متمردتي المطلقة

🩸متمردتي المطلقة🩸

بقلمي: اريا ستارك

😷الحلقة الثانية عشر:الحجر تحت سقف واحد  😷

متمردتي:15

فمكان تاني هاد لمرة فيينا إطاليا كطل من شرفة ديال جناح ديالهم جا من وراها عنقها وحط وجهو فعنقها ستنشق ريحتها وتنهد: ماغانشبعش من هاد ريحة
علياء بتاسمات وهي مزنگة: اشمن ريحة باقة مدرت والو
سيمو زاد خشا عنقو: هادي ريحتك نتي خاصة بيك بنييييينة كتخليني باغي ندوقك تاني
علياء دفعاتو بزربة وهربات: تسطيتي نتا ويلي قهرتيني من لي بدا هاد لحجر ونتا شادني ويلي راني عييت
سيمو تبعها كيضحك: ههه اشنو ندير لك ونتي ماكيتشبعش منك غاندمك على ديك ليلة لي سخسختيني ماغنساهاش ليك
علياء تزنگات وحدرات راسها: وانتا لي خلعتيني
سيمو: من نيتك؟! اش درت من غير دخلت عندك بلبوكسر ونتي تسيفي عليا
فلاش باك ليلة دخلة
علياء تشجعات ولبسات شوميز دونوي بينوار حرير ديالو طويل تال أرض بشكل سيكسي بركات حاشية سرير كدهن لحمها كتوجد لليلة العمر، سيمو دفع لباب ودخل صدرو عريان ولابس غير بوكسر جات عينيه على مراتو حلالو بعد سنين ديال حب اخيرا ولات من نصيبو..
سيمو حال فمو فيها متحركش من حدا لباب: واو
علياء وقفات بزربة وغطات راسها بيديها: واش تسطيتي مدقش قبل مادخل؟؟
سيمو قرب ليها كتر: علياء حنا مزوجين دابا وتسنيتك تاوصلنا لهنا ورتاحينا... وهاد شوميز لي لابساه كون مكنتيش معولة مغاتلبسيهش..
علياء تزنگات وبدات كتقفقف لخلعة عاد جاتها: احم لا دابا شتي حنان هي لي جمعات ليا حوايجي وسميتوو
سيمو قرب ليها كتر:متأكدة حنان لي جمعات لحوايج ماشي نتي؟؟
عرفها كدبات حافظها مزيان فاهم بلي لخوف لي فيها دابا لي مخليها تكدب ودير سبة بختو قرب ليها وشدها من خصرها جرها لعندو يالاه غايحط شفايفو على شفايفها
دفعاتو وهربات فوق ناموسية: بعد مني تقيسني نغوت ؟؟
سيمو قرن حجبانو شوية بتاسم: اوكي نلعبو
نقز لفوق سرير حداها وهي هربانة وكتغوت: سيمو بعد مني والله و
سيمو: واللهتا نقيسك ليوم ماغانزگلكش واااالو صبرت كتر من قياس
علياء هزات شارجور لاحتو عليه حداه تيليفونها تاهو شيرات بيه، لي لقات حداها كتشير بيها عليه اما سيمو كيضحك : هههه وقفي الموصيبة ليوم مانزگلك غير وقفي ورضاي بمصيرك
فحقيقة عجبو خوفها وكيزيد عليها بهضراتو: سيمو عفاك عفااااااااك تسنى تال غدا
سيمو: لاااااااءح هههههههه
علياء كتجري وضور على سرير اما سيمو غير كيضحك وداير عقلو فيها شاد ليها لخاطر من لي طولات تلاح عليها وشدها بزز: واش كتصحبي راسك غاتهربي مني؟؟
علياء: هانتا غير بلعقل دابا انا مباغاش واش بزز
سيمو طلقها: ممم مكتبغينيش ياك؟!! عرفتك كنت حاسس
علياء تبعاتو وشدات ليه فدراعو: لالا واللهتا كنبغيك من صغر والله ديما وباقة
سيمو بنظرات خبيثة حط يديه على كتافها وقال بصوت حنين: اشنو مشكل؟؟ واش مباغاش بصح؟ درت لك شي حاجة خلعاتك؟؟
علياء حدرات راسها معرفت ماتقول غير لخوف لي مخليها هاكة من لي حسات بشي حاجة كتهرها فخاضها شافت بيناتهم لقات بينوارها فلأرض وواقفة غير بشوميز: ويلي إمتى تحيد هادا
سيمو حابس لإبتسامة كيما حيد ليها بينوار بلاماتعيق عارفها لخوف لي متملكها ومامخليهاش تكون بطبيعتها: علياء عقلتي على دكشي لي علماتك حنان دابا جا وقت التطبيق
هزها بزربة لاحها فوق سرير وتلاح معاها وهي كتغوت، تحط شفايفهم على بعض وگاع داك لخوف ورهبة مشاو بأحاسيسهم لي أخيرا قدرو يكونو شخص واحد...