🩸متمردتي المطلقة🩸
بقلمي: اريا ستارك
😷الحلقة الثانية عشر:الحجر تحت سقف واحد 😷
متمردتي:19
حنان شادة تيلي كتهضر وتنشف شعرها بفوطة:ميريكان وكنعوم بلما مسخن من لبوطة
علياء تنهدات: كنهضر معاك على رائد ماشي لبوطة انا شغلي فيها!!
حنان خنزرات: راه لعداب مايكونش ضو والله كون غير بقيت فحالاتي فلمغرب
علياء: شكون غايبوسك فلمغرب متلا روكو؟؟
حنان: هو انا لي حمارة كنعاود لك ودايرة فك راسي
علياء: ساطة كنهضر معاك بصح دابا غاتزمي دلقوشك وتسنطي مزياااان لهضراتي... اولا رائد من زمان وهو كيبين لك باش كيحس من جيهتك واي راجل فبلاصتو مغايبقاش تابعك ونتي ديري لي بغيتي من حقو يبغي لهضرة تجي منك نتي ويسمعها..
حنان: اشنو لفرق يسمعها ولا يحسها..
علياء: قلت لمك ماتقاطعينيش راه لإلهام كيهرب ليا... علاش ضروري تهضري حيت نتي عفرتي بزااااف وعاملتيه خايب بزااف كيما هو كان كيقول لك هضرة كتعصبك ديما كان كيعتادر وديما كيعوضك اما نتي غير نافخة ريشك وي هو لبنت دير لراسها قيمة زوينة ولكن نتي راك بسلتي دياااااال بصح...
حفاظا على كرامتو خاصو يحس بيك تانتي نزلتي من لعيياقة لي فيك وتواضعتي وشاركتي مشاعرك معاه فهمتيني؟؟ ههههه عجبني راسي وانا بعقلي هههههه
مهم دابا واخا هو باغي تجي منك نتي لولة حنا لبنات عزيز علينا تسخسيخ خليه يتسنا شي يوماين عاد قولي ليه
حنان قاطعاتها: اش غانقول اش غانقول!!! اش كتخربقي؟؟
علياء: شوفي لديمك والله وماتسمعي لهضرة تانخرج لمك من تيلي غاتجهليني فهاد النهار.... شوفي هزي ديك فوطة وسيري عندو قوليه ينشف لك شعرك
حنان: من نيتك مالي يديا مگرودين؟؟
تسمع دقان فلباب علياء: احم كونيكسيو تقيلة مابقيتش كنسمعك
حنان قرنات حجبانها: قح*** أش درتي اجي قولي اش درتي
علياء كتخرشش ميكة ديال شيبس حدا تيليفون وكدير راسها مكتسمعهاش:... مكنسمعكش مزيان ......بسلامة تال من بعد ونهضرو ....
حنان قطعات وهي كتسب فصاحبتها تاجهات وحلات لباب: مافهمتش حنا ساكنين فنفس دار وصحبتك هي لي تسيفط ليا مسج تقوليا راك محتاجة شي حد يعاونك تنشفي شعرك...
حنان بتوتر: هاديك راه مسطية والله ماديش عليها عندي يدين ينشفو شعري
شاف فيها مطولا عاد دفع لباب ودخل خدا فوطة من يدها برك فوق سريرها نعت ليها فلأرض: بركي
حنان: قلت لك مامحتاجة تاحد ينشف ليا شعري
رائد: بركي ماغانخرج من هنا تانشف لك شعرك سربي غاتمرضي لابقيتي بيه اكتر بركيي
حنان بتاسمات بزربة جمعاتها هزات مخدة من كانابي محطوط فقنت دبيتها لاحتها فلأرض وبركات فوق منها: درتي راسك فعلياء راه غير هبيلة
رائد حط يدو على راسها كيهبط شعرها ببطء: ماشي خديتها على قد عقلها إنما كلامها كان فمصلاحتي
حنان سرطات ريقها: كيفاش؟!!
صباع رائد تحطو على عنقها بشوية كيجمع خصلات شعرها حسات بقشعريرة مقدراتش تحكم فراسها بانت على جسمها شيء لي خلا رائد بتاسم بخبث: على قبل بحال هادشي...
هز شعرها وخشا يديه تحت منو وصل لقفاها حط صباعو كيجمع شعرها كامل وفنفس لوقت كيقيص فعنقها بحنية هز لفوطة حطها على كتافها ورجع شعرها من فوق منها، عاد هز جناب فوطة كينشف ليها شعرها بشوية وملي كيوصل لراسها حنان كتحس بحال مساج ترخات حطات ضهرها على ركابيه بلا ماترد لبال من هاد لجيست لي خلاه يوقف لحركة وطل عليها...
عينيها مسدودين مركزة مع كل حركة كيديرها: احم ماخرجتيش من بيتك ليوم؟!
أنت تقرأ
متمردتي المطلقة
Roman d'amour⛔قصة حصرية وممنوعة من النشر⛔ سلام عليكم حبيباتي مجنوناتي توحشتوني؟؟ انا توحشتكم ركتة... جيتكم من بعد قصص بالجديد ان شاء الله يعجبكم ⚠️قصصي لمتواضعة⚠️ 🔘في ضلال شوارع نيويورك (قصة كاملة خيالية) 🔘كاوري فالدوار(قصة كوميدية كاملة مشتركة مع فاطمة البقال...
