متمردتي المطلقة

🩸متمردتي المطلقة🩸

بقلمي: اريا ستارك

🍁الحلقة العاشرة: عقد قران وعقد إنكسار🍁

متمردتي:9

لعريس واقف قدام لبرزة على غير عادة بعض لعراس لي لعريس يقدر يطلع لعمارية حتى هو أما سيمو رفض ومبغاش حتا يبقا يوقف قدامها وعاد يتحرك وهي موراه كيلعبو بيها، لاااا وحدة من شروطو يوقف يتسناها وتاهو بحال كل ناس يشوف ملكتو من فوق عرشها لي على قلبو بتاسم جنب أخيرا وصل للنهار لي كان كيبان ليه صعيب وبعيد يوصل ليه...
ليوم هاية قدامو جاية تال عندو وفطبق فضي كيما كيقولو نزلوها قدامو وتقدم خطوة بيدو لممدودة ليها، شدات فيها جرها ببطء ويدو الاخرى بحال رد فعل إنعكاس دييريكت تحطات فأسفل ضهرها..
علياء كرزت على سنانها مبتاسمة: هز يدك شوية
سيمو تحدر عندها وقال بصوت خفيف: مزال غاتنزل لبلايص أخرين ليوم مكاينش هز يدك وحيد يدك
علياء تزنكات شافت فحنان لي جات بزربة عندهم وقفات قدام سيمو لي كيتناكر مع نكافة مبغاش يطلق من علياء: سيمو طلق من لبنت من شوهة تاتصورو وعنق
سيمو شاف فحنان بانهزام حيت مغاتمشي تايدير دكشي لي بغاتو يدير، باستسلام بعد منها وشدوها نگافات قادو ليها تكشيطة لصور وقفوه حداها كل مرة يصوروهم من لي قالو ليه بوسها بتاسم من لي سمع فجبتها غوبش عوتاني...
صوت تسمع خلاه بتاسم وشاف فصاحبو رائد لي قرب لعندو ودراعو ملاصقة بشخص أخر..
حنان دارت تاهي من لي سمعات صوتو شافت فيه بكامل أناقتو كيقطع لأنفاس بقات ساهية فيه و ما داتهاش فدكشي لي حمر واقف حداه ومن لي شبعات فضولها وعينيها هزات راسها للبنت لي معاه وللحظة كلشي تغير فملامحها كرزات على سنانها وعينيها ديريكت تحطو عليه ولكن اول مرة مقدرش يشوف فعينيها ماباغيش يشوف ديك لومة ولا حزن ولا جرح فدوك لعينين، طلق من كارمن وعنق صاحبو مبتاسم...
رائد: ولهيلا درتيها اصحبي تقولبتي هههههه
سيمو ابتسم جنب بغرور: هههه لي تقولب هو لي راجع فحالو لدارو هاد ليلة بوحدو
رائد فديك اللحضة وبطريقة هو براسو محسش إمتى ضار وعينيه جاو على عينين حنان وعاد شافها أش لابسة وكيفاش كتبان من لي رجع عينيه لوجهها وشاف تخنزيرة فاق من لغيبوبة صغيرة لي شداتو وعزلاتو على لعالم لخارجي...
كارمن: مبروك عليكم برفاه و البنين
علياء عاضة على حنكها: علينا وعلى اصل حباب مك
حنان خرجات عينيها فعلياء لي كملات جملتها بلكحبة...
كارمن قرنات حجبانها: نعام؟؟
علياء بتاسمات ليها: علينا وعلك الله يجيب لك شي عريس
كارمن شدات فرائد: لقيتو شكرا على دعاء
علياء: نتي راه خاصك رقية من لمس جنية لوخرا
سيمو شد فيد علياء: تكايسي لعشير كيسمع
رائد جر كارمن: يالاه نبركو
وقفو فطريقو شخص فايت شافو ومعقلش فين ولكن طريقو لي غادي ليها خلاتو وقف وتبعو حتى وصل عند حنان حط يدو على كتفها وباسها فحنكها، هنا كانت صدمة تلاتية لأبعاد، اول واحد من حنان براسها لي معرفات راسها باش تبلات تاني رائد لي بقا حال فمو مامتيقش لي شاف قدام عينيه وسيمو لي ماعرفش شكون هادا وعلاش حاط فمو على حنك ختو...
سيمو زاد خطوة وهو مخنزر: شكون هاد ميخي
رائد: ميخي نييت
علياء جرات سيمو رجعاتو حداها وشوشات فودنو خلاتو خنزر ورجع شاف فدري..
أمين ماطة يدو لسيمو: مبروك عليكم والله يكمل عليكم فرحتكم
علياء: شكرا
سيمو خنزر فعلياء ورجع شاف فيه: متشرفين وشكرا!!
دار عند رائد شاف فيه وفلبنت لي معاه وبتاسم حيت مكاينش اي شكل من اشكال لمقارنة، فحين حنان كتبان أنيقة وجمالها طبيعي مزيناه بلميكاب أما لي معلقة فيد رائد قنانفها بحال صدرها منفوخين بلبرد...