متمردتي المطلقة

🩸متمردتي المطلقة🩸

بقلمي: اريا ستارك

😷الحلقة السادسة عشر والأخيرة: سر معي حتى النهاية 😷

متمردتي:3

حنان قاطعاتو: كيفاش كانت فيه ففرانسا علاش فينها دابا؟؟
مهدي تنهد: فبلجيكا دابا شخص لي لقاو معاها قالو كتعرفو وهو لي دق ليها لبرا ولبوليس شدوه كيحققو معاه..
هنا رائد خلاهم فلباب ضار بلا مايهضر هز تيليفونو رجع للصالة كيعيط يشوف اشنو واقع وأشنو يقدر يدير، حنان رجعات عينيها للأب لي قدامها منكسر: احم تفضل دخل؟!
مهدي بتردد شاف لداخل فظهر رائد لي بطبيعة لحال سمعهم.
مهدي: متأكدة ماغنخلقش شي مشكل؟؟
بتاسمات ليه وحلات لباب اكتر دخل توجهو للصالة فين بارك رائد كيهضر فتيليفون ومركز مع كل كلمة كتقال.
رجعات حنان للكوزينة هزات قرعة لما وكيسان داتهم للصالة كبات ليه كاس لما شربو بلهفة ماقدرش يصبر مزال بارك متوتر اكتر من لقياس: من لي كنكونو صغار كناخدو قرارات كتغير مجرى حياتنا وانا كنت من نوع لي كياخد اكفس قرارات، نهار قررت نطلق مراتي ونخليها هي وولدي ونبدا حياتي مع مرأة اخرى تعلمت درس من لحياة غمرني نسيتو، بعد مدة وجيزة ديال ربع سنين زواج ماقدرتش نعيش حياتي ونسا بلي تخليت على ولدي وعاد انسانة لي كنت كنصحابها شريكتي فلحياة كانت غير كتستغلني، جميلة اول وحدة ستغلاتني كانت مبلية قبل مانتزوجو وعمرني عرفت حتى لمن ورا زواج وعييت معاها لسنين انها تقطع هادشي فاش تزاد رائد كان مريض بزاف بسباب ادمانها...
وصل نهار لي قررت فيه نبدا حياة جديدة وياريتني مادرتها ندمت ومن لي رجعت كنستقبل مكالمات جميلة..
حنان قاطعاتو: بقات كتعيط لك؟؟
بتاسم بحزن: عمرها قطعات لإتصال كانت مريضة ولا مهووسة ماعرفتش مهم ديما كتعيط نهار جاوبت وقلت ليها بغيت نشوف رائد!! قالت ليا بلي من لي بدا كيكبر مرض اكتر وتوفى عمرني نسيتو ديما كنت كنتفكرو  و ...و
حنان شافت فوجهو بتعابير حزينة عينيه مدمعين شافت فرائد تاهو عينيه عليه وكيتسنط ليه: كل عام نهار عيد ميلادو كان اكفس نهار فحياتي مقدرتش نعيش حياتي ونسى حتى لنهار شفتو كيلعب كورة خلات سميتو كيما هي وحتى ملامحو هوما عرفتو ولدي فرحت بزاف ورجع ليا أمل فهاد لحياة، مشيت لمغرب قلبت عليهم دنيا والو مالقيتهمش من لي عيطت ليها عتارفات بلي بغات تعاقبني حيت طلقتها ومشيت وخليتها، ماندماتش ومكنظنش كتعرف أي احساس آخر من غير نشوة تعاطي لمخدرات بقيت كنقلب وفينما كيكون عندو ماتش فميريكان ولا فرنسا كنمشي ولكن كان كيرفض يقابلني كان كيرفض ياخد معلوماتي من مانادجر ديالو ويهضر معايا... انا عارف ماغايسامحنيش أنا براسي عمرني نسامح راسي ولكن...
رائد وقف بزربة قدامهم بملامح باردة خشا يدو فجيبو: جميلة يالاه فاقت من كومة سيفطت منادجر ديالي ساكن تم ماغاديش يخليوه يدخل لسبيطار على قبل كوفيد ممنوع كل زيارات، مزال ماتقدرش تهضر معانا ولكن فتحسن على ماقال ليا طبيب تاهو دويت معاه دابا...
حنان وقفات مشات حداه وشدات فدراعو كارزة عليه خرج يدو من جيبو عنقها وضمها لصدرو: كلشي غايكون بيخير ان شاء الله...
حنان بتردد: مانقدروش نمشيو؟؟
رائد: للأسف لحدود دبلجيكا باقين مسدودين...
تنهدات وزادت عنقاتو اكتر وقف مهدي متردد: احم نخليكم على راحتكم
حنان طلقات من رائد وبتاسمات لمهدي بحزن: مشرفين بمعرفتك عمي!!
كلامها خلا احساس غريب يتسلل لقلبو شاف فرائد لي رجع قرن حجبانو: احم كنتمنى شي نهار تعطيني فرصة .... ونهضرو...
رائد شاف فحنان لي كترجاه بعينيها عرفاتو سمع كلشي وماكرهاتش يعطي لأب ديالو فرصة بتاسم ليها ورجع شاف فمهدي وماطة ليه يدو لأول مرة غايسلم عليه..
مهدي مسح يدو من لعرق ناتج على توترو وخوفو من رفض إبنه ليه.
رائد كرز على قبضة مهدي وقال بصوت جاد: ان شاء الله ندويو قريب...