متمردتي المطلقة

🩸متمردتي المطلقة🩸

بقلمي: اريا ستارك

😷الحلقة الخامسة عشر: كل عام وأنت لي 😷

متمردتي: 4

كيصوني لسيمو والو ماكيجاوبش بدا كيتعصب من تبرهيش صاحبو سمع تيليفونو كيصوني رجع شاف فيها لقا مناجر ديالو عاود عيط ليه: اشنو؟!!
مناجر: رائد معرفتش سيمو لاش سيفطك تما راك عارف كلشي تلغى على حساب كوفيد
رائد بنفاد صبر كيحاول يبقا مبرد: باقين شي وحدين محتارمين قوانين تباعد وخدامين قلت غايكونو رجعو لإشهار للموعد لمحدد..(ياله بغا يقاطعو مناجر ولكن مهلاهش) مهم بلا ماتعاود تعيط لسيمو عرفت لبلان اشنو انا غانهضر معاه بسلامة وشكرا برزطتك معايا
قبل مايجاوبو قطع وهرج من طوموبيل حاقد على سيمو وتس٨سيخة لي دار ليه مشا ساعو وربع طريق وصل لتم وساعة اخرى ضيعها غير كيقلب على بلاصة صحيحة وعاد مفاطرش شارب غير قهوة ديالو، عرف لقضية داخلة فيها حنان توتر اكتر ماعرفش اشنو واقع واش بغاتو سكون بغيد من دار باش تقدر تخرج تطمن على عادل ولا شنو مشكل ضيع تلاتة سوايع ونص فهاد لخرجة ناقصة وراجع للدار كاعي...
وقف قدام لباب تنهد حط يدو على بواني وقال بصوت منخافض: ماكينش مشكل بيناتنا معندهاش سبب تهرب هاد لمرة لملقيتكش فالدار مغانتبعكش ماغنقلبش اخر مرة وأخر محاولة ...
متوقع اكفس حاجة معارفش اشنو غايكون كيتسناه ورا لباب حلو ودخل كيبان ليه دار كلعا شمع رجع شاف فزنقة شميشة باقة ودنيا مضوية اش واقع؟؟
رجع كيشوف فشمع لي فارجاء لمكان كامل شراجم مسدودين وخوامي مغطين اي أشعة تقدر دخل هبط عينيه فلارض لقى اسهم بصكوتش حمرة ديالو بتاسم وتبع سهم حتى لبيت حنان هز راسو فلباب لقا ورقة ملصقاها فلباب مكتوب عليها...
**متحمسش بزاف أنا ماكيناش لداخل قاديت لك حمام ولما ياله طلقتو خود راحتك ومن لي تخرج غاتلقى التعليمات لخطوات جاية
Ps: I hope You're ready to Play
(كنتمنى تكون واجد نلعبو)**
حيد حوايجو فرقم قياسي لقا لقا ياله وصل للنص: مزال نتسنى هاد ل*** يعمر
دخل وسط لما وترخى مستمتع بسخونية كيحس بشي حاجة فلما حل عين وحدة شاف لخزامة وضحك: ههههه وليت ناخد حمام فيه لمعطرات ولخزامة ههههههه هاد لحجر صحي خربق لديمنا حياتنا على اخر يامنا...
هز راسو فلمراية مردش ليها لبال مرسوم عليها نفاخات ومكتوبة happy birthday بخط زوين عينيه بداو كيبريو ولإبتسامة عاد مزال كتبان كتر وكتر : ممممم نشوفو اشنو مزال مخططة هادشؤ مكافيش ههه
غسل دغيا وناض خارج زربان تفكر راسو فبيتها فين غايلقا حوايجو؟ خرج لاوي عليه فوطة ضور عينيه فلبيت بان ليه تيشورط بوكسر وشورط قبل مايهزهم لقا ورقة محطوطة فوق منهم...

** عيد ميلاد فوقتنا لحالي بحال رحمة من عند الله باقين حيين باقين عايشين كنتنفسو وباقي لوقت نصلحو لأخطاء ديالنا... فيوم بحال هادا كنرجعو بتفكيرنا للعام لي ساليناه وكنحاولو نتوعدو بعام أحسن بإلتزامات وأهداف نحققوها. بمناسبة عيد ميلادك كنواعدك غاتعرف على حنان جديدة مكتهربش من مشاكلها مكتخباش ورا حائط لي بنات حول قلبها باش يحميها، كنواعدك ان شاء الله فبحال هاد نهار لعام جاي غانكون فجنبك هاد لمرة سند لك ونصفك الآخر.
كل عام وأنت لي 💋**