متمردتي المطلقة

🩸متمردتي المطلقة🩸

بقلمي: اريا ستارك

😷الحلقة السادسة عشر والأخيرة: سر معي حتى النهاية 😷

متمردتي:6

دراري واقفين ورا لباب كانو غايدخلو من لي سمعو أخر حوار بقاو واقفين قدام لباب مصدومين: غانولي أب؟؟
رائد: وخال واقلة
سيمو ضرب رائد لقفاه: قلت لك ماتقيسش ختي
رائد شاف فيه حابس ضحكة: واش تزوجتها باش نلعبو فوق صدادر؟؟
سيمو ساط ريح من فمو:اوووف دابة اش نديرو نمشيو نشريو ليهم تيسط ديال حمل؟
رائد: ياله
خرجو للبنات من بعد مادراري خرجو ومشاو سدو وراهم لباب وسورتوه من لداخل لابسين بدلات رقص جابتهم علياء معاها شراتهم فإطاليا (قلة مايدار مع لحجر ولفلوس موجودة) بقاااو كيضحكو وشطحو...
علياء كتنهج: قربو يرجعو ياك؟؟
حنان كتحاول تنفس وضحك فنفس لوقت: لا فين غايمشيو بعيد مايرجعو على نص ساعة اخرى
علياء: هاااااح اخيرا تهنيت منو شوية قهرني ولد لعبد ماكين غير اجي نقولك ففمك
حنان: واااااع متبقايش تعاودي ليا راه خويا أزمرة!!!
علياء: شوفي باغة نتحير ديري لعلوة
حنان: واش حنا لابسين لبسة رقص شرقي ونتحيرو؟!!
علياء: خدمي لعلوة ولا نخسرو فهاد نهار
بنات شحال وهوما كيشطحو ماعلى بالهمش بالأشخاص لي شحال وهوما يدقو حتى طلعو من بالكو ونقزو  دابة واقفين موراهم كل واحد حاضي رزقو...
سالة ديسك تحت تصفيقات وتصفيرات لجمهور، حنان وعلياء غوتو بزوجهم بلخلعة تفاجئو من أصوات ازواجهم موراهم...
علياء: بالسم الله رحمان الرحيم هادو منين دخلو
سيمو: من داك شرجم لي حليتي باش يضربك لبرد
حنان ضربات صحبتها: ديمك فرشتينا
رائد بخطوات تابثة وقف قدامعا عينيه كيدرسو حركاتها: كنتو عارفينا مورا لباب كنتسنطو درتوها بلعاني؟؟
حنان حركات راسها اه وحدرات راسها: دابة ماكين لاحمل لا والو
علياء: ماكين والو غير طلعتو لينا فرسنا بغينا نشطحو شوية
سيمو عنق عليا: خدمي داك ديسك ديال حاجييب لي كنتي كتشطحي عليه
حنان مهضراتش خلات كلشي كيشوف فيها: احم معرفتش!!
رائد قرب ليها: كيفاش معارفاش!!!
حنان ضحكات بشر: أرا نشوف داك تيسط
رائد بزربة حل ميكة لي فيديه وعطاها واحد عينيه واسعين على آخرهم، خداتو من يديه ودخلات للحمام سظات عليها ورا لباب واقفين بتلاتة كيتسناو فيها بعد تمنية دقايق (رائد كان شاد ليها لوقت) خرجات ماباين والو عليها ببرود تحركات للصالة فين كاين بالكو كبير وخرجات ليه رائد بجنبها وسيمو وعلياء موراهم..
حنان تنهدات هازة تيسط فيدها:بغيتو تعرفو اشنو نتيجة هاد تحليلة
رائد عينيه على تيسط وعليها لاحض حنان هزات يدها حتى لفوق رجعاتها لور وشيرات بتيسط من لبالكو لجردة، ورجعات عينيها لعينين معشوقها بكل حب وتمرد: ياله تبع تحليلة شوف اشنو كاين...
بعينين كيبريو وبتسامة بقات كتكبر تفكر نفس لهضرة لي قالت ليه كن لي هزات سبرديلتو وشيرات بيها لشانطي، جرها من خصرها حط شفايفو على شفايفها (موراهم سيمو شاداه علياء غير بزز باغي يجي ليهم) شفايفو بتاسمو فوق من شفايفها طبع قبلة أخرى ورجع بلور كيشوف فيها غمزها وضار بدا كيجري غادي لجردة يقلب....

النهاية
متمرداتي كانت هادي نهاية قصتنا كنتمنى تكونو دوزتو معايا وقت زوين وعشتو مع أحدات لواقع دمجت ليكم شوية لواقع بين ثنايا لقصة وحاولت نهضر على اضطرابات النفسية...ومنساش سفالة بالنسبة ليا تاهي للتثقيف اكثر (انا وحدة من اشخاص لي نفعوني قصص من هاد الناحية😝).... نتمنى تبعوني للقصة ديالي جديدة الفوهرّ من بعد سيمانة روبو نحطها ان شاء الله نتمنى تكونو فلموعد....
ماتبخلوش عليا بأرائكم كنحبكم دمتم في رعاية الله❤