متمردتي المطلقة

🩸متمردتي المطلقة🩸

بقلمي: اريا ستارك

🍁الحلقة السابعة: صداقة طفولية🍁

متمردتي: 9

نزلو من طوموبيل ودارو نضاضرهم وقفو قدام محال واحد مخنزر باغي يضارب مع شي حد ولاخر كيضحك حتى بانت ليه ضرسة لعقل...
سيمو : هههه مالك اصحبي مغوبش فردها
رائد: لاش جايبني لهنا؟؟
سيمو: معرفتش إمتا نقدرو نوصلو دكشي علاش طلبت من حنان تمشي مع علياء ودابة ملي هوما باقين تما نمشيو نفاجئوهم
رائد حدر راسو وداز لجيهة لمعاكسة لباب لمحل: سير عند مراتك تلاح!!
رائد  باغي سلت فحقيقة معارفش كيفاش يشوف حنان من بعد كتر من سيمانة ماشافها، سيمو تابعو شدو من دراعو...: ا*** ترجل معانا جيها فاص قوليها اش درتي فداك ز**** وريها تصاور برد ليها قلبها
رائد خنزر: مكتفهمش أصحبي اناماباغيش نشريها بتعاملي ولا نغريها بفلوسي بغيتها منها لراسها تجي عندي ومغانبقاش تابعها
سيمو عنق رائد من كتافو وهو حابس ضحكة: دابة نتا متابعها ماوالو جاي مع صاحبك من مطار وهو توحش مرتو مستقبلية ونتا حيت عشيرو جيتي معاه
رائد: مال ********* كتمركن عليا؟؟
سيمو: عرفتي ديك مقولة ديال ياجبل ماهزك ريح نتا هو جبل وحنان ديك لعاصفة لي ماشي غير هزاتك لا ريبات ديمك هههههههههههههه اول مرة كنشوفك هاكة حاير ومعارف مادير هانتا نصيحة مني عاملها كيما اي بنت كنتي باغي تصاحب معاها حيت هداك رائد لي خاصها تشوف ماشي داك طارزان لي باغي يخلي عشت اي واحد جا حداها وبغا يحزق ههههههههه
رائد رجع مرفقو لسيمو فكرشو زواه: شتك كتقلب عليا اشنو شي كومبا ديال بصح؟؟
سيمو جر رائد وعينيه على تيليفونو: اجي ندخلو بعدا من قوالب ديال والو .... هادو ماكيجاوبوش فتيلفوناتهم
رائد تنتر من يد سيمو: مشاو فحالهم وحنا باركين ندورو بحال بيادق
سيمو كيضحك: تازيد اصحبي اشمن بيادق راهيا طوموبيلة حنان حمرة كتبان من راس درب
رائد وقف قدام صاحبو: سيمو خليني نمشي فحالاتي عيان ومراشقاش ليا على تبرزيط لي غادير ليا ختك
سيمو: ولكن راه دكشي لي كيعجبها دير لك بلعاني علاش كتخليها تستفزك؟؟
رائد: بلا بلا ساهلة ولكن تانتا غير كطيح مع علياء كتولي روميو لحب ولحنان ماشي داك شخص لي كنعرف لي جا فطريقو يطحنو ويدوز
سيمو هز كتافو مبتاسم: دكشي غير فكورة اما خوك ضريف حلوة وعاد مكنتش كنطيح مع لبنات بزاف بحالك
رائد: لالا بلاتي انا غير مكنتش كنتسوق للصحافة اما نتا تقدر تكون داير كتر مني واش باغي تلعب عليا لحمل لوديع سميتي علياء بنت لك؟؟
سيمو: ظابة عاد عرفت علاش تصاحبت معاك كتشبه لعلياء شوية
رائد ضربو للدراعو حتى لاحو لجيهة لوخرا: بقا تقلب عليا .....اه وراه انا لي تصاحبت معاك حيت كتفكرني فحنان
سيمو ضحك من خاطرو وغمز رائد: فين ازين مانشوفوكش؟؟
رائد: سكت اصحبي لايسمعنا شي حد يصحبنا بيديات (سكت حيت تفكر لكلب لي جاب ليها) أجي فين خلات روكو؟؟
سيمو: بقا مع لواليدة هي وياها كيضاربو عليه هاد.سيمانة دارو ليا طيارة للدرجة فريد كيقلب ليها على كلب بحالو
رائد بتاسم: انا نعيط ليه ونديه عند صاحبي يجيب ليه شي واحد .
سبق سيمو حل لباب شاف فلحالة ديال محال  وقرن حجبانو رجع شاف فصاحبو لي باقي مشافش أشنو واقع
رائد: بلاما تعيط ليهم واقلة باين شكون لي دار هادشي فهاد لمحال غير تبع هاد روينا توصلنا لعندهم...
سيمو ملي شاف دكشي لي قدامو تكرشخ بالضحك حتى هبطو دموعو: ديمهم ههههههههه بربي تاهربان ليهم
رائد: واش بنات يديرو هاد لفعايل؟؟ علاش كيقلبو؟؟ شي حد يجي يتعلم فيهم هادشي لي دايرين؟؟
          (صورة لفوق تقوليكم حنان وعلياء اش دارو)