متمردتي المطلقة

🩸متمردتي المطلقة🩸

بقلمي: أريا ستارك

🍁الحلقة الخامسة: بين ثنايا الحاضر وألغاز  الماضي🍁

متمردتي:13

حنان هزات مخدة شيرات عليه خوا ليها ودخل لبيتها كيضحك: ناموسيتك كبيرة بزاف
حنان كتأفف: ومن بعد
رائد: تقد تهز زوج ويشيط لخير
حنان: اه غير انا وغروري كنشدو سرير كامل
رائد بدا كيضحك: فاهمة دورها غلط بغيتيني نوريك كيفاش كتستعمل؟
حنان: أشناهيا؟؟
رائد: ناموسية؟؟ ههههههه
حنان هزات مخدة أخرر وشيرات عليه: ماكتحشمش نتا
رائد: لا معندي علاش نحشم... قولي ليا مكملتيش معايا لعبة عشرين سؤال وقفنا فنوبتي
حنان وقفات مسلسل دارت ليه بوز وضارت عندو: سول أسيدي أسئلتك
رائد: اشنو دياسك عزيز علك تسنطي ليهم
حنان: فحقيقة جميع لأنواع كنتسنط ليهم خاص غير موسيقى تكون زوينة..ونتا؟
رائد: معنديش مع موسيقى
حنان: واشنو عندك مع لأناشيد؟؟ مدرستي لحلوة وطلع لبدرووو؟
رائد شاف فيها مامسوقش بدا كيولف على نوع دلع ديالها : مكنتسنطش لمزيكا زعمة غير إلا كانت فراديو
حنان بقات كتشوف فيه جاهة إحساس فشكل تقادت فلبركة:إسم فيلم جديد لمفضل عندك
رائد كيفكر: شحاااال هادا ماتفرجت فأفلام
حنان عوتاني سولات بزربة: اخر مرة خرجتي مع صحابك إمتى
رائد حك راسو: أخر مرة خرجت مع صاحبي كان سيمو..
حنان قاطعاتو: مكتفرجش فأفلام مكتسنطش موسيقى مكتخرجش بزاف... واش حياتك غير كورة؟؟
رائد توتر ولكن جاوب: كنت باغي نجح فشي حاجة فحياتي مكانش عندي وقت نضيعو ديما كنت غير كنتريني وبقيت مولف..
حنان قاطعاتو تاني: ولكن دابة راك ناجح رتاح وستمتع بوقتك او لالا؟ (رائد مبقاش بغا يهضر حسات بيه ونقدات لموقف وبدلات موضوع) نوبتك انا سولت زوج أسئلة
رائد بتاسم جنب: كنتسااك زوج إدن لول هو واش عندك مشكل مع لاج فلعلاقات(حنان طلعات حاجبها) بلا هضرة زايدة جاوبي بصراحة وصافي
حنان خنزرات فيه : مكنبغيش دراري صغر مني كنحسهم براهش
رائد كيحاول مايبنش بلي كلامها عصبو: دابة خوك برهوش؟؟
حنان قالت لا وعينيها حاضين رائد لي قرب ليها لفين باركة وهبط حط ركبة وحدة فلأرض وكيشوف فعينيها: انا برهوش؟
حنان كتشوف فيه وفحركاتو جوبات بلا ماتحس: لا
رائد هز خصلة من شعرها ودورها على ودنها وبقا شاد فودنها جاب ليها تبوريشة: سؤال تاني أشمن بوزيسيو كتعجبك؟!!
حنان خرجات عينيها ودفعاتو حتى طاح بارك فلأرض وزادت ردخاتو بمخدة: ماكتحشمش نتا اشمن بوزيسيو ماحسيتي بوالو تهضر معايا هاكة؟؟
رائد وقف وهو حابس ضحكة: خوك قاليا كتحماقي على كورة وكتفرجي فينا ديما سولتك أشمن بوزيسيو كتعجبك واش ديفونس ولا هجوم ولا جناح....(قرب ليها وضربها لجبهتها بشوية وهو مبتاسم) عجباتني طريقة تفكير ديالك....غمزها وخلاها فلبيت طالعاها سخونية وخرج من لبيت ضاحك...

حنان خرجات لكوزينة غاتبدا طيب فبيتزا كتكون عندها عجينة ديالها قبل فتلاجة بدات بلكفتة طيباتها وفنفس لوقت دجاج مقطع طريفات صغار ولاصوص طوماط كيطيبو، سرحات عجينتها ياله غاتحط لعجينة فلمول دخل رائد هاز طابلة ديال عود باينة تقيلة بوحدو صدرو عريان معرفاتش إمتى حيد تيشورط حطات عجينتها بلاما تشعر ومشات تابعاه كتشوف فعضلاتو وجسمو لي مندي بلعرق وقفات موراه ملي حط طابلة خلعاتو..
حنان: راااااااائد
دار بزربة رائد وشاف فيها: فاك منين خرجتي
حنان شدات ليه فدراعو: وشامك بغيتو؟!!!
رائد: بسم الله علك أشنو؟؟
حنان كتقيس ليه فدراعو فلوشام طلعات يدها من فوق مرفقو تال كتفو كتملس فلوشام وحالة فمها فيه، هي مركزة مع شكل أما رائد مركز مع يديها وعاض على قنوفتو تحتانية وكل مرة يرجع خطوة وترجع حنان معاه باش تقيسو..
رائد: حنان بعدي مني جهلتيني
حنان بلامبالات: عرفت عرفت راك عرقان ولكن عمرني ديتها فوشامك بغيت واحد.بليييز ديني فين درتيه
رائد عقد حجبانو: لاااا
حنان: بليييز بغيت تاتواج بليييز
رائد: لاااا واش تسطيتي راه حرام
حنان خنزرات فيه: وليتي عمرو خالد، صافي اصحبي متكونش معقد ديني لفين درتي تاتواج، راه غير كنخاف من تعقيم دكشي علاش مكنتيقش فشي بلايص أما إلا كنتي تعرف شي حد حسن...
رائد بعصبية: لاااا!!!
واحد من دراري لي خدامين قاطعهم من لي سمع كلامهم: انا صاحبي ارتيست فلوشام وكيديرهم
رائد بزربة وقف قدام حنان وخنزر فيه: تحرك دير خدمتك ولا بربي تاندمك
حنان جراتو: شوف دكشي ديال رجال لكهف وفينما يبان لك شي دكر كيدور بيا تجي تضرب فصدرك ودير فيها طارزان دكشي انا معنديش معاه فهمتيني؟!
رائد: إدن مابغيتيش تاتواج مابغيتيش نديك عند صاحبي
حنان: لالا نتا هو سي سيد نتا آمر وانا ندير لي بغيتي غير ديني نوشم...

نتلاقاو من بعد سبعين البنات هاد لمرة تحدي انكم تجمعوها قبل مايتعطل لحال تحركو معايا خليو ارائكم كنحبكم أنايا 🖤