متمردتي المطلقة

🩸متمردتي المطلقة🩸

بقلمي: اريا ستارك

😷الحلقة الرابعة عشر: بين الشوق والنسيان 😷

متمردتي: 6

كتحل عينيها على ضران وألم فراسها لا يحتمل كتحس بيه غايتفرقع بيديها بزوج شدات فراسها وبدات كتقلب: اي أي راسي أي
رائد كان بارك على كرسي قريب لآخر سرير وقف مشا حداها هز مسكن وكاس ديال لما عمرو: هاكي شربي هادو
عينيها تحلو على آخرهم مامتيقاش هاد صوت واش فعلا سمعاتو ولا مخيلتها كتلعب بحال هاد لأيام لي كانت بعيدة عليه كل مرة تحلم بيه ولا مرة مرة تسمع صوتو..
ضارت ببطء واول حاجة شافتها قرعة ديال لما ودوا لي قدام عينيها، هزات راسها مع ليدين لي قدامها لوجه رائد لي كيبان مختالف لحيتو عوض ديما مقادة كتبان عشوائية تحت عينيه كحل ومنفوخ بقلة نعاس بقات شحال ساهية كتشوف فيه يالاه زوج سيمانات باش مشافوش بعضياتهم ولكن بزوجهم تبدلو بزاف عل اقل شكلا أما لداخل ديالهم باقي كيما هو..
حنان حلات فمها كدور عينيها فلبيت لي ولفاتو ديالها بوحدها: رائد!!
شخص لي واقف قدامها وجهو مجرد من كل احاسيس من غير لجدية: شربي هاد لمسكن وعاد من وراه ضروري تفطري
حنان رجعات شافت فلبيت وحاولات تبرك ضرها راسها شداتو: خاصني نوض عادل مريض خليتو فدار بوحدو
رائد حط يدو على كتفها رجعها متكية: نتي براسك خاصك راحة وعادل وصلت ليه ليست لي كنتي هازة ديال تقضية يقدر يقابل راسو بوحدو
حنان بقا فيها حيت عاونها بغات دير معاه جيست اكتر من هاكة: ولكن راه باقي مريض باق كتشدو سخانة وحاسة تذوق وشم مارجعوش ليه
رائد بلامبالاة هز ليها يديها حط لكاس ودوا: شربي هادو ومتخافيش خدمت واحد ممرضة تجي طل عليه كل نهار لالقات حالتو تزادت عارفة اش غادير لقيت لعنوان فجيبك ...
شربات دوا باستسلام ورجعات ليه لكاس شدو وخرج من عندها خلاها حالة فمها فيه وفبرودو معاها مكاملاش ربع ساعة رجع هاز لفطور حطو حداها فوق كوافوز صغير بجنب راسها...
حنان بتوتر: احم واش نعست من لبارح؟؟
رائد هز راسو بمعنى اه لاحضات بلي مالابسش ماسك وهي تغوت وخشات راسها تحت لمانطة: ناري غانعديك سير سير لبس ماسك
رائد جر لمانطة من فوقها: ديتك سبيطار ودارو لك تيست وخرج نيگاتيف، متخافيش متعاديتيش هداك غير إرهاق وإنسومنيا (قلة نوم)
حنان بقات غير كتشوف فيه ملقات متقول كل مرة كطيح فبالها كارمن ولكن باغة تجاهل الموضوع باقة مامستعداش تهضر فيه: احم ماعنديش شهية
رائد جاب كرسيه قربو ليها حدا راسها وبرك ربع يديه وتقابل معاها عارفها غاتوتر وتعصب: اوكي انا غانبرك هنا حتى تاكلي نتأكد بلي راك لباس علك.
حنان خنزرات فيه: علاش متهلاش فأم ولادك حسن لك مني
رائد بكل برود: هاني كنحاول نتهلى فيها
حنان بكل عصبية: كنهضر على كارمن
رائد شاف فيها وعقد حجبانو:عوض ماتفطري باغة تهضري دابا؟؟ اوكي نهضرو ألالة حنان من لي يالاه بانت لهضرة من ورا زوج سيمانات نهضرو ألالة...
غير نبرة صوتو بوحدها خلاتها تقطع هضرتو وتهز بلاطو ديال فطور: لالا أنفطر فيا جوع وهادشي ريحتو كتشهي..
تصرفها ضحكو ولكن مابينش ناض من كرسي ماطة ليها تيليفونها: عيطي لخوك واخا علياء هي لي واقلة كاعية علك اكتر من خوك... ومن لي تبغي تهضري بحال ناس لي بعقلهم فعوض لهروب قوليها ليا
حنان تعصبات غوبشات وهزات راسها فيه: شتك معصب عليا أنا!! ياكما أنا لي غايولي عندي بيبي مع شي حد أخر؟؟
رائد وصل قدام لباب وضار عندها: لا نتي هي لمراة لي خلات راجلها وهربات قبل ماتسمع كلمة وحدة من عندو وبركات عند راجل أخر فدارو
قال كلامو وردخ لباب وخرج معصب خلاها حالة فمها ومزال كتشوف فلباب ...