متمردتي المطلقة

🩸متمردتي المطلقة🩸

بقلمي: اريا ستارك

😷الحلقة الثانية عشر:الحجر تحت سقف واحد  😷

متمردتي:9

واقفة فلكوزينة لابسة بيجامتها كطيب فلعشا بكري باغة تفرج فشي مسلسل جديد وقررات تسالي لعشا بكري باش تشد بيه ستون..
خرج رائد من بيتو هاز طابليت ديالو وكيهضر بصوت عالي ولكن ماكيتسمعش صوت معامن كيهضر: واخا.... صافي تانعاود نتاصل.... اوكي غدا ندوز عندها... لا مغانجيبهاش تسكن معايا أش كتخربقي...
رائد قطع لابيل وشاف فحنان: جميلة سلمات علك
حنان: ههههه عارفاها مكتحملنيش مغاتسولش فيا ولكن شكرا... قريب يطيب لعشا فيك جوع ولا تال من بعد ونتعشاو؟
رائد: لا فيك جوع نتعشاو دابا
حنان: اوكي تقدر توجد طابلة لابغيتي
رائد بتاسم كيحس براسو بحال نيت عايش معاها غير للأسف علاقتهم هاد أيام ماشي كيما بغاها، حط طباسل ولكيسان وقاد كلشي كيتسناها تسالي..
حنان قادات صلاد كل واحد وطبسيلو عاد حطات طاجين لوسط، بعد اول دغمة من طاجين رائد سد عينيه تنهد وبتاسم: الله توحشت طواجن ديال بصح
حنان بقات ساهية فابتسامتو بعينيه مسدودين كيبان بريئ فلحقيقة عمرها بغات تفكر فيها ولكن ديما كان كيعجبها وشيء لي خلاها تبدل عليه هو انه كان كل سيمانة مصور مع عارضة أزياء ممتلة أو مغنية، كانت كتعصب لدرجة مبقاتش متبعة شي مجلات على قبل ماتشوفش تصويرتو ولا أي حاجة متعلقة بيه، ومع ذلك حيت صاحب خوها معرفاتش كيدير تبقى بعيدة دكشي علاش ولات كتجاوب معاه ديما وتعصبو باش يبعد عليها... كانت كتحمي قلبها من حب مؤكد.
بقات كتفكر حتى تطفى ضو وكلشي قدامها ولا ضلام غوتات حيت تفاجئات:اااااااه واماماااا
رائد: تهدني ماما مليكة اش غاتجي دير هنا دابا
ضحكها حبسات ضحكة من لي ضرب ليها بيل ديال تيليفون فوجهها غمضات عينيها: يالاه نهبطو لتحت
حنان باستغراب: لتحت فين؟؟
رائد ضرب على جبهتو بيدو لي كان هاز بيها بيل وبسباب الضلام مشافتوش حنان ودخلت فيه طاحو بزوج وفأخر لحضة قلب رائد راسو كيحميها من طيحة جات فوق منو وتيليفونو تلاح بعيد عليهم شوية بقا ضو خافت مبين ملامحهم لي فصدمة ودهشة..
رائد كيحس بيها فوق منو حاول مايتحركش باش مايكونش شي سوء تفاهم: احم تقطع ضو
حنان كتحاول تشوف فيه واخا مكاينش ضو بزاف كيبان ليها وجهو بضبط عينيه لي كيبريو: علاش تقطع أشنو مشكل
رائد: بعض لمرات كيضرب لبرق للأعمدة ديال ضو وكيمشي ضو عادي كتوقع بزاف
حنان بتوتر زيرات على قبضتها لي شادة بيها صدرو: مكنحملش ضلمة
رائد حرك يديه من على كتفها وحطهم فوق يديها: ماتخافيش لتحت نلقاو اش خاصنا...احم ولكن خاصنا نوقفو!!!
حنان وقفات بزربة كتحس براسها تزنگات بزاااف هزات تيليفونو من لأرض ومن لي رجعات بزربة تصاطحو تاني، كانت غاطيح وهو يشدها بجهد رجعها لعندو حتى تخبطات ليه مع صدرو... حنان طلقات ضحكة بتوتر: هههه هاد لقطات ديال أفلام