متمردتي المطلقة

🩸متمردتي المطلقة🩸

بقلمي: اريا ستارك

😷الحلقة الخامسة عشر: كل عام وأنت لي 😷

متمردتي:6

عينيه كيبريو بفرحة من مساجاتهم وتهانيهم مامات حنان بحال لعادة كتوصيه ينعس مزيان وياكل مزيان كتحاول تعوضو على حنان الأم قد ما سنحات ليها لفرصة..
مبقاش قادر يتسنى كتر بغا يشوفها يعنقها فخضنو توحش يستنشق ريحتها رجع بخطواتو متفكر اخر مسج من عندها ""نتلاقاو فين كلشي بدا اول مرة"" وصل للدروج لي يهبطوه لتحت لقاهم كلهم شمع فجناب لحيوط واصل لأخر دروج هابط وكيطفي فيهم مبتاسم هضر بصوت مرتافع : باغة تحرقي دار نتي 
سمع ضحكاتها بلاشك سمعاتو سرع من خطواتو ونسا شمع مركز على اتجاه الصوت نقز زوج درجات فخطوة وحدة هابط بزربة من لي وصل لقا شوميني شاعلة وبتاسم من لي شاف فطابلة مقاظة ومتولة على حقها وطريقها بسطيلات صغار فطباسل ولوسط دجاج محمر بضغميرة وزيتون..
رائد كتسمع قهقهات ديالو: واش غاتبقاي ترشيني بالماكلة لاطولنا هاكة غانغلاض هههههههه
حنان جوبات من وراه: قالو الطريق إلى قلب الرجل معدته بغيت نتأكد من هاد لمعلومة
ضار بزربة شافها وحل فكو فكامل اناقتها كأنها غادية لحفلة شعرها مصيب مطلوق ماكياج خفيف ولكن لي ثار انتباهو كتر هي كسوة لي لابسة سيكسي بينات مفاتنها بطريقة خطفات أنفاسو، عينيه هبطو لصباع رجليها مقادين بلبيديكير بدا طالع بعينيه مع جسمها كسوة طويلة ولكن فتحة جنب تساعدها على المشي، تحركات بخطوات كأنها فعرض ازياء مبتاسمة ليه فرحة فعيونها.
هاد زي كيعطي لمحة من اشنو تحت لكسوة وفنفس لوقت ماكتشبعش فضول لعينين لي غاياكلوها، من لي وصل لصدرها لي نصو باين مقدرش يكمل ويطلع عينيه لوجهها بقا مركز مع جسمها وتحركاتو وهي جاية عندو حتى قربات ليه عاد عينيه جاو على عينيها...
رائد بتاسم جنب وهز حاجبو: هاي
تزنكات حدرات راسها ولإبتسامة مامفارقاش محياها: هاي
بضحكة جانبية وبتكبر قالها: هاي ماشي ليك كنهضر مع هادو
قرنات حجبانها ورجعات هزات عينيها لقاتو منعت ليها بصبعو فصدرها زادت تزنكات من لي شاف فيهم وقال: hi girls
طلقات ضحكة من قلبها بغات تخبي راسها ولكن ماكينش هروب ليوم عطات وعد لراسها غاتجاوز مخاوفها وحدودها، بخطوات بطيئة قربات ليه وشدات يدو بين يديها: احم غانحاول نهضر بعقلي ماضحكنيش وخليني نكمل كلامي.
عينيه كل مرة يهبطو لصدرها وعاودو يطلعو: صعيب نركز ولكن نحاول
كرزات ليه على يدو حتى هز عينيه فيها: وجهي هنا ركز معايا
بعينيه تاني شاف فصدرها: مابغيتهمش يكعاو عليا معطيتهمش وقت
حنان ضرباتو لصدرو: ههههههه لمنحرف لاخر كتحشم فيا واخليني ندوي بعقلي!!
رائد: اوكي اوكي لكي لكلمة ملكتي!

بس: تخايلوها كتمشى بحال فلفيديو تحت 😝