متمردتي المطلقة

بقلمي: أريا ستارك

🍁الحلقة الأولى: انثى بدون قيود
متمردتي: 7

حنان: واحد سيد باغي يبدا معايا واحد مشروع صغير.
رائد دغيا قاد ضهرو وخنزر فيها: ديما كتلاقاي برجال فلي ريسطو ولا شنو؟؟ غير لي بغا مشروع تلاقاي بيه؟؟ واش سايبة ولا ماعندك لي حكمك؟؟
حنان حلات فمها مصدومة من كلامو وفلحضة هضرتو رجعاتها لأعوام فاتو دكريات ما باغاش تفكرها: شخص واقف قدامها كيغوت بأعلى صوتو وكلماتو بداو كيترددو على مسامعها فديك اللحضة بحال لوقت رجع بلور وكتعيش نفس اللحضات { تقولي ليا بروف عندكم فصونطر ولا تلميد ديك لهضرة عوديها لمك ماتقوليهاش ليا انا يابنت زنقة ياكما كتصحابي راسك واقفة قدام خوك نعيوة؟ ها دوي؟؟ واش سايبة ماعندك لي حكمك؟؟ أنا نربي ديمك }
  بدات كتنفس بصعوبة كتحاول تكالمي راسها باش متشدهاش نوبة من نوبات ديال اعصاب لي كيجيوها حاولات تمالك نفسها ولكن ردة فعلها كانت غير متوقعة بالنسبة لرائد لي باقي مخنزر فيها ولكن للحضة شاف فعينيها ذعر وحس بيها تبدلات بحال كتفكر شي حاجة ياله حل فمو غايعتادر حس بتصرفيقة غير متوقعة خلاتو دور وجهو بزربة رجعو لجيهتها وعينيه كيشوفو فيها مركزين على بريق عينيها لي مغرغرين بالدموع...
حنان هزات صبعها قدام وجهو وبنبرة صوت معصبة: أول و آخر مرة تدخل فحياتي!! لزم حدودك شكون نتا فملك الله لي تدخل فحياتي لخاصة دوي؟؟ واش ضاربين لكحل فلبيض؟ مزوج بيا؟؟
رائد تعصب اول مرة فتاريخ شي حد يسرفقو وعاد لهضرة لي قالت مستفزة: نتزوج بيك ههههههه ماكنبغيش لحاجة لمستعملة
ماكمل هضرتو حتى جاتو تصرفيقة أخرى ملي هز راسو فيها لقا عينيها مدمعين ولكن لي زاد هرسو هوما شوفاتها لي عامرين غضب وحقد
رائد شاد حنكو معصب وفنفس لوقت ندم تاخرج ديك لهضرة من فمو ولكن عارف راسو كيتعصب دغيا وكيخسر، بغى يحاول يعتادر: حناان
حنان وقفاتو بيدها: مكاينش لاش نزيدو لهضرة سالينا من ليوم انا وياك غانهضرو على لعرس صافي كنعتادر حيت ضربتك فنيفك تكبر وتنساها دابا تلاح
رائد تبعها وشدها من كتفها دورها بجهد: انا مساليتش لهضرة وماغاتمشي تانقول لك لي عندي فهمتي
حنان عصبها ومابغاتش تزيد لهضرة بزاف حيت فعلا حابسة دموعها بزز ومن شحال هادا ما بكات قدام شي حد، علماتها الحياة بلي دموعك مايشوفهمش الناس، دنيا عامرة ذياب واقفين كيتسناو يلقاو نقطة ضعفك وينقضو عليك بحال شي فريسة، صغير ياكل لكبير ودنيا غادة...
خرجها من أفكارها صوت أنثوي بنبرة حادة كضر فلودنين: بيبي توحشتك
رائد تنترات يدو من كتف حنان وعنقاتو بنت خلاتو زاد خنزر وعاد كيشوف فحنان لي ضربات دورة وغادة، كيحاول يحيد يدين لبنت من على عنقو: حنااااان اطط حنااان ولغدا
حنان دارت شافت فيه وخنزرات: من نيتك؟!
رائد دفع لبنت: كارمن واد فاك؟؟
كارمن واخة دفعها رجعات بزربة باستو قبل مايدير شي ردة فعل هادشي داز قدام عينين حنان لي وصلات قدام طوموبيل كوكسينيل حلات طوموبيل وعاودت دارت شافت لبوسة: الله يجيب لينا شكون نبوسو هاد لجفاف قهرنا
رائد مزال عينو عليها شاف فطوموبيلتها: هاد لببوشة ديالك؟!
حنان مهدراتش حادها دارت ليه إشراة 🖕 خلاتو مبتاسم، ولكن فلبلاصة جمعها ودار عند لبنت: اش بغيتي
كارمن: اشتقت لك
رائد: دوي بلمغربي ياك كاع زوامل ديالك مغاربة؟! عارفك كتقنيها
كارمن جمعات ضحكة: بيبي والله كانت مرة وبس
رائد: غادي تهضري بدارجة ولا ضوري تقودي
كارمن: اوكي اوكي شوف بغيتك توحشتك
رائد: مابقيتش كنعس مع لقحاب ياله تلاحي
كارمن: ولكن ماماك لي عيطات ليا وقالت ليا راك فمغرب، راك عارفها انا عزيزة عليها وديما كتهضر معايا
رائد تعصب من دكر اسم مو غمض عينيه تنفس ببطئ كيحاول يتكالما وهضر وعينيه مسدودين: غانحسب على تلاتة ونحل عينيا لالقيتك باقة قدامي دوك فيديوات بورنو ديالك، غاتلقايهم فلانتيرنيت وعندك عائلتك كاملة ....١....٢
حل عينيه من بعد ماسمع صوت طالونها كتجري مبعدة منو: غانرجع أرائد ومرة جاية غاتعطيني فرصة