متمردتي المطلقة

🩸متمردتي المطلقة🩸

بقلمي: اريا ستارك

🍁الحلقة الثامنة: ثقافة جنسية من نوع آخر🍁

متمردتي: 3

حنان تزنكات سيرتو من خوها اما رائد عادي ماكيهمهاش تخسر قدامو: من إمتى ونتوما هنا؟؟
رائد وقف ومشا عندها مقابل سيمو لي هرب بعلياء لشي قنيتة رجع شاف فيها بابتسامة جانبية: من تانيا ولا تالتا ماعقلتش...مهم بغيتي نوريك لبراتيك ولا تالي شي مرة اخرى؟؟
حنان: لا غير بصحة لانصظق واخدة شي مرض منك
رائد بتاسم ليها: لمرض لي يقدر يجيك لاوقعات شي حاجة بيناتنا هو لهوس تولي مهووسة بيا
حنان قرنات حجبانها: ياك قلتي مغاتبقا تقول ليا والو وتخليني فحالي؟؟ جاني هشي بحال كتغازلني
رائد: عادي كنغازل كاع لبنات وتانتي بحالهم
حنان خنزرات: اه دابة وليت بحالهم؟؟
رائد: معاجبكش تكوني بحال كاع لبنات؟؟ ملي كنتي غيرهم وعندك مكانة بوحدك مكانش عاجبك لحال مشااااكيل معاك
حنان هزات كتافها: ماكيهمنيش كيفاش كتفكر فيا
رائد قرب ليها وهي كترجع لور: من بعد ديك لهضرة لي سمعت وليتي فمكانة اخرى؟؟
حنان هزات حاجبها وحابسة ضحكة: شي مكانة عااااالية يااااك
رائد: فهاد لحضة عااااااااااالية تشوفيها؟؟
حنان خرجات عينيها وضرباتو بصاكها لكرشو: لماسخ لاخر!!
رائد: وكيعجبوني لي عندهم تقافة جنسية
حنان: بسيف نتا اي حاجة كتمشي على زوج رجلين وعندها سيدي بز....
حبسات راسها تال اخر لحضة شاف فيها رائد وعينيه كيبريو: كملي مالك؟؟ (شافها تزنكات وزاد عجبو لحال) نكمل لك انا زوج رجلين وعندها سيدي بزول و...
حنان حطات يدها على فومو مخرجة عينيها: اويلي أويلي شوووو غايسمعوك
ملي حسات بيه قريب ليها بزاف خرجات عينيها فنفس لوقت لي غمزها وباس راحت يدها لي فوق شفايفو...
حنان نترات يدها وخنزرات فيه:باسل نتا
رائد: أنا باسل ونتي سيكسي نتفاهمو مزيان انا وياك
حنان كتشوف فيه باستغراب علاش تبدل هاكة: بقا تحلم
خرج دري فاوائل تلاتينات من عمرو بتاسم وجا عند حنان وبابتسامة جانبية قاليها: آنسة حنان كاين شي حاجة اخرى نعاونك فيها؟
رائد طلعو وهبطو: انا نعاونها غير تهنى
حنان خنزرات فرائد وشكرات دري لي مشا دغيا معاودهاش: نتا واش شوية صافا با لا؟؟ تمشي دوزها مع لبنات وتجي انا دير ليا طيارة
رائد بتاسم: باقة كاعية؟ ياك شرحت لك فمسج مدام مابغيتيش تجاوبي فتيلي
حنان: مامحتاجاش شرح ماكيهمنيش
رائد قرب ليها ورجعات بلور عوتاني كتخليه كيزيد يبتاسم: إمتى غادي تستسلمي وتعتارفي لراسك هو لول
حنان جمعات حجبانها: باش غانعتارف؟؟ اش كتخربق  .. نمشي نقلب على علياء لايغتاصبها داك لمسخوط
رائد جرها من دراعها وجبها لعندو حتى تخبطات مع صدرو: توحشتك
قال هاد لكلمة وخلى حنان حسات بيها فجميع أنحاء جسمها جابت ليها رعشة عمرها حساتها في حياتها، نتاهز صدمتها وبقا شادها قريبة لصدرو وبشوية نزل قرب من شعرها وستنشق عطرها كيحاول يحفضو فداكرتو وقلبو بتاسم جنب من منضرها بين يديها جات بحالة مفصلة غير ليه جميع منحنيات جسمها تلاقات بجسمو وكأنهم خلقو لبعض...
رائد بابتسامة: ماتوحشتينيش؟؟
حنان بقات كتشوف فعينيه لونهم ديما كيحمقها ولكن ملي قريب بحال هاكة غرقات فيهم بحال تحت تأثير تنويم مغناطيسي، نزلات عينيها مع وجهو حتى وصلات لشفايفو ولإبتسامة لبارزة لي فيقاتها من غيبوبة لقصيرة لي ستولات على عقلها بإسم رائد الودغيري...