متمردتي المطلقة

🩸متمردتي المطلقة🩸

بقلمي: اريا ستارك

😷الحلقة الرابعة عشر: بين الشوق والنسيان 😷

متمردتي: 1

لون الغروب المتدرج بين بني ولبرتقالي خرجها من تفكيرها هزات راسها فشمس كتغرب عاد حسات بلبرد لي زاد حدة بسباب اختفاء شمس جزئيا، وقت بحال هادا خاصها تكون فدفئ بيتها وبلأحري بيتهم بزوج، أمسية كان خاصها تكون مليئة بلحب ودفئ تقلبات فلحضات محساتش بلوقت إمتى طار وعينيها محبسوش من دموع حتى مابقاش دموع كيخرجو بكترة لحريق..
باركة فلارض مربعة رجليها تنهدات حطات يديها لباردين على عينيها يخففو من حدة لألم وسخونية لي طالعة منهم خاصها تفكر اشنو غادير خرجات تيليفونها من قبية ديالها وشعلاتو، غير قدر يستقبل مكالمات بدا كيصوني شافت لإسم وتردد على مسامعها صوت كارمن..(خليتيني أنا لي حاملة بولدك وكنا انا وياك عايشين مع بعضياتنا قبل ماتجي ديك حنان تبعنا تال ميريكان تحرمها علينا) أفكار لي كيدورو فراسها أن رائد كان مع كارمن قبل ماتجي لأمريكا داك لوقت لي قطعو فيه لهضرة كان معاها واخة مكانوش مزوجين ولا بيناتهم شي حاجة حسات بشمتة حسات براسها مكلخة حيت فتحات قلبها شحال من عام وهي حامية راسها جات تال دابة وعطاتو قلبها على طبق من فضة...
تنهدات وجبدات ميساجات سيفطت مساج وطفاتو وقفات هزات ركابيها وخشاتهم بين رجليها كتحاول تمالك راسها ومتبكيش تاني بدات كتهضر مع راسها: انا لي درتها راسي انا لي خاصني نحبس ومنبقاش نعطي قيمة لي ماعندو قيمة...اش كنت كنتوقع وانا ديما كنت كنشوفو فلمجلات مع لبنات؟؟ اشنو زعمة يتوب على قبلي انا ههههههه كنكدبو ونتيقو راسنا (تفكرات غايولي عندو ولد ولا بنت ومع وحدة اخرى خانوها دموعها وغوتان) اااااااه
قدامها كانت دايزة بنت هي وصاحبتها قفزو:  fu**ing crazy ass lady she's talking to her self
**** هادي ديمها مسطية باركة تهضر غير مع راسها
حنان شافت فيها وجوباتها بدارجة: لمسطية هي مك لعزية لي حطاتك
لبنت بقات كتشوف فيها: she's talking to me?? U wanna fight bitch?? Ill fu** you up
كتهضر معايا هادي؟؟ باغة ضاربي الق**ة؟ ن**** مك انا
حنان هنا ناضت وقفات من زهرة طاجت فعزية عزيزة عليها لمضاربة نيت تخرج شوية طاقة سلبية، رجعات لماسك لوجهها جمعات شعرها لفوق بزربة وقربات ليها...
This bitch is crazy!! I'm about to fight her and she's putting her mask on
هاد ق**بة مسطية ولا شنو؟ انا غانخلي عشتها وهي كتلبس فماسك
جوباتها حنان هاد لمرة بلونكلي: حيت الق**ة كنخاف من فيروس كيقتل كتر من عزية فيها غير لهضرة
من لي سمعات لبنت عزية تجننات غوتات بحال طارزان وتلاحت على حنان طاحو بزوجهم فوق ربيع، كاع دوك اعصاب بانو دابة جراتها من شعرها تحيد ليها عاد ماجعرات حنان كضرب وتعاير بمغربية: ماعند ديمك تاشعر يالكلبة ليووووم نسيفط مك كومة
صاحبت لبنت جبدات تيليفونها كتصور وتشجع فصاحبتها اما حنان كانت مولفة كتلعب مع سيمو مصارعة ولكومبات كيما علمها قلبات لبنت ولات هي فوقها وشدات يديها بزوج حطاتهم تحت من ركبتها حكماتها ماتحركش واخة كترطا تحت منها بقات عليها بضريب حتى حسات بيدين شدوها وحاوطو يديها باش ماتحركهمش هزوها من فوق لبنت لي جاتها ضربة فنيفها دوخاتها وغيبات، صحبتها مشات عندها هازة شعرها لمزيف وكتفيق فيها..
حنان بدات كتركل وسط هاد ليدين لي مامخلينهاش تحرك: طلق الله ينعل ******** ******
عادل طلقها طاحت فلأرض: فمك خاسر
حنان توعتات من لي طلقها طاحت باقة كتحك فيها سمعات صوتو وتزنكات من لحشمة واخة كتخسر لهضرة سيرتو من لي كتعصب ولكن قدام رجال ولاري لي ياله عرفات لا، ياله قررات تعتادر سمعات لغوات وشافت لعزية فاقت وجاية تابعاها خرجات من لعشب متاجها للشانطي فين واقف عادل عينيه خارجين حيت وراها كاينين زوج دراري باينين من شي عصابة..