متمردتي المطلقة

🩸متمردتي المطلقة🩸

بقلمي: اريا ستارك

🍁الحلقة العاشرة: عقد قران وعقد إنكسار🍁

متمردتي:10
رائد متحركش من كرسيه وبكل ثقة فالنفس: عارف راسي اش كندير، ولكن غاتزيد تحط يدك فوقها غادي نهرسهم لديمك من لي مايكون تاحد عقل على هضرتي مزيان..دفع كرسيه وناض من طابلة متوجه لفين مشات حنان ..

خارجة من لحمام مبردة من بعد ماغسلات وجهها ويديها بلما بارد كتحس براسها حتى أعصابها تبردات بتاسمات من لي سمعات لموسيقى وجات فبالها لفكرة لي كانت باغة دير لخوها وعلياء مفاجئة بتاسمات ولكن سرعان ماتمسحات لبسمة وقرنات حجبانها...
رائد فآخر ديال كولوار لي كيخرج من لحمام للصالة متكي على لحيط رجلو مطوية ومحطوطة على لحيط لي موراه كركيزة توازنو،هز راسو بشوية شاف فيها وخرج دخان من فمو طويل وعينيه مراقبين خطواتها لي تبدلو من لي شافتو..
حنان خرجات عينيها: كتكمي؟؟ من إمتى؟
رائد تحرك للحيط لي مقابل معاه طفا فيه كارو ولاحو فسلة صغيرة محطوطة فأخر رواق: كنكمي مرة مرة
حنان قرنات حجبانها: حياتك كتمحور على لياقتك لبدنية متكونش غبي وتخرج عليها
رائد: وحياتك كتمحور على حالتك نفسية متكونيش غبية وضيعي حوايج من حياتك غاتندمي عليهم من بعد..
حنان ربعات يديها قدامها بحال صور كتحطهم بينها وبين لعدو فهاد لحالة لعدو شخص بدا كيتسلل لقلبها: كنتي كتسناني كاين شي مانقضيه؟؟
رائد: معرفتش واش غانشوفك من بعد بغيت نقول لك بسلامة من دابا وآسف على كلشي صدر مني وديرونجاك من لي غايسالي لعرس غانسافر
حنان كتسرط توترها مع ريقها متحكمة فواجهة لامبالاة لي راسمة على وجهها: فين غاتمشي؟؟ المانيا؟؟
رائد: ماكيهمش فين مهم كنتمنى لك نجاح فحياتك
حنان بغضب: صافي هادشي لي عندك ماتقول؟؟
رائد هز حاجبو فيها باستغراب وابتسامة جانبية: كيقولو لعلاقات كتستحق تحارب على قبلهم سيرتو لي كيكونو مبنيين على لحب ولكن لكنتي لوحيد لي كتحارب فراه مكتستاهلش....  see you in another life maybe then you will fall for me
تمشى بخطوات تابثة وهو كيبعد عليها وهي كتسمع جملة ديالو فودنها...
فكرات بلا فعلا من لي رجع للمغرب لدابا هو لوحيد لي كان كيحاول وهي ديما كتصدو ودابا من لي قلبها بدا كيرطاب... استسلم وفضل لخروج من حياتها، خلاها حسات بغضب وتعب وفقصة كتسري معاها حسات بسخونية غطرطق من وجهها.
كيفاش تجرأ يخليها تولي تهتم وفلخر رجع بلور واش هادشي كلو كان لعبة؟؟
فكرات فلحل لنفسيتها دابا وهو تخرج هاد طاقة السلبية بلحاجة لي كتبغي بزاااف ديرها وكتريحها نفسيا...
تمشات فلقاعة ببطء كتمعن فلجمالية ديال كلشي كيفاش طلع حسات بلفخر بلي دكشي لي دارت صدق وطلع لعرس كيما كانت كتمناه علياء..
شحال وهي مركزة فتفاصيل لحفل وشحال تعبات فيهم ودابا كتشوف تمرة خدمتها وتعبها وهي فرحانة بلي هدفها فلحياة ديال صغر مع صحبتها تحقق وفعلا هي لي كملات عرسها وقاداتو كيما تبغيها لراسها وأحسن...