متمردتي المطلقة

🩸متمردتي المطلقة🩸

بقلمي: اريا ستارك

😷الحلقة السادسة عشر والأخيرة: سر معي حتى النهاية 😷

متمردتي:4

خرجات من لبيت قارنة حجبانها ورائد وراها: دابة مافهمتش علاش كاعية
حنان دارت عندو معصبة: واش ماكتسمعش دقان؟؟ باغي تحتت؟
بكل استغراب جرها كيعنقها وهي كدفع فيه:مالكي ليوم؟
حنان دفعاتو ودارت متاجهة للباب: آخر مرة فيقني دقان بحال هادا مع نبوري جات وحدة قالت حاملة منك علم الله شكون جاي ليوم
رائد حابس ضحكة: غير باغة ضاربي معايا ياك تابابا جا أول مرة مع صباح وفيقك من نعاس
حنان تزنكات تفكرات داك نهار: نتا راك مطنغ كان عندنا صباح حيت ياله فقنا أما هو راه جا لعندنا مع طناش حنا لي كنا مودرين
رائد جرها من خصرها وبضحكة ماكرة قال: فكريني اش كنا كنديرو ليلة لي قبل؟؟!!
تسمع صونيت تاني ودقان بجهد: هادا دقان ديال بنت فاشل واخة كتحاول دق بجهد
رائد دفعها موراه غي لباب: خليني أنا نحل
حنان جراتو من دراعو: رائد انا لي غانحل وانا لي غانتف مها لكانت وحدة من دوك ق**بات لي كنتي معاهم قبل مني... ليوم طايح كتر من النايض
تابعها مستغرب من طريقتها فلهضرة وحتى أعصابها غير عاديين فكر واش هادي وقيتتها ديال شهر شاف فساعتو لقا تاريخ باقي بعيد عل اقل زوج سيمانات أخرى.... تحرك بشوية عليه تابعها ومخلي تيساع بيناتهم كبير وفخاطرو كيدعي مايكونش شي منحوس يطيح فيها ليوم تبرد فيه أعصابها...
كيفكر واش بعدها على عائلتها خلاها توحشهم بزاف للدرجة نفسية ديالها تدهورات....تسمع صوت لخبيط تزاد على لوثيرة ديالو حلات حنان لباب بجهد لقات صباط طالون كانت كدق بيه لبنت جاي ديريك لوجهها خوات ليه بزربة وشدات دراع لي كان كيدق لوات ليها يدها جا ضهر لبنت قدام حنان لي خرجات كلامها بالدارجة مغددة: يابنت ل***  باغة ضربيني بطالون لهاجم يموت شرع ليوم ناكل ديمك وعاد جاياني مع تمنية صباح مالنا كنسرحو نعاج...
علياء شدات حنان من شعرها كتنتف:أويلي طلقي المجعورة
حنان مرداتش لبال لصوت ولا للهضرة جنونها شدوها باغة تسلخ شي حد تخرج شوية طاقة سلبية لي عندها:تاني حاملة ومعارفاش لأب جاية تلصقيها فيه بان ليكم حيط قصير لي حا ينقزو؟؟؟ هاااا؟؟  ولا بلاتي صبري نجمع ليه حوايجو وديه معاك (جمعات شعر صحبتها بين صباعها جراتو) نتي يالكلبة غير لي جا فطريقك تحلي ليه رجليك؟
علياء كضور راسها بزز شافت فرائد حال فمو فيهم وهاد لحالة لي دايرين: ولد جميلة شد مرتك راه غانخلطك معاها
سمعات صوت صحبتها وختهت طلقات منها وقفات فبلاصتها حالة فمها فعلياء لقاتها كتخنزر فيها ولكن غير شافت صدمتها بتاسمات وحلات دراعها ليها ترحيبا بعناقها..تلاحت عليها حنان كتغوت وتعنق وحتى علياء كتنقز وتغوت...
تسمع صوت من موراهم ديال رائد كيهضر مع سيمو لي سلم عليه وقوقف فجنبو مربع يديه: هادو واش ديما هاكة
سيمو كيشوف فيهم كيتغاوتو وبوسو فبعضياتهم: وي عادي (حط يدو على كتف صاحبو) كيبقات خالتي؟!
رائد تنهد: صعيبة تقطع ادمانها لقاو معاها مشكل هاد شهور كاملة وباقي مابانش واش تقدر تعالج من إدمانها
سيمو بتاسم بحزن: ولواليد؟؟
رائد بتاسم: صافا كيجي كنترينيو مع بعضياتنا ولا لعبو كورة نهار سبت غايجي تشوفو.