بقلمي: أريا ستارك
🍁الحلقة الرابعة: مطاردة عاشق وتمرد أنثى🍁
متمردتي:6
كارمن بلخف هزات كاس عصير لي محطوط قدام جميلة ولاحتو لحنان على وجهها خلات كلشي مصدوم من لحركة لي دارت اما جميلة فاكتسنى فردة فعل حنان عارفاها كيكانت فدرب وشحال من بنت سلخات فلحمام..
حنان بقات واقفة مصمرة فبلاصتها متوقعاتهاش منها ملي سرات معاها اش دارت خرجات لسانها ببطئ ولحسات لعصير من على فمها، شي بنات باركين فطابلة قريبة ليهم جبدو تيليفون وبداو كيصورو..حنان كتلاحض جميع تحركات ديال بنادم حاولات تكالمي راسها باش ماضربهاش هي لولة حيت فعلا قدام قانون هي لي غاتكون هاجمة عليها، غمضات عينيها دغيا حاولات تفكر شي حاجة محزنة وحلاتهم عينيها مغرغرين...
وقفات كتمثل ببطئ انها كتنخصص وكتمسح وجهها: علاش درتي ليا هاكة علاش هئ هئ
كارمن نفخات صدرها كتسحابها فعلا بكاتها: خاصك تعرفي بلاصتك فهاد لمجتمع...
حنان باقة عايشة دور: حيت باباك لباس عليه كديري ليا هاكة؟؟ حيت باباك عندو نفود كديري لي بغيتي فبنات ناس هئ هئ هئ بغيت غير نعرف علاش (وبصوت خافت وهي مدرقة وجهها بشعرها باش متبانش للناس لي كيصورو) ولا غير حيت نتي بنت زنقة تعصبتي بقا فك لحال ولا تعصبتي حيت خديت لك خطيبك؟؟
جميلة حطات يدها على فمها وقفات غاتهضر مع كارمن تهدن ولكن كان فات لفوت يديها سبقوها وشدات لحنان فشعرها: كلبة لوخرا...
حنان بتاسمات بشر ملي حسات بنتيف: وداااااااابة نبرد غدايدي... ولهاجم يموت شرع أرا برع شحال مضاربت....
كارمن تخلعات من طريقة لي تبدلات بيها حنان دغيا وفعلا هزات راسها فيها كتبان داربها جن كتغوت قدام الناس بلا راه موعتة من شعرها ولكن لي كيوقع تحت من نيفو لي شادة لكاميرا تحركات رجل حنان وضوراتها حتى حطات طالون فوق صباع كارمن لي خارجين من صندالة حتى طاحت على ركابيها، بهاد لحركة جرات معاها حنان لي كانت متوقعة جرة هبطات معاها ولكن بينات للناس بلا بحال كارمن لي كدير كلشي وهي لي جراتها لأرض...
حنان كتغوت فعلا تمتيل كان هوايتها وكتعرف ليه : أيي عتقوني عفاكم شي حد يعتقني راه متوحشة
دورات يدها من جنب لي كاينة غيه غير جميلة وجرات شعر كارمن بيد وحدة وبكل جهدها ودخلات لوخرا تحت من شعرها وكتعطيها بونيات فينما جاو، وفنفس لوقت حنان هي لي كتغوت بأعلى صوتها كتر من كارمن باش مايتسمعش غواتها قدامها... وفعلا ناس بدات كتوشوش بلا بنت لوزير حكرات على لبنت وملي بدات ناس تغوت باش دافع على راسها، تلاحت عليها حنان بحال كانت كتسنى فضو لخضر ...كتنتف وتقمش اما كارمن غير كتنش دبان بيديها فمحاوالات انها تردعها عنها ولكن بدون فائدة...
حنان كتقرب لعندها ودوي بصوت خافت باش متسمعش: نوري لديمك مغربيات علاش قادات جاية لقعر دارنا وباغة تخطبي ودي لينا ولاد لبلاد واش لقيناهم تاحنا؟؟ ديييمك ليوم ندير منك زربية للصالة نفسخ مك ليوم
جميلة كيتسمع صوتها كتغوت: حنان ابنتي طلقي درية غاتعواج فيدك واحنان...
حنان بغات ضربها وجات يدها على بزولتها: ويلي مصنوعة من لفرشي... ويلي مالها بحال هاكة
شافت فكارمن لقاتها محساتش كاع بيها وفديك اللحضة ملي شافت راسها بحال كتحرش بلبنت كتبغج فبزولتها جاتها بحال بلاستيك، وعات على راسها وطلقات ضحكة غريبة خلات عوتاني ناس لي كتفرج كتدوي"ويلي ويلي لبنت حماقت" " ديك ختنا ضرباتها للراس غاتكون فقداتها صافي طار ليها فريخ" " انا جاتني مضروبة واقلة"
حسات بيدين تجمعو على كرشها وهزوها من فوقها وهي كتركل: طلقوني غير نشرح ليها لأوباش منين قبيلتهم ... غير نفهمها غلطها واللهما نضرب
تسمع صوت فودنيها وحسات معاه بسخونية رائد: باراكة عليها!!
أنت تقرأ
متمردتي المطلقة
Romansa⛔قصة حصرية وممنوعة من النشر⛔ سلام عليكم حبيباتي مجنوناتي توحشتوني؟؟ انا توحشتكم ركتة... جيتكم من بعد قصص بالجديد ان شاء الله يعجبكم ⚠️قصصي لمتواضعة⚠️ 🔘في ضلال شوارع نيويورك (قصة كاملة خيالية) 🔘كاوري فالدوار(قصة كوميدية كاملة مشتركة مع فاطمة البقال...
