🩸متمردتي المطلقة🩸
بقلمي: أريا ستارك
🍁الحلقة السادسة: متمردتي سيدة التناقضات🍁
متمردتي:9
أنا إمراّه متمرده غريبة الأطوار
مع أننى
أُجِيدُ يا حبيبى ألاعيب النساء وأُتقن الآدوار
وأملك الكثير من الأقلام
وأعرف يا حبيبى كيف أرسم الأحلام
وكيف أنثُور الزهور وأُقد الشموع فى الظلام
لكننى أريد منك معامله
كما الصغار
فبرغم كونى جريئةً وعنديه
فبداخلى لازلت طفله صغيره
*****************
فاقت من نعاسها على اصوات غريبة حلات عين وحدة كتحاول تشوف أش واقع غمضات عينيها شوية سمعات صوت أخر حلات عينيها وهي تلقى وجه كحل قدام وجهها هزات لمخدة ضرباتو بجهد وغوتات على حر جهدها...
حنان: وااااااااااع واميييييي
علياء: أي الله يحرق حباب أصل لوعدولي جمعني مع ديمك
حنان حلات عينيها مزيان كتبان ليها علياء كتقيس فوجهها فين ضرباتها وعلى وجهها ماسك كحل ظيال البشرة: تي مال ديمك جاهلة؟؟ أوووو قرقبتي ليا دماغ
حنان: واخلعتيني ازمر نسيتك راك بايتة معايا وعاد باركة طلي عليا وجهك كحل...
علياء بدات ضحك: خلعتك خلعتك هههههههه كتغوتي وامي زعمة لكانت خالتي مليكة دابة تنفعك
حنان هزات لمخدة لوخرى وشيرات عليها ولكن هربات سمعات صونيت فلباب شافت فساعة لقاتها حضاش: فاك نعست تال هاد لوقت
علياء كتجاوبها من حمام:راه منعسنا تال ربعة صباح ونوضي حلي لباب
حنان نزلات من سريرها كتكسل تعكلات بشي حاجة فلأرض لقاتهم حوايج علياء، مكتحملش لإهمال بحال هاكة هزاتهم حطاتهم فوق سريرها وخرجات كتزرب طلات بان ليها سيمو وهي تحل لباب: صباح نور
سيمو دخل ومدواش معاها: فين علياء؟؟
حلات حنان لباب وخرجات راسها كتقلب وعاد رجعات شافت فسيمو: مجبتيهش معاك؟؟
سيمو: شكون؟؟
حنان: أداب مجتيهش معاك خليتيه فدار؟؟ مكاين لا سلام لاصباح خير ؟ ""فين علياء""
سيمو هز حاجبو مقابلها: باز لوجهك على دكشي لي درتي بارح خاصك تكوني طلبي سماحة
حنان: من نيتك؟ كدبة بيضاء باش نخرج صحبتي تودع حياة لعزوبية نتسمى انا مامزياناش؟؟
سيمو شاف فيها مخنزر: علاش متقولوهاش ليا ونمشي معاكم غير نحطيكم من بعيد ونخليكم تحتافلو
حنان قوسات عينيها وصغراتهم وهي كتشوف فيه: دابة غير جاوبني بصراحة كنتي غادي تخلي علياء تشطح؟؟
سيمو حدر راسو وحك راسو بعصبية: لااا حيت كتعرف تشطح وكيجي معاها وانا لي نشوفها هكاك بوحدي
علياء خارجة تجري بفوطة على وجهها كامسحو من بعد ماغسلاتو من لماسك:سيمو توحشتك
سيمو حاول يجمع تغوبيشة ومن لي ضار ولقاها لابسة بيجامة ديال حنان لي رقيقة عليها خلى معالم جسمها كلهم باينين شوفاتو ليها خلاها تزنك ومن لي هز عينيه فيها لقاها مزنكة وكاع داك لغضب ذاب بحال برداتو بديك لبرائة زوينة...
تفكر كلام رائد وهو يرجع خنز: ياله نديك لداركم راه دويت معاهم
علياء زادت خطوة عندو وعينيها خارجين: كيفاش دويتي معاهم اش قلتي ليهم؟؟
سيمو: قلت ليهم اجلنا لعرس شوية حيت علياء باغة تفكر كتر كتحس براسها زربات
علياء عينيها غرغرو وكتحاول تخرج كلمات بزز: ولكن....أنا....ماقلت......والو
سيمو عطاها بضهر: مقلتي والو ولكن درتي لبارح لي وضح لينا أشنو باغة تقولي مهم ياله نديك راني مامساليش
حنان عرفاتو مايديرهاس وغير باغي يربي علياء ولكن عارفة صحبتها بلا شحال وهي كتسنى عرسها ليه ومايمكنش تقبل كلامو هكاك بساهل: سيمو بلا ضحك باسل
سيمو ياله غايقوليها دخلي سوق راسك سمع صوت علياء تخبطت للأرض سخفانة.
أنت تقرأ
متمردتي المطلقة
Romance⛔قصة حصرية وممنوعة من النشر⛔ سلام عليكم حبيباتي مجنوناتي توحشتوني؟؟ انا توحشتكم ركتة... جيتكم من بعد قصص بالجديد ان شاء الله يعجبكم ⚠️قصصي لمتواضعة⚠️ 🔘في ضلال شوارع نيويورك (قصة كاملة خيالية) 🔘كاوري فالدوار(قصة كوميدية كاملة مشتركة مع فاطمة البقال...
