متمردتي المطلقة

🩸متمردتي المطلقة🩸

بقلمي: اريا ستارك

😷الحلقة الثانية عشر:الحجر تحت سقف واحد  😷

متمردتي:4

بلاصتها لمفضلة فدار هي سينيما، غرفة فيها شاشة كبييرة وفوطايات من لي دخلات ليها نسات راسها، ساعة حائطية معلقة مقابلة معاها بحال كضحك عليها وعلى سداجتها وهي مقابلاها كل مرة كتشوف شحال فساعة وفينو رائد لي خرج بالنهار ودابة وصلات تسعود، وقفات وهي مقلقة علاش خلاها بوحدها شافت فمغانة تاني: بقاي تشوفي فيا نتي مالك خاصك شي حاجة؟؟
رائد دخل ولكن بصوت تلفازة لي مجهد ماسمعاتوش حتى هضر: صافي هرب لك وليتي تهضري بوحد
حنان:عل سلامة فين كنتي نهار كلو
رائد قرن حجبانو بتاسم جنب باستهزاء: ياكما تيقتي بلا راحنا كوبل وعايشين مع بعضياتنا؟؟
حنان هنا عصبها بهضراتو: ياكما نسيتي بلي كاين وباء وتقدر تجيب لينا لمرض من زنقة
رائد حيد كرافاطة من عنقو:عارف راسي اش كندير ماتحتاجيش تخافي
حنان: عرفتي بنادم لي كيكون يهضر هاكة وتايق فراسو هوما لي كيموتو فلأفلام لولين وبحالي هوما لي كيعيشو تال لخر
رائد: عرفتي علاش بحالك كيعيشو؟؟ حيت ماكيهمهم تاحد من غير راسهم وبقاو حيين
هنا حنان قربات ليه وربعات يديها مخنزرة: اشنو مشكيلتك نتا واش جيتي عندي تعاوني ولا دلني؟؟ اش هاد طريقة ديال هضرة؟؟ عندك شي مشكلة معايا؟؟
رائد تفاداه وداز من حداها برك قدام تلفازة وشد تيليكومند وشاف فيها ببرود: ماكيهمش اشنو مشكل
خلاتو وخرجات مشات لكوزينة جبدات فواكه دارت عصير وخرجات دانون مكتبغيش تاكل بزاف فليل، نقات دنيا ياله غاتمشي لبيتها جا رائد حل تلاجة كيقلب شحال عاد خرج راسو: ماخليتيش ليا من لغدا؟
حطات يدها على جنبها وهزات حاجبها ورجعات ليه نفس لجملة لي قال ليها: ياكما تيقتي بلا راحنا كوبل وعايشين مع بعضياتنا؟؟
رائد: مممم كترجعي ليا صرف
حنان هزات كتافها وعوض ماتمشي لبيتها رجعات لسينيما صغيرة ديالهم بركات كتقلب حتى لقات مسلسل عجبها، رائد دخل من وراها ووقف حدا راسها: احم كنت كنتفرج
حنان: ياكما غانبداو نضاربو على تيليكومنض بحال دراري صغار؟!
رائد هنا طفا تيلي وبرك قدامها: خاصنا نهضرو ونتفاهمو باش نقدرو نعيشو مع بعضياتنا بلاما نعصبو بعضياتنا
حنان: اوكي
رائد: أول حاجة فصباحات نترينيو مع بعضياتنا لفطور نديرو انا لغدا نتيا ولعشا بزوجنا نشوفو واش نجيبو ماكلة من زنقة
حنان: ولكن لوباء زعمة نتيقو بيهم نقيين وتاحد مامريض عندهم؟
رائد: اوكي بلاش من ماكلة زنقة إدن لعشا نتناوبو كل مرة واحد فينا مهم باش تكون فبالك مكنعرفش نطيب بزاف..
حنان: معنديش مشكل نتعلمو فبعضياتنا..
رائد: تاني حاجة ماتسوليني مانسولك فين كنمشيو...تالتا سينيما من لي نكونو فدار كل مرة واحد فينا يعزل فين يتفرج...
حنان: اوكي متافقة!! بغيت نسولك داك بيسين عندك واش كاين فيه أوبسيو ديال لما دافي
رائد: وي دابة باقي لبرد ديما غاتلقايه دافي
حنان نسات راسها : هاااااح (رائد سمعها بلع ريقو بزز وقاد لبركة) اوكي انا غانمشي نعوم
رائد هز مخدة حطها فوق منو بتوتر: احم راه حضاش دليل!! انا غانمشي نعس
حنان ناضت تجري لبسات مايو ديالها كحل دوبياس ولوات عليها فوكة كبيرة وصلات لابيسين حطات رجلها وانهدات: اااه لحياة
تلاحت فلما وبعد دقائق خرجات فضفة لأخرى مبتاسنة غوتات وهي هازة راسها لسما كتحدى اي وباء من أنه يعكر صفوها، من شرفة بيتو كيطل عليها من ورا ستار مغطيه عليها ولكن عاطيه رؤيا مقادة مع المسبح كيبان لي غير وجهها وهي مبتاسمة وكتعوم بكل حرية..