياء خرجات عينيها فيه: نتا واش ماكتعياش او سخفتيني من قبيلة وانا هربانة....
حنان هنا تكرشخات بضحك: ههههههههههههههههه صافي فهمنا ههههههههههههههههههه خليو دكشي بيناتكم هنيونا
رائد: أجي نتي مالك مكتبانيش علاش مخبية؟؟ اش كديري باني....
حنان ملقات مادير باش يفلتها من يدو رائد بغات دفع بيديها على صدرو وقفت من علا حجرو ويالاه حطات يدها قفزات رائد لاح تيليفون من يدو حيدات يدها بزربة وقبل ماتفكر تزنگات وهضرات بزربة: ويلي ويلي ويلي ويلي اش طلعو تما
رائد حبس ضحكة تاعيا عاد طلقها: هههههههههه والمصيبة نتي اش هبطك تما؟؟
سيمو غوت فتيليفون لي مليوح فلأرض: رائد بربي تاغانخرج لديمك من تيليفون أش كديرو تما الله ينعل د....
رائد قاطعو وهو كيهز تيليفونو وبكل سهولة قال: أصحبي كاس ديال عصير حطيتو فجنب كانابي ضرباتو ختك كفحاتو عطاتنا خدمة فهاد ليل
علياء بتشيطين ديالها عاقت بشي حاجة: لعصيييير وفكاس كبيييييييير
رائد: احم مهم بغيت نهضر معاك
سيمو: بلاتي بلاتي انا عارف موضوع تسنى
ورك سيمو على تيليفونو بدا كيصوني حتى جوبات ماماه: ماما رائد باغي يهضر معانا
مليكة دغيا تاهي عيطات بصوت عالي: فرييييد وافرييييد اجي رائد باغي يهضر معانا...
حنان جات حدا رائد وكطل عليهم فكاميرا: مالكم اش واقع خلعتوني
علياء: متافقين علك هادو أووو لقضية مدروسة
حنان: دكشي لي قلت... اجي نتي منساش فيك ديك فعلة لي درتي
علياء: واللهتا خوك قولبني
حنان: كتخرجي أسرار دولة هادي هي صحبة؟؟ ياخسارة سنين ديال تقراص مافادتني بوالو..
علياء ضارت عند سيمو: صافي هادشي لي بغيتي؟؟ تخاصمني مع ختي؟؟
سيمو خنزر فيها: كتقلبي عليا؟!!
علياء شافت فتيليفون: ماما مليكة دوي معاه كيحگر عليا!!!
مليكة: أهيا بعد من بناتي اش دارو لك؟!
سيمو: لهلا يوريك ا...
رائد قاطعهم: اوكي اوكي تهدنو انا لي معيط ومخليتونيش ندوي..
فريد وقف مورا مليكة مبتاسم: أهلا بلعرسان جداد
حنان قفزات: اشمن عرسان جداد اش كتخربقو
فريد هز حجبانو بزوج وبدا كيضحك: هههههه كنهضر على سيمو وعلياء بسم الله علك
رائد من لي جوبات فريد وهو كيشوف فيها مبتاسم: هي باغة تزوجي بيا؟!! قبيلة باغة تخطبيني دابا زواج (تنهد وحدر راسو) انا باقي صغير على زواج
هزات مخدة وضرباتو للراس كارزة سنانها: ماشي قدام ماما وفريد حشم شوية
سيمو دار ضحكة مزيفة: هاهاها قتلتوني بضحك واهضرو خلاص...
رائد شاف فمليكة وبتاسم: خالتي جا نهار بعد طول انتظار ههههه
سيمو ساط ريح من فمو: صافي بقا لينا غير شعر
علياء: واااه على مسموم خلي دري دوي رائد خويا عبر ليا مع راسك انا غاندير ليه ميوت تاتسالي.
أنت تقرأ
متمردتي المطلقة
Romance⛔قصة حصرية وممنوعة من النشر⛔ سلام عليكم حبيباتي مجنوناتي توحشتوني؟؟ انا توحشتكم ركتة... جيتكم من بعد قصص بالجديد ان شاء الله يعجبكم ⚠️قصصي لمتواضعة⚠️ 🔘في ضلال شوارع نيويورك (قصة كاملة خيالية) 🔘كاوري فالدوار(قصة كوميدية كاملة مشتركة مع فاطمة البقال...
