متمردتي المطلقة

#تتمة

🍁الحلقة: أنثى بدون قيود🍁
متمردتي:5
رائد كان معصب من اللامبالات ديالها ولكن عينيه كانو على فخاضها لي كيبانو كتر من لي بركات فلأرض عينيه كطلع من سباطها لعالي تال فخاضها ورجعو كيتمعنو فجماالها...ملي رد لبال لكلامها ضحكو حتى ضرو نيفو: هههه بربي تاهربان ليك نتي، راك نتي لي شيرتي عليا بتيليفون وكتنكري من لفوق
حنان حطات يدها على قلبها حيت خلعها عوتاني: ق**** (حطات يدها على فمها ملي خسرات لهضرة قدامو وتزنكات عوتاني هي فعلا كتخسر لهضرة ولكن غير مع صاحبتها عمرها خسراتها قدام خوها ولا صحابو) متبقاش تخلع فيا ازمر معنديش تيليفون أخر نشير علك بيه وملي كنتخلع ماكيكونش عندي لفيلتر..
رائد رجع لور وهز يديه: تكالماي تكالماي هههههه راه نتي لي مخلوعة غير من خيالك
حنان خنزرات فيه: اصلا معرفتش علاش كيقولو هاد لجملة "مخلوعة من خيالك" واتخايل عندك خمس سنين وخارجة لزنقة تلعبي كتشوفي موراك كتلقاي تابعك دكشي كحل موراك فينما مشيتي كيمشي معاك بربي تاتخلع وتبول فسروالك كاااع... غير بنادم كيبسط لأمور واصلا ويلا كنتي كتخلعي من خيالك فينو لمشكل؟؟ لمشكل راه فبنادم وعقليتهم...
رائد: كتهضري بزاف!!!... مهم شوفي نقولك قبل مانسى خوك ومراتو لمستقبلية مشاو وخلاونا نتكلفو بدكشي لي باقي ليهم حتى لنهار لعرس عاد غانشوفوهم
حنان: كيفاش وبلا مايدويو معايا؟؟
رائد حك راسو: هو فحقيقة لفكرة ديالي وقلت ليهم بلا راك موافقة
حنان وقفات كتسوس فكسوتها مخنزرة: واش تسطيتي راني مامسالياش كيغاندير ليهم
رائد باستهزاء: من نيتك اصلا اش كديري من غير قناة فليوتوب اشنو اخر كديري؟
حنان قربات ليه معصبة وقفات قدام وجهو: ماشي شغلك حياتي لخاصة ندير لي بغيت ولا مندير والو اصلا نتا مالك؟؟ بالنسبة لك كلشي ساهل خدمتك لي صعيبة
رائد قاطعها: فعلا خدمتي صعيبة
حنان طلقات ضحكة مستفزة: ههههههه قالك خدمتو صعيبة حتى من لإسم ديال خدمتك يبين لك المضمون (لاعب كرة القدم) حياتك غير لعب بنادم خدام ونتا مقصر لاعب وكتخلص معندكش لحق تنقص من خدمة شي حد اخر ونتا مسيرتك لمهنية كلها بالنسبة لإنسان اخر غير  هواية... والله يعطيني قصوحية وجهك ندخل بيها لحمام رجال..
رائد هز حاجبو ووقف كلامها بحركة من يدو: بلاتي بلاتي اش باغة تشوفي فحمام رجال؟؟ انا نوريك لي بغيتيها تشوفيها(حنان ضرباتو بمدكرة ديالها وهو مكرشخ بالضحك) عنيفة مع راسك هههه