متمردتي المطلقة

🩸متمردتي المطلقة🩸

بقلمي: اريا ستارك

😷الحلقة الخامسة عشر: كل عام وأنت لي 😷

متمردتي:8

قبل ماتستوعب كلامو حط شفايفو على شفايفها ومعاه اختفى اي اعتراض او كلمة كانت غاتخرج ليها حاولات تفكر غير علاش كانو كيهضرو والو دماغها ولا مركز فحاجة وحدة وبنسبة مئة بالمئة، ملمس شفايفو على شفايفها الناعمة وشدة لقبلة خلاتها ندامجات معاه، مفهوم لوقت انعدم معرفاتش شحال وهوما غارقين فبحر بعضياتهم كل مرة يتباعدو باش ياخدو أنفاسهم ويرجعو مثل المغناطيس.
حاولات تبعد شوية باش يقدرو يتنفسو على خاطرهم ضار معاها رائد ضاغط عليها بجسمو وكل مرة ترجع لور خطوة كيزيد يرجع معاها حتى حبسها كرسي دطابلة، خرجات من عالمهم فدارهم ودخلات لعالم كيحكي لأحاسيس لمسات وهمساات كتخليك تفقد تواصلك بالواقع كتفقدك صوابك.
يديه لي كانو على خصرها حرك وحدة منهم مطلعها مع خصرها حتى وصل لجنب صدرها وبإبهم ديالو بدا كيدير مساج دائري...
حنان دفعاتو بزز كتتفس بصعوبة هربات منو متوجهة للطابة: احم فيا جوع هادشي غايكون برد
تنهد وبتاسمتو مامفارقاتش وجهو: غاتصعريني علك نتي ومن لي غانشدك تاحد مايقدر يفكك مني
تجاهلات كلامو وبركات فطابلة هزات طبسيل ديالو هو لول كتهز من كل حاجة شوية عمراتو وحطاتو قدامو، قبل مايبرك فكرسي ديالو جرها بكرسي ديالها حتى لحدى مقعد ديالو، كتشوفيه فمها محلول عاد بتاسمات: كون قلتيها نوض بوحدي نجي عندك
رائد غمزها: يالاه أجي بغيت نقولك شي حاجة ولكن ضروري نطلعو لفوق.
رجعات راسها لور بضحكتها: ههههه محاولة فاشلة هههه عايقة بك وفعلا فيا جوع من لي خرجتي وانا كنقاد وباقي ماساليتش من عيد ميلادك
رائد بتدمر: انا صافي ساليت منو وساليت تا من لماكلة
حابسة ضحكة مقادراش تشوف فيه لاتستسلم: هههه تاتكون بديتي بعدا ماكلة
عمرات طبسيلها حتى هي وبلا حتى كلمة بدات كتاكل حتى تحط قدامها تيليفون على وجهو كتشوف فلكاركاس ديالو بعدم فهم، هزات راسها فرائد عينيه مراقبينها باستغراب سولاتو: كون مكانش تيليفونك نقول شريتي ليا تيليفون اخر ولكن علاش حاط ليا تيليفونك
رائد هز حاجب: ضوريه بعدا شوفي اشنو كاين فسكرين
حطات فرشيط كانت كتاكل بيها لحشوة ديال بسطيلة وشافت فماكلتها بحال كتوادع معاها فنفس لوقت ضورات تيليفون وحلات عينيها على آخرهم من جمالية لفستان لي قدامها بقات كتشوف وكتلاحظ تفاصيل لي مغيريين فيه بصوت باح تسمعات منها: مايمكنش
جر كرسيها وضورها قابلها معاه باقة شادة تيليفون فيدها ويدها لأخرى محطوطة على فمها بدهشة، هز يديه حيد يديها من على فمها شبكها مع يدو وخلاها هزات راسها فيه عينيها مدمعين...
رائد: نهار نسيتي لمذكرة ديالك فعرس سيمو فحقيقة أنا هزيتها من لي نضتي ومن لي قلبتها لقيتك حاطة فيها أفكارك على عرسك وكيفاش بغيتيه يكون فلول كنت باغي وسيلة باش نجي نشوفك ولكن من لي حليت صفحاته لقيتك حتى نتي من صغر ونتي كتلصقي فيه أي حاجة عجباتك لنهار عرسك ولفت انتباهي كسوة لي رسمتي وكيفاش شرحتي تفاصيل....
هبطات ليها دمعة مخنوقة كتحاول تسولو وصبعها على تيليفون كتنعت ليه: ولكن هادا كيفااااش مافهمتش
هز يدها لعند شفايفو طبع قبلة وهو مبتاسم هز يدو مسح ليها دمعتها: كنعرف واحد لمصمم سيفطت ليه كلشي بلي ديطاي لي كنتي كاتبة عليهم  وبداه من نهار سيفطت ليه تصاور من مذكرة ديالك