متمردتي المطلقة

قلمي: أريا ستارك

🍁الحلقة الرابعة: مطاردة عاشق وتمرد أنثى🍁

متمردتي: 4

.                     إهمالك لي لا يؤلمني
                    المؤلم أن يحبني غيرك
                بنفس الطريقة اللتي أحبك بها
                               ولا أهتم
              قلت لأصحابي هي الشمس نورها
                  قريب ولكن في حقيقتها بعد
                     كبدر السماء غير قريب
               حيث يوفى والضوء منه قريب
     
                       ************

لعبة طوم وجيري ضروري تكوني دوزتيها فحياتك..ولا مكنتيش ان شاء الله ضروري دوزي منها، هاد لعبة أغلبية نساء كتكرهها ولكن رجال كيموتو عليها، أهم حاجة عندهم هو داك شعور بقمة الحماس والإثارة.
بحالهم رائد من داك نوع لي كتعجبو اكتر هي الرحلة لي غاتوصلو لإستقرار مع لبنت لي باغي هي أهم حاجة فحياتو...
هداك لمد ولجزر لي بين لعاشقين هو سبب خلافات كتيرة ووقت صلح أحلى ولكن بعض لمرات كترجع لعلاقة طوكسيك مسمومة...
قد ماكتطوال لمطاردة وكيشتد لعناد قد ما رائد كيزيد يقصاح راسو وصمم على لي فراسو...

حنان:
بالنسبة للمرأة ملي كتبغي شي حد من قلبها كتبقى غير تفكر فنهار الزواج إمتى يتجمعو خلاص، ويكونو تحت سقف واحد يعيشو لحلوة ولمرة بالنسبة ليها كتشوف أنه ملي كتفرق مع شخص لي كتبغي باش تمشي تنعس فدار باها بحال غير كضيع وقتها حيت مباغاش تزكل تاشي دقيقة من وقتها مع لي كتحب...
أما بالنسبة للرجل فكلما كيفشل أنه يوصل ليها كلما كتزداد رغبتو فالتحدي وتحمل حتى يوصل لدكشي لي بغا... هنا كيبداو شكوك لأنثى أي وحدة فينا عندها رد فعل طبيعي مع رجال وهو تشكيك... كيبدأ تساؤل على نواياه واش فعلا معقول ولاصورة راسمها لك باش يوصل للمراد ديالو.. وتيقوني بزاااااف منهم كيمثلو باش يوصلو لي بغاو..سولو لمجرب!!
ولكن هداك شك فنفس الوقت أحسن ميزة عند المرأة كتخلي ثقتك بالناس ماشي ساهلة يربحوها، هشاشة قلب الأنثى كيخليها فريسة سهلة للقلب مجروح.
لي كنصح بيه هو انكي تزيدي من قوة داك صور لي ضاير بك ومامخليش اي واحد يديرها بك، قد ما كان لحيط قوي وعالي صعيب يختارقوه الناس لمغشوشين علاش حيت بالنسبة ليهم ماكتستاهليش يصدعو راسهم معاك...
حنان شافت فساعتها وعقدات حجبانها:غاتسمحوليا البنات ليوم لايف قصير راكم عارفين عرس صاحبتي قريب وكنعاونها فيه غانختم هضرتنا هنايا ونشوفكم قريب بيزو...
قطعات لايف وأول حاجة دارتها جمعات ابتسامتها وتنهدات: عالله شي وحدة من هاد لبنات تكون تسمع وماتعطيش قلبها قبل ماتفكر بعقلها...