متمردتي المطلقة

🩸متمردتي المطلقة🩸

بقلمي: أريا ستارك

🍁الحلقة الثالثة: أتاني هواها قبل أن أعرف الهوى🍁

متمردتي:5

رائد تجاهل كلامهم وكمل فداكشي لي كان كيقول: هانتا سمعني دابا حنا كل شهر عندنا 15 إشهار..
سيمو قاطعو: عندك غير انت انا مكنقبلش كلشي..
رائد خنزر فيه: وا سمع اصحبي...غاناخدو لعائدات ديال اشهار ولا تلاتة د إشهارات ونبنيو مدارس فلأماكن لقروية...
علياء: علاش لي مدخلوش ليهم لما و الضو هو لول؟؟؟
رائد شاف فيها بتاسم ورجع شاف فسيمو: غاندخلو ليهم لما و الضو ونبنيو مدارس...
سيمو: هادشي غايكلف بزاف...
رائد: انا نعطي 75 فالمئة ونتا كمل لي بقا
سيمو ماطا ليه يدو: اوكي تافقنا.... دابا نسولك على حنان اشنو لجديد؟؟
علياء: بحال زعمة سيمانة مشفناها هههه
سيمو: غريبة أنها محاولاتش تعيط لينا
رائد: كاعية عليكم
علياء ضحكات: حنا دغيا تسامحنا نتا لي قودتيها احم بغيت نقول قفرتيها
سيمو ضحك عليها وهي كتحاول تهضر نقي..
رائد تنهد: مستحيل إرضاء ختك مايمكنش
سيمو مبتاسم: معرفتش شنو درتي ليها ولكن جربتي تقول سمحي ليا؟؟ راه ساهلة كتخرج من لفم كتجري..
علياء قرنات حجبانها: علاش هي أصلا كاعية؟؟ كيصحابلي يالاه غاتكعا ليوم من بلان لي درتي
رائد مفاهمش اش كتقول: أشنو بلان ليوم؟؟
علياء: من نيتك؟؟ ياك قلتي علمتيها بلي عندكم رونديفو على قبل لحلوة (كيك ديال لعرس)
رائد باقي مافهمش: وي كانت ناسية؟؟
علياء ضحكات من قلبها: ههههههه ناريي تانتا نسيتي دابا واقلة
سيمو فهم تزعزع من كرسيه حيد نضاضرو ديال شمس وغوت على صاحبو وهو مخنزر: رائد اش هاد ***** نتا راك فطاماريس إمتى غاترجع وإمتى غاتلاقاها؟؟ ستة ونص هادي مغاتلقاهاش
رائد جمع لوقفة: فاااااااك
علياء: غايلقاها كتحفر ليه فقبرو صگع
زرب بخطواتو ملي بانت ليه طوموبيل بعيدة وهو يبدا يجري سمع قهقهات صحابو قبل مايبعد منهم....
                                   ***************
باركة وسط أشكال وأنواع حلويات وديكورات خاصة بالحفلات رائحة لمكان كتشهي بحال كاراميل بحال سكر محروق ستنشقات ريحة وتاجهات للبنت لي واقفة قدام باب كتوجه كل زبائن للأماكن لخاصة بيهم..
حنان: سلام عندي موعد مع أمين ريساني
لبنت: وي آنسة حنان قاليا غاتجي وسي امين راه كيتسناك تفضلي معايا...
وصلات لطابلة بارك فيها رجل أنيق كيبان عليه فأواخر تلاتينات بتاسم بين سنانو لبيضاء لي زادتو أناقة باين مهلي فراسو من لبنية لجسمانية ديالو...
وقف مد يدو لحنان: مادموزيل حنان متشرف
حنان تزنكات: شرف ليا
برك وهو كيشوف فيها وعينيه مقرونين: بحال إلا شفتك فشي بلاصة
لبنت باقا واقفة نقزات على الحديث ديالهم: اه تانا كنعرفك عندك قناة يوتيب ياك؟؟ عرفتك ويييي
حنان بتاسمات ليها فحين أمين خنزر فلبنت حتى طارت..
حنان كتشوف فلبنت مشات تجري وعقدات حجبانها: كنت باغا قهيوة
امين ضحك: هههه كنعتادر انا نعيط ليهم
حنان وعات براسها دوات بصوت مسموع: لالا انا غانوض ناخدها ونرجع
شافت فساعتها وهي كتسنى قهوتها ساعة كتشير لسابعة ومكاينش حس رائد، مفهماتش كيفاش يقدر يكون نسى ولا مفراسوش وهو لي فكرها فلموضوع.. جبدات تيليفون لي عطاها ملقات حتى شي أبيل خدات قهوتها ورجعات...
حنان: كنعتذر لكنت غانتجاوز لحدود ولكن ماشي بروفيسيونيل أنك تغير من لموعد او بلأحرى تغير شخص لي عندي لموعد معاه لحظات قليلة قبل من لموعد
أمين حتارم كلامها وعجباتو صراحتها: كنعتادر منك لواليدة عيانة وملي جيت ليوم نطل عليها لقيتها خدامة كتر من لقياس وجاتها نوبة سكر حادة، مكتسنطش ليا وعييت معاها بغيتها تبرك شويا تعطي لراسها راحة..
حنان: اوووه عندي لك حل ....(امين بتاسم باستغراب من عفوتها...) دابا انا ماما تاهي بحال هكاك درت ليها مشروع صغير ديالها ولكن مبغات تخدم تاواحد وكدير كلشي هي ووحدة لي معاوناها..مهم لحل لي لقيت ليها هو واحد كروز (باخرة كتبحر من بلاصة لبلاصة كتبقا وسط لبحر) باطو من أكادير كيقلع كيكون شي خمساطشر يوم تقريبا وهوما كيدورو من بلاد للبلاد مهم يكون غير باسبور ومعندها كيدير ترجع قبل وقت يعني صحة بزز غادي دوز على الأقل زوج سيمانات راحة واستجمام..
امين: فكرة مزيانة صافي أنفكر فيها..دابا ندويو على لخدمة..
                   ******************

واقف مقابلهم كيهضرو قدام ريسطو وجسمو كلو متشنج يدو على شكل قبضة كيشوفيها عطاتو تيليفونها جديد لي شراه ليها هو وشخص لي واقف معاه دخل نمرتو وعطاه ليها... بكل عصبية تحرك لجيهتها وجيسمو كلو ذبذبات شحنات سلبية فاي لحضة غايتفرقع...