متمردتي المطلقة

بقلمي: اريا ستارك

🍁الحلقة الرابعة:مطاردة عاشق وتمرد أنثى🍁

متمردتي:1

رائد هبط عندو لأرض شنق عليه:عارفك فاش كتفكر حنان ديالي تسنيتها عمري كلو مغانضيعهاش دابا فهمتيني ولا نشرح لك كتر؟؟
أمين دفعو وناض وقف كيسوس فحوايجو: نتا مريض واقلة سيدة يالاه تعرفت عليها
رائد: وكنقولك متحاولش تعرف عليها كتر بينكم خدمة كون بروفيسيونيل ماشي كتفكر ب***
أمين خنزر فرائد وضرب فيه ورجع فحالو وهو كلو غضب ماكيبغيش يضارب ولكن تفهم غيرة ديال راجل على شي وحدة كتعني ليه بزاف، حتارم رائد ولكن هادشي مغايخليهش يبعد عليها... ديك لبنت عجباتو وبغا يتعرف عليها واخا كصديقة ماكيهمش...

                       ********************

نهار تالت ورائد كيتبع حنان غير من بعيد ومراقبها وليوم عارفها فين غادا دكشي علاش مبتاسم بمكر، غاتكون مفاجئة ملي غاتشوفو، وقفات طوموبيلتها نزلات منها حنان وطارت لإبتسامة من وجه رائد شكلها وهي نازلة وملي شاف لكسوة عن غير قصد تحل فمو وهو كيتمعن فيها ...
في حلة حمراء كسوة بلون أحمر غامق طويلة واصلة للأرض مزيناها فتحة لقدام واصلة فوق ركبة، صدر مفتوح مكملاها بصندالة طالون فذهبي مع أكسيسوارات فنفس لون ذهبي..
حنان نزلات من طوموبيلتها محاساش بلأعين لي عليها متحمسة دوز ليلة خالية من ستريس غير لترفيه...
وقفات قدام لباب قدمات دعوة ديالها لزوج من سيكيريتي لي بتاسمو ليها وخلاوها دخل، تمشات هازا راسها كتشوف فلألوان عرفات معنى لإسم ديال هاد بلاصة color vibe موجة ألوان...
لكولوار ديالو ملي كدخل من لباب لحيوطة زاج زرق مموج بحال بحر وسطو لعريض مزينينو بأعمدة ملونين ماشي بلون واحد فيهم بنفسجي مع وردي بارد مع زرق ألوان منساجمة بواحد شكل كيخليك كتمعن..
كتمشى وسط لمكان لي عامر بالناس نصهم كيشطح ولآخرين كاين لي كيحاول يهضر، أما هي فساهية فبار قدامها فلون كلو أبيض كراسة لحيط كونطوار زاج كيبين عجبها ديكور ديال كل جناح عندو لون، كملات طريقها لفين مكتوب على دعوة لحضور عيد ميلاد مصممة كانت خدمات معاها حنان قبل، واخا ولفات على بحال هاد حفلات وسهرات ولكن هاد لمكان أبهرها بجمالية لألوان فكرة مزيانة أنها غيرات رأيها فآخر لحضة وجات للحفل...