متمردتي المطلقة

🩸متمردتي المطلقة🩸

بقلمي: اريا ستارك

😷الحلقة الثالثة عشر: عدوى الحب 😷

متمردتي:16

واقف فالكوزينة بحيوية كيصايب فبانكيك وأومليط وعصير لمحبوبتو لي باقة ناعسة بعد مادوشو مع بعضياتهم، أما هو ماقدرش يغمض عينيه كل ما كيسدهم كيتفكر جسمها ولمساتها لجسمو واشنو وقع أدرينالين فجسمو باقة عالية تسنى حتى وصلات سبعة وخرج يصيب ليها فطور..
قاد الطبلة وخرج للجردة لاول مرة فحياتو كيقطع الورد ديالو حطهم فلفاز لي فوق طابلة ودخل عندها لبيت وقف قدامها ناعسة وبتاسم مجموعة على راسها على وضعية الجنين كتبان ملاك بشعرها لمبعتر فكل مكان هز خصلات حيدهم على وجهها، طبع قبلة على جبينها أخرى على حنكها و ملي وصل نيفها حركاتو بانزعاج وأخيرا حط شفايفو على شفايفها تفاجئ من لي بادلاتو لقبل وبتاسم: كنتي فايقة
حنان بتاسمت ولأول مرة كيشوف لفرحة لي كانت مفارقة عينيها سنين: نتا لي فيقتيني... أحسن طريقة يفيق بيها شي حد ههههه
ضحك وقف مقاد شاف عينيها كيتفحصو صدرو لعاري بتاسم وكرز على عضلاتو بتاسمات وتزنگات: احم لبس شي تيشورط مالك كدور هاكة؟؟
هز كتافو بلامبالاة: باش تبقاي تسهاي فيا بحال هاكة
(غمزها وضار): وجدت لك فطور يالاه أومليط غاتبرد
ناضت بزربة فيها موت ديال جوع نسات راسها حتى وقفها لألم: أي أي لآلام
رائد بتاسم بخبث: علاش أش كيسحابلك؟؟
حنان خنزرات فيه: ناس كيحبسو لمرة لولة باش يتكايسو على مراواتهم
هز فيها حاجبو: فكريني شكون جبد لاخر لمرة تانية؟؟
حنان تحركات بزز: احم لبيض غايبرد
رائد: هههههه اه دابا لبيض ولا غايبرد هههههه
هزات تيليفونها وتيشورط ديالو لاحتو ليه: لبس حوايجك خليني ناكل على خاطري
عينيه رجعو كيبريو بكلامها جرها لعندو من خصرها وباسها: بغيت نسمع بحال هاد لهضرة يوميا هههه
حنان بتاسمات هربات ليه خرجات من لبيت غادة لكوزينة حتى لقات طابلة كلها واجدة هزات لعصير هو لول شرباتو كلو: فيا جوع وعطش غير عادي
رائد: ههههه إلا مافقتيش هاكة فراني مادرتش خدمتي مزيان
حنان عوتاني خشات راسها فتيليفونها كتلاهي راسها حشمة وتزنيگة غاتحتاج وقت باش تعود على هادشي، طاحت فبالها فكرة حلات شين ديالها ودارت لايف بعدات شوية على رائد خلاتو خنزر ونتاهز فرصة لبس تيشورط ديالو...
حنان كتشوف فكاميرا تيليفونها: بنات حبيباتي توحشتكم عرفت غبرت عليكم وكيما عارفين حصلت هنا فأمريكا ولكن لي ماعرفينوش واي هو أسعد خبر فحياتي هو أنه (هزات عينها فرائد لي بتاسم ليها كيتسناها تكمل كلامها) احم تزوجت بلاما تكعاو عليا على حساب حال لعالم حاليا مقدراش ندير عرس وكنطمنكم مانسيتكمش نتوما لولين عتعرفو حيت يالاه تزوجت لبارح
رائد قاطع هضراتها: ضروري يعرفو هوما لولين
حنان خرجات عينيها فيه وكحبت حيت مكانتش متوقعاه يدوي وفرشها راه حداها، وفعلا من وراها لبنات كلهم كيتساءلو شكون زوجها تحرجات وشافت فيه لقاتو وقف وجا حداها دار ليهم إشارة سلام ومشا كب ليها كاس اخر ديال عصير...
اما حنان تبلوكات وعينيها خرجو وعاد أسئلة لبنات كترو اضطرات تعتادر وتقطع لايف: كنتي تعلمني احم خليتيني دايخة
رائد: علاش مكنتيش ناوية تقولي ليهم شكون؟!
حنان:لا حيت نتا دابا معروف لخبار غاتولي فجرائد والمجلات وماغايخليوناش فحالنا
هز كتافو وقرب كرسي لكرسي ديالها حط يدو كيطلعها ونزلها على فخضها وكيدوي معاها: ماكيهمنيش بنادم ونتي مولفة شوية على شهرة غير دابا غاتزاااد اكتر نصيحة ليك عمرك تيقي فداكشي لي كيكتبو حتى تسمعيه من عندي وانا كنواعدك عمرني نكدب علك..
حنان كتشوف فيه مطولا خلاتو شاف فيها باستغراب هز يدو من على فخضها وحطها على حنكها: مالك شي حاجة فهضراتي ماعجباتكش؟؟
حنان حركات راسها بحال كتنفض افكار من راسها: احم من ورا ماحطيتي يدك على فخضي ماسمعت والو فحقيقة
رجع راسو لور وضحك من قلبو حتى سخف عاد حط شفايفو على شفايفها ودخلو فقبلة نساو فيها راسهم ولا شحال وهوما منساجمين فهاد لقبلة الفرنسية...
تسمع صونيت لباب ودقان خرجاتهم من المتعة لي كانو فيها حنان ناضت بزربة متوجهة لبيتها: احم انمشي نبدل حوايجي ونجي
هربات خلاتو كيضحك توجه للباب اما حنان لبسات كسوة طويلة شافت لجو زوين قالت مع راسها يخرجو يتمشاو فسونطرال بارك (حديقة كبيرة معروفة وسط نيويورك) رجعت هزات تيليفونها لقات عدد لمشاهدة اكتر بطريقة سريعة وخيالية خرجات عينيها ولكن بتاسمات من فكرة انه  مافكرش قبل مايطلع فلايف ديالها كيأكد ليها بلي دخل حياتها للدوام..بتاسمات بخجل وحلات لباب يالاه خرجات تسمع صوت جمد ليها دم فمجرى جسمها قربات للمصدر