متمردتي المطلقة

🩸متمردتي المطلقة🩸

بقلمي: اريا ستارك

😷الحلقة الرابعة عشر: بين الشوق والنسيان 😷

متمردتي: 3

رائد اصلا ماخطفش مها عندها على قبل هاد تصويرة باش يهددها بيها وحيت مها كتعرفو مزيان كانت زيارة عادية غير سرق ليها تيليفون باش متحاولش تاصل بيها بيما جابت ليه معاذ.
جبد تيليفو من جيبو لوراني لاحو ليها:شدي عيطي ليه وديري معاه فهاد بلاصة*****
سد عليها وطلع لبيتو زاد تعصب من خبار مو معاونة هاد لحيوانات عليه ولكن للأسف تيق غايكونو دخلو ليها لبلية ديالها لتم، فاتت ليها باعتو على قبل هيروين ماشي شي حاجة جديدة عليه ولكن تال هاد درجة...
من لي وصل لبيتو لي حاول يدخلو غير يهز لحوايج، وكل مرة ريحتها باقة فكل مكان، هز أقرب حاجة ليه ضربها مع لحيط وبقا بحال هكاك حتى مخلى والو.

واقف وسط لبيت وحاجة وحدة لي باقة واقفة مقادة هي سرير من غيرو كلشي فلأرض مهرس زاج لوحات فنية حتى من شراجم مهرسين صدرو كيطلع وهبط عينيه حمرين بلأعصاب لي باينة من ملامح كسيمع تيليفون كيصوني إدن متهرسش كيقلب عليه وسط لحطام هزو ديريكت لودنو وبصوت ملهف قال: حنااان!! فينك احنان
سيمو كان بارك من لي سمع طريقة رائد فلهضرة وقف بزربة: كيفاش حنان؟؟ علاش مال حنان فينها؟؟
رائد سكت شحال وسيمو كيغوت عليه يجاوبو:فين ختي ارائد بربي وماتهضر..
رائد قاطعو وهو معصب كتر وكيحك فشعرو بجهد: ماكيناش مارجعاتش هربات مني ومرجعاتش تلت يام هادي
سيمو شعل تسمع غير معيور: يا ولد **** ****** اش درتي يا ***** فين ختي؟
رائد بعصبية بدا كيغوت: واش كتفهم لعربية ماااااكيناش ماااااااكينااااش معرفتش فين
سيمو ماعرف اشنو يسول ولا اشنو يقول إحساسو فهاد لحضة يحرق دنيا ومافيها وكون تما يقج صاحبو: اش درتي يا*********
علياء جات تجري من لي سمعاتو كيعير هكاك خطفات تيليفون من ودنو: رائد عفاك اش واقع شرح ليا
رائد حاول يتهدن باش يعاود ليهم دغيا قاليهم أش وقع وكيفاش ضار ملقاهاش...
سيمو معصب كيتسمع صوتو هرس شي حاجة: هادشي علاش كنت معارض متستاهلش ختي تاحد مايستاهلها الله ينعل****
علياء كتغوت: سيمو سكتنا راه قالك ما حاملة ما والو لاش كتلومو خاصنا نلقاو حنان ...ندمت حتى قلت فهاد تلت يام نعطيوكم خصوصية ديالكم ونبعدو كان علينا نعيطو قبل...
رائد مقادرش يزيد يتحكم فأعصابو ضرب يدو ليسرية مع لمراية تهرسات ودم هابط من يدو عاد تهدن شوية... بقاو كيحاولو يعرفو فين ولا عندمن كاينة..
رائد: داك مغريبي لي تعرفات عليه كانت عندها نمراتو ولكن انا مكنعرفوش
سيمو بعصبية: عارف سميتو عل اقل؟
رائد: عادل هادشي لي كنعرف (سكت شحال كيفكر) عرفت اشنو ندير
قطع عليهم بلا مايزيدو معاه أسئلة وسيفط مسج ليه كيشرح ليه فين غادي...