متمردتي المطلقة

🩸متمردتي المطلقة🩸

بقلمي: اريا ستارك

😷الحلقة الثانية عشر:الحجر تحت سقف واحد  😷

متمردتي:20

رائد بتاسم كيشوف فشعرها: كنت كنظن واحد لعنيدة غاتجي عندي ولكن راسها اقصح من ما كنت متوقع
حنان بتوتر بدلات لهضرة: احم اش بغيتي تعشى ليوم
رائد عرفها بغات تغير لموضوع كعاتو من هاد لعناد لي فيها: مافياش جوع
حنان: غير قوليا واش موحش شي حاجة؟؟ اش بان لك فللحم بلبرقوق وندير ديك شلاضة ديال روز لي كتعجبك
عينيه خرجو تفكر من لي كان صغير فدارهم لقديمة جميلة مليوحة فوق سريرها يالاه داگة برا ديال هيروين لي خسرات عليه گاع فلوسهم وعيشاتهم فلفقر، حتى صونا لباب دخل سيمو هاز بلاطو عرف مليكة ماماه سيفطات ليه ماكلة بحال ديما عينيه غرغرو سلم على صاحبو وبرك كاياكلو بزوجهم ...
سيمو: اصحبي كيصايبو لك ماكلة لي كتعجبك اكتر مني
رائد: داركم كيبغيوني اكتر منك هههههههههه
سيمو: واللهتا نهز هاد بلاطو ونرجع فحالي
بزربة حيد لغطا على بلاطو لقا اللحم بلبرقوق وشلاضة ديال روز فيها خضرة: واو صيبو ليا ماكلة لي كتعجبني
سيمو: كيبان ليا انا غير لاقيني حدا جامع نتا لي ولدهم هههه
رجع من تفكيرو وحنان كتهضر: كان عزيز علك هو وديك لحلوة لي كنت كنصيبها لك وعاد ديك كيكة ديال فلان..
رائد نزل من سرير بزربة برك فلأرض حنان حسات بيه وراها قفزات: اااه
بغات تنوض جرها لعندو ودور يديه على كرشها حط وجهو فوق كتفها: حنان قولي صراحة لمرة وحدة فحياتك
حنان كتحاول تخرج راسها من قبضتو وتوقف: أشمن حقيقة اش كتخربق
رائد خشا وجهو اكتر فعنقها: نتي لي كنتي كطيبي ليا؟؟!
حنان: ماما لي كانت....
رائد قاطعها بنبرة حادة: بلاما تعصبيني احنان من ورا فاش عرفتيني باغيك من ورا فاش كنت كنحاول نهضر معاك من ورا دكشي كلو.... ديك ماكلة لي كانت كتوصلني...
سكتات شحال عاد هضرات: اه أنا
كرز يديه عليها اكتر كيرجعها لصدرو: علاش؟!
حنان: كنت كنبغي نتهلى فيك
رائد قرب لودنها كتر: علاش أحنان
جمعات يديها قدامها بتوتر حرك يديه وحطهم فوق من يديها: كنت كنحاول نعوضك بأي حاجة
رائد:على ياش باغا تعوضيني؟؟
حنان تنهدات: بسباب موت بابا كنت باغة شخص يقدر يعاوني ويتحمل وضعنا وانت كنتي باقي صغير وقدامك حياة مجاتش بسبابي تربط راسك وتخليك فلمغرب علما أننا ماصالحينش لبعضياتنا فنفس لوقت
رائد: كنتي كتقولي انا صغير وبرهوش!!
حنان ضحكات بحزن: كان كيسحابلي غادي تستسلم وتشوف حياتك تنسى حب طفولة ولكن راسك قاصح اكتر مني ماخليتي ليا تاشي حل أخر
كلامها صدمو كعاه وفنفس لوقت فرحو ضورها عندو قابل وجهها معاه: اش درتي أحنان؟
حنان عيات ماتخبي: واقيلة بسبابك وماما بغيت نقبل زواج دغيا باش تفقد لآمال وتشوف حياتك
حط جبهتو على جبهتها وغمض عينيه: مكانش علك ديري هاكة مكانش علك تقرري بنيابة عليا مكانش علك..
حنان نتاهزات لفرصة وعدم الراحة لي بدا كيتسلل ليها ناضت وقفات ودورات ضهرها ليه: عادي أحم كل واحد كيدفع تمن قرارات لي خدا... احم انكمل لبس ونبدا لعشاء
رائد بدورو وقف بقا كيشوف فضهرها كيتسنى اي حاجة منها أخرى من لي مقدراتش تشوف فيه فضل يعطيها وقت لراسها، وصل لبيتو معصب حل بلاكار هز سراول صوف ديالو وتريكوات ورجع لعندها حل لباب بلامايدق لاح ليها حوايج فوق سرير..
رائد: حتى يرجع ضو وشري حوايج من أنتيرنيت دابا لبسي هادو... سراول فيهم سيور تقدري تكرزيهم...
بقات كتشوف فيه تاخرج وبتاسمات هزات حوايجو عنقاتهم وضحكات: هههههه طايح واللهيلا طايح ههه
رائد من ورا لباب: تانتي طايحة غير سكتينا..