متمردتي المطلقة

🩸متمردتي المطلقة🩸

بقلمي: اريا ستارك

🍁الحلقة الثامنة: ثقافة جنسية من نوع آخر🍁

متمردتي:6

حنان غادة كتكشكش وكاعية من رائد وتصرفو معاها تابعة خوها لي وقف قدام طوموبيلة ديالهم..
سيمو: بلاتي بلاتي علياء غاتمشي معايا بغيت ندوي معاها
حنان بضحة جانبية: بحال من لي دويتو قبيلة؟؟ سبحان الله مكسمعوش بعضياتهم مزيان خاصهم يهضرو فلفم وفشك
رائد وقف من وراهم وضحك: ختك غارت منك العشير
سيمو خنزر فيها: ختي غانهرس ليها فمها
علياء: واش انا منقولش رأيي؟؟
سيمو وحنان بزوجهم فنفس اللحضة قالو: لااا
علياء خنزرات فيهم اما رائد غير مقابل كيفاش كيتعاملو مع بعضياتهم ومولفين ضحك بعضياتهم حس بلغيرة شوية انه بكترة ماعقداتو لأم ديالو صعيب عليه يتيق ببنادم وقليل فاش كيحل قلبو للناس شبه منعدم..
رائد: نيت انا وحنان عندنا شي لعيبات خاصنا نقادو للعرس
حنان خنزرات فيه: معندنا والو!!
علياء: لالالالا دابة انا غانهضر شوفو غانمشي انا وصحبتي للدار ياك غاندوشو ونلبسو بيجامات وتجيو عندنا بزوجكم من بعد باش تعونونا فدكشي لي باقي متقادش للعرس راه سيمانة جاية
حنان ضارت عند صحبتها: خودي نفس عمييييق
علياء تنفسات ببطء عاد رتاحت شوية وشافت فسيمو وهي قارنة حجبانها: تفاهمنا؟؟
سيمو هز يدو كتحية عسكرية: شيف وي شيف!!
رائد خبا ضحكة من مورا لكحبة جر صاحبو وخلاهم من لي بعدو شاف فسيمو وهو مبتاسم جنب كيحاول يستفزو: باين شاف فلعلاقة ديالكم
سيمو دفعو بكتفو وضحك: نوريه اديمك شاف؟ إلا عندك شك فشكون راجل
رائد ضحك عليه: هههه دايرة خاتم فصباعها العود طايحة خاااايبة
سيمو: لا نتا مطفرو؟؟ اشنو مخليك تبقى معايا وغاتمشي تعاون فتخربيق ديال عيالات (قوس عينيه على صاحبو مركز وكيفكر) ولد لق**** دكشي علاش بغيتي تكلف بلعرس ماشي حيت عشيرك على قبل ختي؟؟ ولد لكلب
رائد هاد لمرة ضحك من خاطرو: أصحبي ماكتخدمش دماغك

                         *******************
فسيارة أخرى لبنات كيموتو بضحك: ناري لديمك مركت قدام خويا
علياء: متخافيش سمعو غير لخر من خامسا واقلة
حنان تفركعات بضحك: خرجتي على ديمي أنا لي دايرة فك راسي اش داني نحاول ندي معاك أجر
علياء: انا كيبان ليا دايرة مع خوك بليزير واااعر وكتقفي مرتو هادشي غير فصالحو
حنان: ياسيري يالبهلة فصالحك تانتي ... عرفتي شحال من وحدة مزوجة وعندها لولاد وكتنعس مع راجل غير حيت خاصها تنعس معاه؟؟ شحال من وحدة كدير براسها فيها ليغيكل ولا مريضة باش يبعد منها؟؟ عرفتي شحال من وحدة من لي كيبغي ينعس معاها كيطفي ضو وقضي غرضو وينوض صافي سالة!! ماشغلوش فيك نتي واش ستمتعتي واش وعتك واش محسيتي بوالو؟؟
علياء كتسنط ومركزة: لا مفراسيش!! شحال يكونو ؟؟
حنان هزات كتافها: وانا شعرفني كنت نحسب فيهم؟؟
صدماتها بقات حالة فمها: الله يمسخك وانا كنصحبك داوية بصح...
حنان كضحك: هههههه غير كنضحك معاك دابة اما فعلا كنت كندوي بصح عرفتي كنسمع شي قصص ولبنات كيتشكاو ليا نحاول نعاونهم حتى ولات عندي خبرة فلعلاقات..
علياء: ارحم ميمتك كملي دةك دوروس راني واقفة عليهم ههههههههههه
حنان: شوفي نتافقة من هنا عل هاد لمواضيع اوكي؟...
علياء: لي بغيتي
حنان: أولا غنقولك كلشي لي كنعرف ونتي تسنطي وعقلي مزيان تانيا هادشي ماكيعنيش انك من لي تبداي فتطبيقي تعاودي ليا!! لا لا ولا انا مشغليش فدكشي وسيرتو أنه خويا يااااع مابغيتش نعرف اوكي؟!!!