متمردتي المطلقة

🩸متمردتي المطلقة🩸

بقلمي: اريا ستارك

😷الحلقة الثالثة عشر: عدوى الحب 😷

متمردتي:8

مليكة فريد وعلياء مزال فلابيل كيتسناو لفقيه وشهود وحنان مصدومة من هادشي لي كيوقع بحال واقع موازي لحياتها حيت عمرها تخايلات غايجي نهار للعالم محبوسين فديورهم وناس كتقرا وتخدم وتزوج بلأنترنيت، ولي مهم كتر هو أنها غاتزوج باقة ماشي فوعيها، رائد طلع لبيتو دغيا ورجع اما عقل حنان تقلب دغيا ماشي مع زواج عقلها مع رائد فين مشا وعلاش مشا لفوق محساتش براسها أنها توحشاتو غير فدقايق لي غبر عليها فيهم...
علياء: ويلي على زواج لانتيرنيت تامن فقيه بلحيتو غايشد تيليفون ويتكونيكطا معانا خههههههههه هزلت
مليكة: عشنا وبقينا حيين تاشفنا بيت الله يتسد وجوامع يتسدو ماكينش لي قاهرني قد لحمام واش انا ديال دوش حلو لينا حماحم هادشي ماشي معقول...
علياء: أنا بغيتهم يحلو لحدود دوزنا ماكاملاش شهر هنا وماكليتش كسكسو ماعرفتش فين نلقاو كسكسو مكسكس ولا مامكسكسش گاااع تشهيتو غانتسطى وناكلو 😭
سيمو رجع من كوزينة هاز عصير مطاه ليها وبرك:لفشوووش!! نتي راك كتوحمي عليا...
مليكة هزات حاجب وشافت فولدها مبتاسمة خلاتو وقف من لحركة عاد خرج عينيه وضار عند علياء: لا متقوليهاش باقي تام...
حنان سدات ودنيها: لا لا اا لا لااااا متكملش ديك لجملة هالعاااار!!! وهاديك لي حداك عندها كسكسو كل جمعة من لأولويات خدم google وشوف شي حل بسيييط...بفففف اش غاديرو لمكنتش فحياتكم
علياء بتاسمات حيت أخيرا رجع لون لوجه صحبتها وقدرات تهضر وتشارك معاهم، هادي غير خطة علياء من لي كتهضر بزاف وتقول لي بغات كتحاول تكون هي لي كتهز ضغط من على كتاف حنان.
فعلا كتعتابرها ختها عشرة عمر وكيما كيقولو دنيا كتولد لك خوت كيكونو اقرب لك من لعائلة شي مرات بتاسمات فرحانة لصاحبتها: تبا لتواضعك ياأختاه...
رجع رائد وغير شافتو بتاسمات: فين كنتي؟
تاهو بدورو ماقدرش يمحي لإبتسامة من على وجهو برك حداها خدا تيليفون من يدها حطو وشد يدها حطها فوق فخضو، هز لبواطة لي حط ورا ضهرو حلها جبد منها خاتم هز يد حنان وشاف فيها عينيها غايخرجو كتشوف فيديه ودموعها على أبواب..
رائد: عقلتي نهار خرجت نهار كامل ماجيتش... كنت كنتسناهم يقادوه و... و احم خديت لك خاتمك باش نعبر عليه وجبتو معايا ومن داك نهار وانا يوميا كنهزو ونديرو فجيبي ونسد عليه... باش نكون واجد من لي يجي لوقت كنت عارفو غايجي من لي دخلتي معايا للدار أول نهار وصورة لي ترسمات قدامي كانت كافية باش تخليني نبدا نخطط لزواج ولإسقرار معاك...
هز ليها يدها وخشا لخاتم فصبعها وباس على يدها، حط يدو على حنكها وهبط عندها باسها فحنكها وقرب للقنت ديال فمها..
سيمو: احم عيطو للفقيه خلاص أنا مضور نمرة للدراري
علياء عينيها كلهم قلوبة: دكشي رومانسي تاهو شرا ليها خاتم بحالها شرات ليه...
عينين حنان بانو فلكاميرا مخنزرين فعلياء: زيدي كملي مالك حبستي
علياء خرجات عينيها عاد وعات بآش قالت: نعااااااااام احم سيمو كيعيط
سيمو شاف فيها باستغراب: سيمو حداك شوفي لك شي كدبة أخرى ههههههه أجي اش شرات ليه؟ خاتم؟؟ إمتى وعلاش؟
علياء مكتقدرش تكدب ولا تسكت قدام سيمو لي كان كتقولو إلى سولها: دابا من ورا لعرس كانت باغة هي لي تعطينا كادو نمشيو لشي بلاصة من لي سبقها رائد قالت علاش لي ما..
حنان متمالكة راسها غير بزز: علياء شتي نهار نحط رجلي فلمغرب عرفي راسك ديك ليلة غانريشك

بس: فتيات لي جاي شي حاجة تاااانية أحداث غير متوقعة ترقبوني غدا ههههه مع لمزيييد جاني نعاس لحضاش عندنا... مهم أرائكم بلييييز بغيت نعرف اش كيدور فدماغكم عجبتوني أخر اجزاء بزاف منكم شاركو حبييييييت ❤
كوفر من صنع Doha Najib تبارك الله علك الفنون حبييييت بجهد 🥰🥰🥰🥰🥰🥰