متمردتي المطلقة

🩸متمردتي المطلقة🩸

بقلمي: أريا ستارك

🍁الحلقة السادسة: متمردتي سيدة التناقضات🍁

متمردتي:10

سيمو غادي جاي فبيت حنان معصب باغي يهرس شي حاجة كل مرة كيقرب من شي حاجة كتفوت عليه حنان بلا إلا هرسها غاتهرس ليه صباعو...
حنان بصوت عصبي وهي كطبطب على وجه علياء: سيمو عصبتيني برك لرض نتا غادي جاي... راه غير سخفت دابة تفيق... عطيني ديك ريحة لحمرة لي لهيه
سيمو بسرعة لبرق جاب ريحة عطاها ليها وقابلها حتى حطاتها حدا نيف علياء لي بدا كيتحرك وعاد عينيها بداو كيتحلو غير شافت سيمو وهي تبدى تبكي..
سيمو تلاح على ركابيه حداها فسرير وشد ليها فيديها : علياء حبيبة سمحي ليا غير كنت بغيت نربيك ولكن ضحكي باسل غير مابغيتكش تكدبي عليا وبغيتك تحسي بمعنى يكدب علك شريك حياتك
عاد مازادت علياء فلبكا لي خلى حنان كتشوف فيها بتمعن وتشكيك حتى لاحضات بلي غير كتمتل عليه بتاسمات من خبث صحبتها قد ماكتبغي خوها قد مادير لي كان فطريقها باش تبان ليه غير هي وفعلا خطة ناجحة
شحال كتحسد بحال هاد لعلاقة لخيالية بالنسبة ليها كون مشافتهمش بعينيها وعرفاتهم شحال كيبغيو بعضياتهم عمرها تصدق بأن مفهوم لحب كاين وحقيقي ماشي غير كدبة تداولوها ناس حتى تاقو بيها، أكبر دليل عندها هو حبها لمعاذ لي فعلا منعدم بحال عمرو كان واش غير كدبة وعاشتها وتيقاتها ولكن فعلا كان حب وتنسى... واش زعمة لحب لحقيقي كيقدر يتنسى ولا كان نيت كيتنسى علاش ناس لي قلبهم مجروح عمرو إلتئم؟.

                           ****************

حنان باركة فصالة ديالها جديدة مقابلة تلفازة عينيها خارجين فلوسيفر ملي بان قدام المحققة لي كتبغيه وشحال توحشاتو، فديك لحضة جا فبالها رائد علاش غبر عليها هاد ربع يام وحتى من موعد لي كان عندهم مع أخر لمسات ديكور فلقاعة لي غايتن فيها لعرس، عيط ليها رائد وعتادر بلا مايقدرش يجي.. شحال وهي كتناقش غير مع راسها بلا توحشات نكيرهم ومضاربتهم ماشي هو كشخص.
هزات تيليفونها كتقلب فيوتيب على أخر فيديو ليها شحال دار ديالles vu بمدخول ديالو ناوية تاهد لخوها ومرتو كادو ديال زواج سمعات صونيت فلباب وحطات تيليفونها وناضت من لي طلات فلعين سحرية (كنقولوها على تقبة صغيرة لي كتكون فلباب باش تشوف لبرا) ملقات والو غوبشات ورجعات فحالها ياله غاتوصل للصالة سمعات صونيت عوتاني مشات لكوزينة بزربة هزات موس ورجعات بشوية لجيهة لباب وحلاتو ملقات تاحد تاني ولكن هاد لمرة شافت لكارطوني لي محطوطة فلأرض..: أشنو هادشي
لقات ورقة صغيرة ملصقة لفوق مكتوب فيها: أتمنى لك في يوم مولد أياماً بنقاء روحك وسعادة بحجم حبي لك، عيد ميلاد سعيد 🖤

بس:حبيباتي واعدتكم خمسة أجزاء وهاهوما مهم كنعتادر بزاف على تعطال ولكن هاد ليوماين دازو عندي تمااااارة ديال بصح وهاد ليلة والله كنكتب ليكم وفيا موت نعاس ومصححتش لأجزاء كاع تال غدا من لي نفيق ونعاود نصحح كنعتادر على لأخطاء لي غاتلقاو وبليييز تفاعلكم هو لي كيخلينا نكتبو كتر تحركو معانا نتحركو معاكم.... كنجطيييمكم🖤