متمردتي المطلقة

🩸متمردتي المطلقة🩸

بقلمي: اريا ستارك

😷الحلقة الخامسة عشر: كل عام وأنت لي 😷

متمردتي:5

رسالتها عنات ليه لكثير فهم لميساج لي بين لأسطر عرف أحاسيسها من لكلمات لي ختارت ضور لورقة من لي لاحض كتبة اخرى في جهة التانية.
**قلب على مشروبك المفضل**
قرن حجبانو مافهمش لجملة عاود قراها ورجع عينيه لحوايجو لي باقين فوق سرير بتاسم: تكايسي عليا نسيتيني نلبس حوايجي
فوقت تاريخي لبس حوايجي ورجع هز لورقة قراها تاني هز عينيه فلبيت كيفكر فأشنو عزيز عليه يشرب تفكر كان ديما كيقولها ماكين ماحسن من براد دأتاي فأي وقت ولكن ممنوع عليه بزاف منو من طرف لمدرب .
فآخر لغرفة فين كاينة جلسة صغيرة بزوج فوطايات صغار وطابلة لمح صنية صغيرة فيها براد وكيسان وحداهم طبسيل تاجه ليها عاجبو لحال من هاد لي جيست صغار لي كدير معاه ومن لي لقا حلوة ديال كوك لي كانت كتعجبو فصغر عاد فهم ريحة لي شم من لي ياله دخل للدار...
أول حاجة جات فبالو تفكرها أنها شرات لكوك من أول نهار تقداو مع بعضياتهم وهي أصلا مكتاكلوش، بتاسم هز وحدة عض منها وغمض عينيه تفكر صغر من لي كان كيسحابليه ماماها لي كتطيب ليه دكشي لي عزيز عليه أما  دابة عندهم طعم أخر، من لي هز براد يكب لراسو أتاي لقا ورقة أخرى...
**قلب على أش كنت لابسة اول مرة .... كنا فيها مع بعضياتنا**
تسمعت قهقهات ديالو حتى لبرا خلات حنان تزنك وهي كتسنط ليه باش تعرفو فين وصل، اما رائد ضحكاتو طريقة هضرة كيفاش مقدراتش تقول فاش كانت كتفكر،
من مستحيل ينسى أي تفاصيل من ليلتهم مع بعضياتهم كلشي باقي محفور فداكرتو بأدق تفاصيل حتى من كلامها ليه كلشي...
وجهته هاد لمرة بلاكار حلو لقاها معلقة قدامو تفكر جسمها لمحفور فداكرتو كلشي فيها برفكت (كامل) بالنسبة لعينيه. رجع للبسة لي قدامو وبتاسم: بشش ساهلة
حيد ورقة لي كانت لاصقة وضورها يقراها: ** علاش ماحليتيش لمجورة هوما لولين؟؟ كانت مفاجئة حسن وتعجبك ساعة دابة فات لفوت**
لاح لورقة ورجع بزربة للمجر حل بلاصة ملابسها داخلية لقا  مسج أخر بكتبة كبيرة ** ماشي هنا المنحرف **
ضحك من قلبو تاني: مسطية هادي والله هههههههههه
حل لمجر لآخر لقا وريقة تاني ** إلا بغيتي شوف وسط حوايجي هنا وعزل لي بغيتي ونلبسو لك وقتما بغيتي.
كل عاد وأنت لي**
عينيه تحلو على آخرهم ولإبتسامة لبريئة تحولات لوحدة ماكرة عينيه على نوع لأقمشة شفافة كل ملابسها سيكسي بقا كيقلب شحال ماعرفش أشنو يعزل بتاسم بخبث: صافي كنضيع لوقت شاف فلباب وهو كيفكر يخرج يقلب عليها لقا ورقة معلقة مرضش ليها لبال قبل، سد لمجر ومشا حيدها من باب يقراها...
**اكتشفت ليوم أنك عمرك خديتي عطلة من اهتمامك بيا وحبك ليا لدلك ليوم نتا فإجازة غاتبرك تساراح وخلني انا نتكلف براحتك ونبقا نحب فك حتى تندم 😝**
لور ديال ورقة فيه مسج أخر مكتوب** نتلاقاو فين كلشي بدا **
بقا كيشوف فلورقة شحال بتاسم ورجع للطابلة بزربة هز حلوة أخرى لاحها فمو وجغم أتاي بالزربة وخرج غير وصل حدا طريق صالة بان ليه سهم فلأرض مكانش قبل شاف فلإتجاه ماشي فين كان غادي ولكن تبعو واخة هكاك لقا بيسي بورطابل ديالو شاعل وباين فيديو مديور ليه بوز قرب وخدمو...
لالة مليكة اول شخص بان كتمنى ليه عيد ميلاد سعيد من وراه علياء وسيمو لي بقا كيعتادر من رائد ومرتو كتسكت فيه، كيتناكرو فأي بلاصة مع أي وقت ولكن نقاشاتهم ضرورية فحياتهم هوما من نوع أخر عندهم عادي هاد لمنازعات كيهضرو بحال هكاك تقدر تشك فيهم يضاربو وفلأخر يسكتو بحال غير كانو كيتحتو...
بعض لمرات لعائلة لحقيقية ماكيكونش كيربطكم دم كاين ناس كتولدهم لك دنيا كيسيفطهم الله فطريقك يكونو عائلتك لحقيقية وهادشي لي واقع مع رائد