متمردتي المطلقة

🩸متمردتي المطلقة🩸

بقلمي: اريا ستارك

🍁الحلقة السابعة: تضحك وفي عينيها ألف دمعة🍁

متمردتي:3

رائد من بعد لحفل بارك فبار صغير وسط مدينة سيفيل إسبانيا ياله كيشرب كاسو تاني معول مايعقل على والو موصي كارد ديالو يحضيه ويوصلو للدار من لي غيب، ليوم غايدفن همومو وأعصابو فالشراب واخة ممنوع عليه هادشي على قبل اللياقة لبدنية ديالو باش ميتأترش عليه...
كان كتسنط لمزيكا حتى برزطو  فقهقهات باصوات عالية ديال بنات ضار يشوف لقا بنات ليل بملابس شبه عارية زوج بيهم كل وحدة فيهم معنقة نفس شخص لي بيناتهم من عنقو وكيتغنجو بيه..
رائد دور وجهو بللمبالات لكن عاد سرا معاه اش شاف رجع فلبلاصة ضار كيحنزز مزيان وملي تأكد بدكشي لي  كيشوف فيه حقيقي بتاسم جنب ودار إشارة للكارد ديالو جا عندو: داك خونا لي لور مع دوك زوج بنات بغيتك تسيفط ليه درينك(مشروب) على حسابي ولكن بغيت من لي رجع لوطيل نلقاه تم كيتسناني قبل مني
كارد شاف ورجع شاف فدري باستغراب ولكن مايقدرش يسول عارف لأعصاب ديال رائد: اوكي انحاول
رائد رجع شاف عوتاني كيتمعن فلأشخاص: ولا عرفتي شنو عندي حل حسن برك نقولك اش غادير بتفصيل...

                **********
من بعد تلاتة سوايع شخص كيفيق فمكان غريب عليه كيحاول يتوكض والو شراب مأثر عليه بزاف لاول مرة فحياتو سمع لخبيط فلباب ولكن والو معندوش جهد لي نوض بيه كيحاول يتفكر شحال شرب باش يوقع ليه هاكة؟... تحرك وضار على جنبو وعاود ضار مرة أخرا حتى طاح لأرض وفعلا طيحة فيقاتو شوية برك بشوية عليه وملي بدا كيحل عينيه كيسمع صوت بكا حداه جاي من شي بلاصة معرفش منين حل عين وحدة كيحاول يشوف فأرجاء لبيت باين اوطيل ملي سمع لحس عاليمن دور وجهو كتبان ليه بنت مربوطة وكتبكي  مسدود ليها فمها خرج عينيه على أخرهم... بزز خرج كلمات ولسانو تقيل عليه: اش...... هاد ......لق*****
فديك اللحضة اقتاحمو لبوليس المكان وهوما كيغوتو بإسبانيوليا...اما شخص فبلخعة طلقها فسروالو هزوه لبوليس وهو باقي ماقادرش حتى يهضر وعينيه خارجين بدهشة ولخلعة معارفش كيفاش وصل هنا ولا حتى فين راه اصلا... لبوليس طلقو سراح لبنت لي مربوطة لي تاهي فاقت مخذرة ومعاقلاش من غير لقات راسها مربوطة وفعلا كانت معاه فبار هي وصحبتها لبوليس طمنها بلا صحبتها لي عيطات للبوليس حيت تبعاتهم....
بعد يوماين وهو بارك فلأرض فسجن صغير بمركز الشرطة لإسباني دخل عندو بوليسي وأخيرا شي حد معامن يدوي هادي يوماين وهو كيغوت باغي غير يعرف علاش راه فلحبس..لحوار داير بلإسبانية
بوليسي: عندك زيارة
شخص: ولكن...
بوليسي ضربو لقفاه: شو ماسوقيش فقصة حياتك صضعتيني هاد ليوماين بلغوات .. دوز لهيه للزيارة
ياله باغي دوي على حقوقو وبلا عندو لحق يعيط لمحامي ولكن شخص لي شاف خلاه يقوص عينيه وبقا يحقق حتى بتاسم ليه شخص عاد حجبانو تقرنو مفاهمش اشنو واقع ولكن حاس بهادشي كلو من وراه
رائد بابتسامة عريضة عجبو منضرو وهو مبهدل ومعارفش اشنو واقع بطبيعة لحال هو لي حطو فهاد لموقف: معاذ معاذ معاذ!! عقلتي نهار قلت لك من لي غاطيح فيدي ماغانرحمكش؟؟ هاوا جا نهار