متمردتي المطلقة

🩸متمردتي المطلقة🩸

بقلمي: اريا ستارك

🍁الحلقة الثامنة: ثقافة جنسية من نوع آخر🍁

متمردتي: 5

خرجات ليهم حنان من ورا بلاكار وجاب الله ديك ساعة كانو تفارقو: سيمووووو بعد من لبنت حتى تولي حلالك
سيمو كيحك راسو بشكل طفولي: مالك مدرت ليها والو!!
حنان خنزرات فيه غير بالضحك وباتسامتها مقدراتش تفارقها: من نيتك؟؟ شوف وجهها كيحمر؟! خصوصا قنينفات
علياء: واصافي صافي بلا شوهة وتزنيكة وماجورهما...ياله نخرجو من هنا
سيمو بتاسم لعلياء وماطة ليها يدو وجات بزربة قربات ليه عنقها وتوجهو لعندها: فين رائد
حنان: معرفتش هربت عليه وخليتو
سيمو قرن حجبانو: علاشاش دار لك؟؟ قاسك؟؟
حنان دارت راسها كتفكر: فحقيقة مقاسنيش ولكن كان باغي
سيمو: باش عرفتيها نتي؟؟
حنان بتوتر: لالا والو غير كنضحك احم قوليا سولتيه على اسبانيا؟؟ واش عندو شي علاقة بدكشي لي وقع؟؟
سيمو: قاليا اشنو وقع ومغانقولك والو بغيتي تعرفي سوليه
حنان دارت راسها كعات وخلات عينيها يتغرغرو بدموع خلات سيمو تنهد وقال: دابة نتي دماغك واحساسك اش كيقولك؟؟
حنان بكل صراحة: كيقوليا بلا عندو دخل فداكشي
سيمو: إوا تبعي حدسك
حنان: بغيتي تقول فعلا عندو دخل ياك؟؟ أش دار قوليا عفاك اش دار؟؟
سيمو: وا سوليييييه بعدو مني انا ديروني وسطكم
علياء: حنان بعدي ليا من بيبي ديالي شوفي سيد راهو قدامك سوليه
حنان دارت بزربة لفين قالت علياء ملقات والو وؤجعات عينيها لصحبتها باش تسبها لقاتهم بزوج هربانين وكيضحكو: شتيها كي دارت تجري تشوف هههههه
سيمو: طايحة طايحة غير معفرة
حنان: كنسمعكم الكيادر..والله يحرق حباب مو لوعد لي جمعني مع اصل حباب مكم...جنس قصيف
رائد من وراها كيضحك: صافي وليتي كدوي بوحدك بدا كيهرب لك
حنان دارت مخنزرة: على لي جا فكمامركم غايبقا بعقلو؟؟
رائد كيشوف فعينيها: فحقيقة لا من نهار شفتك وديتي لعقل معاك
حنان طلقات ضحكة من قلبها: لالا واللهتا تقوليا اشنو واقع معاك ليوم
رائد حك راسو وبتاسم بطفولية حتى هوا: خوك قاليا نتعامل معاك بطبيعتي
حنان باستغراب: وهادي هي طبيعتك؟؟
رائد: فحقيقة معنديش مشكل مع لبنات مكنحتاجش ندوي بزاف أغلبية كيجيو عندي بوحدهم ولكن لكنت غانهضر هادا هو كلام لي نقدر نقول ولا نتعصب ونخرج شي حاجة فلحضة غضب ونكون متملك وهادشي ماكيعجبكش
حنان حدرات عينيها: مشكل ماشي نتا دابة تادكشي لي كدير ماشي ماكيعجبنيش ولكن كيعجبني نبقا نتناكر معاك على كلشي كنخرج واحد ستريس بدسك طريقة كنرجع فحالي مرتاحة
رائد: عندي طرق واعرين باش تحيدي ستريس نوريك؟!!
حنان: غانبوقل مك نتا
بتاسمات ليه ورتاح قلبها نوعا ما ملي عرفات علاقتهم باقي كيما هي ويلعكس حسن عل أقل كيهضرو وماشي غير كيضاربو، كان مبتاسم ليها ولاحضات لفرق من لي بتسامتو مشات ومكانها وجهو ولا كيبان جدي وعينيه كيبريو ولإبتسامة لي ظار عمرها شافتها إحساس غريب جا معاها...
رائد: قد ماستوعبتيها دغيا نقدرو نكونو مع بعضياتنا دغيا، حنان تيقي بيا نتي ديالي وعمر شي حد باقي يحط يدو علك ولا يحاول حتى، دخلتي للدماغي كتر دابة اما بلاصة لوخرا راك عششتي فيها، ومايمشيش بالك بعيد ألأستادة ديالنا فثقافة لجنسية ههههههه واخة راك فعلا كتهيجي حواسي كاملين
نزل طبع قبلة على خدها وبتاسم ليها وغمزها: نشوفك نهار لعرس هاد سيمانة جاية مامساليش

بنات قولو ليا اش باغين تقراو لعرس بتفاصيل ولا شهر لعسل بتفاصيل 🤣🤣🤣🤣 ولكن راه باقي مسالاتش ثقافة لجنسية مزال واحد زوج حصص فهاد الحلقة مواااااح عليكم وراكم عارفين فرق سوايع لي بيناتنا حنا راه عاد وصلت 11ليل كنعتادر على تأخير عليكم.... تفااااعلو غدا ان شاء الله كملو تمانين مع لعشرة نحط ليكم خمسة لمتمردات ياله بانو 😘😘😘😘😘