متمردتي المطلقة

🩸متمردتي المطلقة🩸

بقلمي: اريا ستارك

😷الحلقة الثانية عشر:الحجر تحت سقف واحد 😷

متمردتي:6

حنان: سميتك عادل مشرفين باينة علك شلح ياك؟؟
عادل: وي ختي من اكادير أجي مالكي مليوحة فلأرض ياك لباس
حنان تفكرات رائد بعصبية قالت: عزيز عليا تراب نتمرمد فيه
عادل: هههههه هبيلة نتي فينو داك خونا لي كان معاك؟؟
حنان: لبنى سريعة؟؟ شكون عرف..
عادل ماطة ليها يدو وقفها وغمزها دار ليها إشارة لجيهة لي مقابلة معاهم: فيك جوع؟؟
حنان شافت فساعة: يالاه تسعود صباح
عادل هز كتافو: عندهم واحد سوندويش فلافل ناااضي
نيويورك معروف بأحسن العربات المتنقلة ديال ماكلة ولي تقدر تجيكم غريبة هو أنه هاد لباعة لمتجولين معروفين بلماكلة الشرقية من فلافل لشوارمة وزيد وزيد، معروفين بزاف وعندهم صمعة زوينة ومن لي كتوصل وقيتة لغدا كتلقا صفوفا عليهم...
حنان: ويلي غاناكلو عند مول كروصة؟؟
عادل مبتاسم: كتصحابيه مول صوصيص لكلاب فلمغرب لا راه هادشي نيڤو اخر واعرين
حنان هزات كتافها: اوكي غانتيق فك (من لي قربات قرات مكتوبة عليه حلال) وااايلي ماكلة عندهم حلال؟؟
عادل بتاسم: زيدي غايعجبك ديال بصح..
حنان وقفات نص طريق: أجي ياك ممنوع اي ريسطو ودكشي كلشي سد؟؟
عادل: هادو كيحطو ديما فالزنقة يعني فلهواء الطلق مسموح ليهم يحلو سيرتو أنه باقي شي وحدين خدامين ماشي كلشي سد فهاد بلاد السعيدة...
عادل وقف عندو وهضر معاه بلمصرية خدا ليهم سوندويتشات فلافل بالنسبة لبنات لي ماكيعرفوهش فهوما كواري ديال حمص ولفول بعض لمراات كيديرو فيهم حوايج مختالفة مهم مافيهش تاشي نوع ديال لحم ولا دجاج كيدار فلعيش على شكل ساندويش.
حنات عضات فسوندويش وهي باقة واقفة مقدراتش تسنى: مممممممم ناري هادشي وااااعر
عادل: بغيتي بقلاوة
حنان: عمرني دقتها ولكن نجربها
بركو فالجردة بعاد على بعضياتهم حيدو ماسكات وكل واحد مشغول كياكل وراهم رائد كان متكي على شجرة ومقابلها يديه على شكل قبضة ربعهم بغضب وعينيه عليهم...
عادل: عرفتي حاجة وحدة ندمت عليها؟؟
حنان وقفات لماكلة: اشناهي؟؟
عادل بتاسم بطفولية: ماتعلمتش طياب موحش رفيسة وكسكسو ههههههههههه
حنان: خلعتيني كيصحابلي غاتشارك معايا قصة حياتك وندخلو فداكشي ديال حزن ولبكا وگاع دكشي زوين ههههههههههه
عادل:مبانش لك هاد لحزن لي حنا فيه لعالم مسدود علينا كل واحد بارك فبلادو وساد بابو عمرني كنت كنتخايل شي نهار هادشي يوقع
حنان: حاسة بيك انا جاية غير عطلة ولفرحة ماكملاتش
عادل: دخلتي علينا مباركة مسعودة هههخههه
حنان ضحكات وضرباتو لكتفو:ههههههههه أنهضر مع لبنى سريعة ونعرضو علك شي نهار لكسكسو
رائد وقف قدامهم مربع يديه ووجهو عليه ملامح لبرود: ساليتي ماكلة ممكن نمشيو؟؟
حنان خلعها وقفات بزربة: هااا؟؟ منين خرجتي؟؟
رائد شاف فعادل: صافا!!
عادل وقف مد يدو وسلم عليه رائد ولكن طلق منو دغيا: نتا هو رائد؟ رائد لكويري؟؟
رائد بتاسم بزز: هو هادا
عادل: أصحبي نهار كبير هادا مشرفين واللهما عرفتك داك نهار واااايلي كويري ديالنا مرحبا ومشرفين وبجهد أصحبي عزيز عليا لعبك مكرهتش نقصرو شي نهار
رائد: اه علاش لا نديرو لحد جاي؟
عادل حل فمو مكانش متوقع تواضعو وجوابو: هههه الله ياودي شرف لينا صافي مشات نتلاقاو هنا؟؟
رائد: صافي مشات سيمانة جاية نشوفوك... تهلى فراسك هاحنا غانتحركو
عادل كيشير ليهم باقي مبتاسم: بسلامة بايباي حنان تهلاي فراسك