🩸متمردتي المطلقة🩸
بقلمي: أريا ستارك
🍁الحلقة السادسة: متمردتي سيدة التناقضات🍁
متمردتي:6
لمدرب عاض على صباعو ومقابل رائد وسيمو لي لابسين قفازات ديال كومبا حمرين واقفين كيلهثو: دراري باراكة عليكم
شاف فوجه رائد لي بدا كيتنفخ شوية جيهت عينو وتأسف من حالهم..سيمو بدا كيعيا ضرباتو مبقاوش مركزين وصلو لساعة وهوما فنفس لكومبا..
سيمو معصب: علاش مكضربش؟؟
رائد واخة خلاه يضربو مسخفانش ولكن عيا من هاد لمهزلة: كان عليا ندوي معاك قبل مانحاول تاحاجة
سيمو: اش باغي مزال تحاول
رائد: حنان
سيمو بلا مايشعر زادو كروشي لفمو هاد لمرة خرج دم لمدرب تحرك غايجي يجري وقفو رائد بإشارة من يدو.
سيمو: بعد من ختي
رائد: كنحاول
سيمو وقف كيتنفس بجهد بكترة لعيا: كيفاش كتحاول أش كتخربق دوي مقاد
رائد: هرستي لديمي سناني وباغيني ندوي مقاد...أشنو لي مفهمتيش أرائد من لي كنا ثغار وانا كنتبع ختك كنبرزطها كنعصبها أي حاجة قدامي كنديرها غير باش تهتم ليا غير باش ناخد شوية من وقتها... تصاحبت معاك نتا غير باش نشوف ختك
سيمو هاد لمرة ضربو لكرشو بكاع جهد لي بقا ليه، رائد شااف ضربة جاية ولكن مبغاش يبقا مكمل فهادشي كيتسنى سيمو يبرد أعصابو...
رائد برك على ركابيه للأرض بسباب ضربة ديال سيمو لي تاهو بلعيا برك فلأرض كينهج يديه تقالو عليه تنهد وقال بصوت خافث وهو كينهج: كتبغيها
رائد مدواش تحرك على ركابيه لحدى صاحبو وبرك لأرض: هي مكتحملنيش ولا غير تعقدت من جميع رجال...
سيمو ضحك بزز ماعندوش لقوة باش يخرج قهقهات: كتصحبها كتكرهك؟؟ (رائد هز راسو فصاحبو بتسائل) عرفتي من لي كنت صغير كنت كنغير منك بجهد ماعقلتيش فينما كنجيب كورة جديد كانو كيكونو عندي زوج باش نعطيك وحدة؟؟ فينما يكون شي بلان مزيان كنعيط لك وفينما يكون لعيد كنجي عندك ونجيب لك حقك من لحلوة...
رائد بتاسم: باقي عاقل سيرتو ديك حلوة ديال كوك... اش جاب هاد دكريات لهضرة؟؟
سيمو مبتاسم وعينيه كيبريو عاد بدا كلشي كيبان ليه بوضوح: كانت حنان لي كتصيب ديك حلوة كوك على قبلك ديما ماما كانت كضحك عليها بلا كتدير حلوة مكتحملهاش على قبلك
رائد: مكتحملهاش؟؟
سيمو: راك عارف حنان مكتحملش كوك مكتاكلوش كاع كانت كدير لك ديك حلوة وكيكة وتخربيق وتسيفطهم معايا وانا كنت كنكره ديمك فدوك لقطات واش ختي انا دايرة لك نتا لخاطر مال ديمك نتا شكون
رائد: هههههه غرتي غرتي ....(سكت مدة طويلة) عادي كنت كنبقى فيها راك عارف لواليدة مكانت كتحتافل بوالو!
رائد: حنان كانت كتجي عندي مدرسة ترجعني للدار غير باش تناكر معاك واقلة كنتو ديما مضاربين ولكن فينما كنتفارقو وكندخلو للدار كتكون كضحك وتعاود لماما علك كانت كدوي علك كتر من معاذ
رائد: معاذ خدا قلبها وانا بقيت فعقلها ... اجي نتا مدرتي والو لداك لكلب؟؟
أنت تقرأ
متمردتي المطلقة
Romance⛔قصة حصرية وممنوعة من النشر⛔ سلام عليكم حبيباتي مجنوناتي توحشتوني؟؟ انا توحشتكم ركتة... جيتكم من بعد قصص بالجديد ان شاء الله يعجبكم ⚠️قصصي لمتواضعة⚠️ 🔘في ضلال شوارع نيويورك (قصة كاملة خيالية) 🔘كاوري فالدوار(قصة كوميدية كاملة مشتركة مع فاطمة البقال...
