🩸متمردتي المطلقة🩸
بقلمي: اريا ستارك
😷الحلقة الثانية عشر:الحجر تحت سقف واحد 😷
متمردتي:3
حنان حالة فمها فدارو من بعد مادار بيها تور: عندك لابيسين وجاكوزي واش نتا مليونير ولا شي لعبة؟؟
رائد: ولا شي لعبة خهههه كنت هنا كنصور إشهار وبسباب لحدود تسدو عطاوني هاد دار نسكن فيها، ولكن عجباتني وقررت نشريها...
جارة باليزتها وتابعاه حل ليها باب لبيت ديال ضياف: هادا بيتك عندك حمام لداخل
حنان: اوكي انا غاندوش ونعس عيانة بجهد
رائد: فيا جوع غانطيب لعشا لابغيتي تاكلي خرجي سينو غانعرفك نعستي
بلا مايتسنى لجواب سد لباب وتوجه للكوزينة أما حنان تعصبات من معاملتو بحال كيتجمل عليها، أما لحقيقة هي أنه مابقاش كيتغزل فيها وقتما بغا وهادشي برزطها...
خدات دوش وحلات لباليزة ديالها وهنا تعصبات بيجاماتها كلهم شورطات عزي عليها لعرا كتلقى فيه راحتها فالنعاس، شورط قصير وديباردور لاحت فوق منهم بينوار رجولي كان معلق تم..
تسللات ريحة لماكلة لنيفها كرشها غرغرات كنداء ليها باش تاكل.....بهمس قالت مع راسها : رائد كيطيب لابس طابلية دكوزينة وواقف كيحرك فشي كاسرونة هاااااااح منضر مخاصزش يتزكل
لبسات تقاشر وخرجات كتسلت من لي شافتو فكوزينا وقفات كتشزف فكتافو كيتحركو ولعضلات كتبرز كل مرة مع نوع الحركة لي كيقوم بيها...
رائد: أجي تعشاي
حنان كانت ساهية من لي سمعاتو خلعها بغات تشهق ودارتها بزربة وحل ليها لبرد فحلقها بدات كتكح حتى تجيفات بزربة رائد عطاها قرعة لما محلولة شربات منها شوية عاد قدرات تنفس على خاطرها: خلعتيني .... كح.... أزمر... باش عرفتيني أصلا واقفة هنا؟؟
رائد هز يدو نعت ليها فلكوزينة: إنعكاس ديالك فلمايكرويف
حنان مكرهاتش لأرض تتحل وتبلعها حاولت تغير لموضوع: هادشي ريحتو زوينة
رائد: غير ليباط بدجاج
حنان: مكاين ماحسن من لي باط نموت عليهم
تعشاو فصمت وكل واحد فيهم تمنى للآخر ليلة سعيدة ودخلو لبيوتهم بكترة ستريس بزوجهم نعسو بلخف...
**********************
حلات عينيها على صوت موسيقى هزات مخدة حطاتها على راسها: ياربي يطفيو موسيقى ياربي
بعد دقائق استسلمات وناضت طلات من شرجم بيتها لاحضات الناس متجمعين على شرفات منازلهم كلهم بمبابس رياضية وعينيهم متاجهين ديريكت ليها او بلأحرى مبنى ديالها..
رجعات بزربة من شرجم حلات شانطتها لبسات كولون سبور وكراب طوب وخرجات للبالكو صغير ملي شافت على يمينها لقات رائد لابس شورط كحل وتيشورط... لي ماتوقعاتوش أنه يكون هو لي كيدير لحركات والناس متبعينو وكيديرو بحالو، كيما خرجات بزربة رجعات للبيت مخبية، مكانش صعيب أنها تلاحض بلا أغلبية لمشارطين بنات وكيفاش رمقوها بشوفات كتقتل أغلبيتهم حقد وحسد أما ذكور فرمقوها بنضرات بين لفضول ولإعجاب
خرجات من لبيت متوجهة للباب قررات تخرج تجري حسن ليها، لمحات قبية ديال رائد هزاتها لبساتها وخرجات كتجري ، رائد من لبالكو شافها وبقاو عينيه مركزين معاها وفنفس لوقت مرة مرة كيغير لحركات...
بعد لحصص الرياضية خرجات حنان هي لولة مشات لكوزينة جبدات كفتة ولخضراوات لي محتاجة وبدات كطيب فلغدا بعد نص ساعة خرج رائد من بيتو بملابس أنيقة..
حنان: رائد غير شوية ولغدا يكون واجد (من لي ضارت وشافتو أش لابس وقفات من لحركة) فين غادي؟؟
رائد خز حاجبو وبتاسم: خارج
حنان: ويلي فين غادي ونيويورك دايع فيها لمرض أش عندك مايدار فهاد لوقت ياك كلشي موقف؟؟ واش ناقصاك شي حاجة؟؟
رائد كيضحك: هههه غير بشوية علك تنفسي!! غادي خارج وصافي ماشي بضرورة تعرفي أشنو كاين
حنان خنزرات فيه: مباغة نعرف تاحاجة شغلك هداك غير كنسول على قبل لغدا
رائد دار نضاضرو ديال شمس: غير كولي متسناينيش بصحتك!!
بس: بنات ريزو عندي هربو ليا تا من أحزاء لي فاتو سطاوني لجزء تعاود مهم أعتدر بجهد
أنت تقرأ
متمردتي المطلقة
Romance⛔قصة حصرية وممنوعة من النشر⛔ سلام عليكم حبيباتي مجنوناتي توحشتوني؟؟ انا توحشتكم ركتة... جيتكم من بعد قصص بالجديد ان شاء الله يعجبكم ⚠️قصصي لمتواضعة⚠️ 🔘في ضلال شوارع نيويورك (قصة كاملة خيالية) 🔘كاوري فالدوار(قصة كوميدية كاملة مشتركة مع فاطمة البقال...
