متمردتي المطلقة

بقلمي: أريا ستارك

🍁الحلقة الرابعة: مطاردة عاشق وتمرد أنثى🍁

متمردتي: 7

حسات بيدين تجمعو على كرشها وهزوها من فوقها وهي كتركل: طلقوني غير نشرح ليها لأوباش منين قبيلتهم ... غير نفهمها غلطها والله ما نضرب 
تسمع صوت فودنيها وحسات معاه بسخونية رائد: باراكة عليها!!
حنان وقفات من تحراك وكرزات على سنانها: رائد حطني
رائد ضورها بين دراعو حتى ولات مقابلة معه كتحاول تشوف فيه وعينيها مخبين تحت شعرها كتنفخ على خصلات شعرها لي كتتطاير وضرب فوجه رائد لي حطها ببطئ وقبل مايوصلو رجليها لأرض لقاتو كيشوف فوجهها وجسمها بحال كيتفقدها راه منقصها والو...
رائد يالاه غايقيس ليها وجهها: ماوقع لك والو؟؟ تجرحتي؟؟ ضاراك شي حاجة؟؟
حنان وقفات مقادة حاولت تصيب شعرها هزات راسها فيه مخنزرة ومعصبة: ماوقع ليا والو!! ولكن ديك خطيبتك ما نظنش خرجات منها سالمة هههه
رائد دار شاف فماماه كتحاول تعاون كارمن توقف، هاد لأخيرة وجهها كلو دمايات بلقميش وشعرها مشعكك و الشعر المستعار طايح لأرض كتبان بحال دجاجة وتريشات...
رائد: ماشي خطيبتي ولكن واش نتي متأكدة ماموعتاش كنتي كتغوتي اكتر منها
حنان كتنفض فحوايجها: اه عادي داخلة فلخطة (رائد قرب ليها بغا يشد فيدها رجعات بخطوات لور بعدات منو) شوف فهم مك بلي انا ما تابعاكش ما باغاكش ولكن انت لي كتبرزطني خاصها تفهم بلا انا ما تابعاش فلوسك وقلبو عليا راه فيا لي يكفيني واش عمرني نرتاح...
تسمع صوت أنثوي رقيق بيناتهم: ممم باقة كيما نتي فين مامشيتي تخلقي دراما ومشاكيل
حنان تسلل ليها صوت لقلبها وحسات بطعنة بحال اول مرة وقعات ليها بدات كتحاول دير تمارين تنفس قبل مادور تشوف لإنسانة لي متأكدة هي لي موراها..
رائد شاف فلبنت ورجع شاف فحنان لي بغات دور وقبضة يدها كرزات عليها بزاف للدرجة صباعها بياضو..
حنان دارت ببطئ وابتاسمات: واش هاد ريسطو جامع كاع لقحاب ديال دنيا ولاخرة؟؟
طلعات وهبطات امينة لي مبتاسمة ليها جنب ولكن عينيها فيهم كل شر: لفلوس مقادوش من طبيعتك سواقية
حنان: ونتي لفلوس مسدوش ليك ديك تقبة لي من هب ودب يزورها
رائد ضحك ودار عند حنان: بغيت ندوي معاك
امينة قربات لرائد: واو رائد لودغيري لي شرف معرفتك انا امينة صديقة حنان لقديمة
حنان: ههههههه لواه ختي برضاعة هههه قالت لك صديقتي لالا خليني نقدمك ليه (حنان ضارت عند رائد لي ما عرفش اش يدير براسو واقف وسط منهم وكيحس بلي فأي اللحضة يقدرو يتناتفو)
حنان: نقدم لك أمينة عشيقة طليقي السابق
أمينة بكل ثقة فالنفس: ماشي ذنبي ان لعيالات مكيقنعوش رجالاتهم
رائد طلعها وهبطها؛ ونتي كتقنعيهم؟؟ ههههههههههههه (رجع شاف فحنان وشد ليها يدها جابها لفمو وباسها) شخص لي يخليك على قبل زبل بحال هادي اصلا ماشي راجل وماكيستحقكش...
حنان حلات فمها فيه وفنفس لوقت طلع ليها الدم مرة اخرا كيستغل انها مضهشرة وكيقيسها ولكن متنكرش أنه فرحها على الاقل قدام هادي ...
حنان شافت فأمينة: باقي متزوجتوش لا بغيتي تاخديه بالي من دابا
رائد تعصب حس براسو كيكبر بيها ولكن هي ديما كتقلل من قيمتو عرف راسو مغايقدرش يتمالك راسو تحرك عند مو لي غير وقف حداها حركات كارمن باش تمشي عندو وفعلا تلاحت عليه كتبكي...
امينة رجعات عينيها على حنان: ههه باقا ما كتعرفيش تشدي رجال هههه دغيا مشا عنق وحدة خرا .... كيبان ليا كيما خليتك كيما باقا (بوحدك)
حنان بكل ثقة فالنفس: ونتي كيما خليتك كيما باقا (قحبة) اه راه كيتسنى فك داك لحولي لي كنتي باركة معاه هههه منين ملتو؟؟ سعودي ولا إمراتي اه ماكيهمش مهم فلوس داخلة وشرف خارج هههههه بون كوغاج زين وردي بالك لصحتك خاص لموطور يكون نحيلة ههههههههه بااااااي