متمردتي المطلقة

تتمة متمردتي 10
دخلات للبيت يديها كيترعدو باقة معصبة من كلامو حلات باليزة صغيرة محطوطة فلارض فيها حوايجها، كانت معولة تبقا بتكشيطتها وتفاجئهم ولكن قررات من بعد هضرتها مع رائد بلا غاتعلن على تمردها اكتر جبدات كسوة قصيرة أصلا معرفاتش علاش هزاتها، ولكن حنا عارفينها علاش هزاتها وهي فنيتها تلبسها واخا غير تفقص رائد ودابا جات لمناسبة تلبسها فيها، قصيرة بزاف لدرجة هي مرتاحتش فيها ولكن ماكيهمش ضروري تدفع ثمن لابغيتي تباني سيكسي، صدرها باين بسباب عمق لفتحة لي فصدرها كسوة لاصقة على لحمها لدرجة تساءل كيفاش قدرات تلبسها او تسدها لبسات طالونها لي بالنسبة ليها كيزيدها تقة وشجاعة وخرجات هازة راسها...
رائد يالاه راجع من برا بعد ماكما گارو أخر شاف أمين كيهضر فتيليفون وصل حداه بلا حس..
أمين: صدعتيني بجهد صافي قلت لك متبقايش تعيطي... اه معاها فعرس خوها... علاش؟؟... نتي عارفة بلي كنبغيك منحتاجش كل دقيقة نعاودها..
رائد فديك لحظة وقف قدام خلا أمين هز عينيه فيه وقطع تيلي بلا مايقول كلمة وحدة: حنان عارفاك كتبغي بنت أخرى
أمين بلا مبالاة عارف راسو ماكيهمش هادشي حيت اصلا حنان مابينو وبينها والو: لا ومن بعد؟
رائد شنق عليه: بربي وتبكي دمعة وحدة على قبلك نقبرك
أمين: ملي نتا هامك امرها لاش مخليها لبنادم آخر يستغلها
رائد كرز عليه اكتر وعينيه كلهم غضب وبتسامة قاتلة : حاجتي مكنخليهاش ودابا انت خاصك تفهم راسك وتخرج من حياتها
أمين شاف من ورا رائد وبتاسم: متأكد لا خرجت انا مكاينينش عشرة كيتسناو؟؟