🩸متمردتي المطلقة🩸
بقلمي: أريا ستارك
🍁الحلقة الخامسة: بين ثنايا الحاضر وألغاز الماضي🍁
متمردتي:9
خرجوها من سهوتها يدين دافيين تحطو على يديها ودوروها لصدر أدفئ غمضات عينيها لي ماقدراتش تحلهم بألم كترة لبكا، عنقها لصدرو شحال وهي كتبكي وتخوي قلبها..
رائد: حنان يالاه نمشيو تحرك لبرد وضلمة طاحت
حنان بصوت باح: بلاتي شوية
رائد حس براسو باغي يمشي يقلب على معاذ فأي بلاصة ويقتلو ولا يدير ليه شي عاهة مستديمة بسبابو ديك لبنت الضريفة ولات شخص أخر ...
رائد: حنان واش كان كيضربك؟
حنان سكتتات شحال عاد دوات: مرة مرة ماتقولش لسيمو
رائد متحكم فأعصابو: وماماك كانت عارفة
حنان باقة مخشية فصدرو كتستنشق ريحتو لي كتكالميها: كان كيضربني ملي كنا باقين ساكنين معاها...كان معصب حيت ماعطيتوش حقوقو...
رائد ديك لوقيتة جمد فبلاصتو واخا عودات ليه دابا ولكن ماقالتش ليه بلا عمرها نعسات معاه حس بقلبو بدا كيضرب بزربة، عرفها تقدر تحس بيه وهي متكية على صدرو شدها من كتفها ورجعها لور بعدات من صدرو وهزات راسها فيه..
رائد: متبقايش تعطيه مبررات زواج ماشي غير نعاس زواج عشرة... ملي ضربك اول مرة علاش مابعدتيش عليه وتفارقتي؟؟
حنان حدرات راسها مابغاتش تشوف دوك عينين لي كلهم حزن وغضب من جيهتها: حيت حسسني أنا سباب علاش ضربني انا لي ستفزيتو أنا لي ماكنسمعش ليه انا لي كنتعطل فخرجات ديال خدمة ولا من لي كيبغي يدير شي حاجة حميمية معايا وكنخاف...
رائد وقف بالزربة حتى خلعها: غانقتل ديمو و نقبرو تحت لأرض بربي تاندمو على نهار لي عرفك فيه
حنان بتاسمات بحزن: كون غير سمعت كلامك من لي كنا صغار...
رائد عرفها تفكرات تحديراتو ليها كان كيشوف معاذ على حقيقتو مع صحابو و مع بنات أخرين، وكان كيشوفو معاها كيفاش كيتبدل وكيكدب ويمثل وهي كانت تايقة بكل حرف كيقولو، مابغاهاش تأسف على ماضي وقع ولا على هضرة كون سمعات ليها كانت تفادى هادشي مابغاهاش تلوم راسها...
رائد بابتسامة جانبية: قلت لك تسنايني ولكن راسك قاصح
حنان حركات راسها وبتاسمات فعلا ضحكها: انت ماكتستسلمش من هاد لهضرة
رائد: غير بغيتك ضحكي أما قلت لك ماغانبقاش نبرزطك
حنان بتاسمات بحزن: عادي لي بغيتي
رائد شاف فيها ورجع شاف فلبحر: لي بغيت انا ماشي هو لي بغيتي نتي...(قبل ماتجاوب حيت فعلا مامستعدش يسمع شي حاجة ماتعجبوش) اجي نتي واش كلمة زوج تهرسي تيليفونات؟ لباس علك؟؟
حنان تفكرات تيليفون: فاااااااك
رائد شاف فيها وماعرفش واش يجبد ليها ماماها ولا بلاش: احم حنان سيمو مصدعني والو باغي يدوي معاك..
حنان شدات تيليفون من عند رائد ودوزات نمرة خوها: وي
سيمو بعصبية: مال نتي تقطعي على مك تيليفون وتخليها كتبكي مشطونة وحنا لي كنعيطو واش كيهمك غير راسك لهاد درجة أنانية؟؟
رائد سمع هضرة ديال سيمو وخطف ليها تيليفون من ودنها دوا مع سيمو وكلو عصبية: والقل*** من نيتك كتغوت عليها؟؟ كتلوم فيها؟؟ هادشي غير سيفطت لك ميساج وصيتك ...(سكت مدة كيسمع لجوابو)... ماشغليش تكون ختك ولا مك غادي تقطع وغادي تسناها تاترشق ليها وتعيط لك ولا تاتهضر مع مها.....(سيمو كيجاوبو) سمحمد ماتعصبش ديمي عطيتها تيليفون تعيط لك وأول حاجة درتيها غوتي عليها ساهلة باش تكعا ونتا لول لي عيطات لك ماماك وقالت لك صراحة... صافي كترتي فلهضرة تلاااح
رائد قطع عليه وطفا تيليفونو وهز راسو فحنان مبتاسم شافها كيفاش كتشوف فيه بطريقة مختالفة غريبة بحال هاد لحضات ماكيفهمش اشنو كيدور ليها فدماغها
دار إبتسامة جنب وقال: جربي هاد لحل زوين غايعجبك ورخيص مرة جاية قطعي تيليفون مع لي كيعصبك وطفيه وخشيه فجيبك ماشي ضروري نضربوه مع لحيط ولا نشيرو بيه
حنان: هههههههههههههه ديمك كتمركن عليا؟!!
أنت تقرأ
متمردتي المطلقة
Romansa⛔قصة حصرية وممنوعة من النشر⛔ سلام عليكم حبيباتي مجنوناتي توحشتوني؟؟ انا توحشتكم ركتة... جيتكم من بعد قصص بالجديد ان شاء الله يعجبكم ⚠️قصصي لمتواضعة⚠️ 🔘في ضلال شوارع نيويورك (قصة كاملة خيالية) 🔘كاوري فالدوار(قصة كوميدية كاملة مشتركة مع فاطمة البقال...
