🩸متمردتي المطلقة🩸
بقلمي: اريا ستارك
🍁الحلقة العاشرة: عقد قران وعقد إنكسار🍁
متمردتي:7
علياء مالت عند ودن حنان: هادوك سارة وصفاء عقلتي عليهم من لي كنا صغار تلاقيتي بيهم؟؟ دابا بزوج خدامين فشركة باهم لباس عليهم ورائد كيعجبهم وفات ليه خدم معاهم فبروجي ديال حوايج رياضية.. عندهم نمرتو وكيهضرو معاه
حنان من غير ماتشعر: بنات لق****
علياء عوتاني حبسات ضحكتها غير بزز: طحتي اشعيبية واللهتا طحتي
سيمو جا وقف: ممكن نبرك حدا عروستي
حنان خنزرات فيه: رجليا محنيين فوتني علك تاينشفو
سيمو بزربة هزها خلا لقاعة كلها كضحك من حركاتهم: سيمو نزلني راني حاضية لحنة... سعاد حنة لعروس فرقبتك حضيها بعمرك
سعاد ضحكات هي وعلياء: علم وجاري تنفيد
حنان بتاسمات وشافت فسيمو: درت صاحبة جديدة
سيمو شاف فيها بفرحة حس بيها بدات كتبدل حيت عمرها تاقت مزال بصحاب ولا هضرات مع بنات: اخيرا ختي بدات ترجع
حنان عنقاتو وكرزات: عليه ديما كنت هنا غير كان خاصني نلقا لباب ونخرج...
حطها سيمو فوق لكرسي وحط كرسي قصير شوية قدامها وهز ليها تكشيطتها ورجليها حطهم فوقو وبتاسم ليها: اول مرة كدخلي لعرس اول مرة تشطحي فعرس واول مرة ديري صاحبة جديدة...
حنان شافت فسعاد لي كضحك مع علياء: ديك لبنت ضريفة عجباتني
سيمو شاف فيها : علياء كانت قالت ليا عليها كتصحبني مغانوافقش على لي بغات ههههه ديك لبنت مات ليها باها ومها مريضة فيها سكر وعاد كدير دياليز بانتضام يعني خاصهم لفلوس كانت كتقرا لاليصونص وقلبات على خدمة حتى عيات..
حنان: نعاونوها تلقى خدمة
سيمو: خليها تشق حياتها راسها شكون عرف فين كترتاح حسن تقدر يكون كيعجبها نقش كتر
حنان شافت فسيمو وبتاسمات: كبرتي العفريت وليتي تهضر بعقلك وهانتا كتزوج...عرفتي مع بقيتي كتلعب كورة من صغرك ديما كنت كنفكر فيك بلا باقي صغير قلت نهار نشوفك بكوستيم ندير فك راسي ولكن تانتا بحالي فري سبيريت (روح حرة) ماكتبغيش تكون محدد فبلاصة كتبغي تعيش فبلاد الله فينما بغيتي تانا هكاك علاش جاني هادشي حسن ليا..
سيمو: حيت حنا خوت نقدرو نكونو كنتشابهو فهادي
حنان: سير عند عروستك سير وتبوزاو ليا نصوركم..
سيمو: ماتحطيش هادشي فلأنترنت
حنان: واش هبلتي حياتي لخاصة ماكنشاركهاش فقناتي
سيمو: تكايسي على رائد غير تايدوز لعرس على خير...
مشا سيمو وعيطات حنان لنمرة لي كانت كتفكر فيها...: الو أمين صافا؟..... كنتمنى مانكونش عيطت فوقت غير مناسب؟....شكرا .. شوف واش مسالي غدا؟ عرس خويا ومبغيتش نكون بوحدي.............شي حاجة بحال هكاك.....كيفاش غاتعاوني زعمة؟.......ممممم اوكي انسيفط لك لعنوان...
ملي نشفات ليها الحنة رجعات للشطيح فشات قلبها وخرجات طاقة سلبية لي كانت فيها من جيهة لعراسات جبدات كتابها لي ديما كتهز معاها لمدكرة ديال خطط لعرس حطاتها فوق طابلة وهي كتشرب فكاس ديال اتاي جبدات مخطط ديال غدا وبتاسمات فرحانة ملي سالات كلشي لصحبتها ودكشي غادي كيما بغات...
رجعات لدارها بزز هربات من علياء بغات غير دوش وتنعس فراحة حيت غدا نهار غايبدا بكري حيدات حوايجها ودخلات تخشات فلحمام سخنات لما كتر من لقياس كتحس براسها غاتعيا غدا كتر واخا هكاك خاصها تقابل كلشي وتأكد بلي تاحاجة مناقصاهم.
أنت تقرأ
متمردتي المطلقة
Romance⛔قصة حصرية وممنوعة من النشر⛔ سلام عليكم حبيباتي مجنوناتي توحشتوني؟؟ انا توحشتكم ركتة... جيتكم من بعد قصص بالجديد ان شاء الله يعجبكم ⚠️قصصي لمتواضعة⚠️ 🔘في ضلال شوارع نيويورك (قصة كاملة خيالية) 🔘كاوري فالدوار(قصة كوميدية كاملة مشتركة مع فاطمة البقال...
